“Mobua-bui”

BAHLALEFI ba bang ba Maathene ba ile ba bitsa moapostola Pauluse “mobua-bui.” (Lik. 17:18) Lentsoe la Segerike leo ba le sebelisitseng le ne le ka ’na la bolela ‘lekhoaba le thonakang lipeō.’ Ka kutloisiso ea tšoantšetso, lentsoe lena le ile la sebelisetsoa motho ea neng a thonaka likotoana ka ho qela kapa ho utsoa. Ha ba sebelisa polelo eo mabapi le Pauluse, bahlalefi ba ne ba mo bolela e le ea phetang likotoana tsa tsebo, kahoo, mobera-beri ea sa reng letho.