Ho Nyoreloa ’Nete hoa Putsoa

Ireland batho ba bang ba ’nile ba batla Lipaki tsa Jehova ho botsa ka ’nete ea Bibele. Ka mohlala, tabeng e ’ngoe Paki ea siela mosali bukana ea ileng a e bala ’me a e fa monna oa hae. Libeke tse peli hamorao, monna enoa a tla lapeng ha Paki ’me a re ho mosali oa eona: “Monna oa hao o file mosali oa ka bukana. Ke e balile, ’me ke ’nete. Ke rata ho buisana le monna oa hao. Ke mo batlile ka libeke tse peli tse fetileng.”

Monna a hlalosa hore o thahasella Bibele haholo. Ha e le hantle, ka ho bala Bibele ea K’hatholike a bolela hore o ne a tseba hore ’muso oa Molimo oa tla. “Seo ke batlang ho se tseba ke sena,” ha rialo monna eo, “na nka fumana sebaka ’musong ona?”

Ha etsoa litokisetso tsa hore banyalani ba Lipaki ba etele ea botsang le mosali oa hae. Nakong ea ketelo, puisano e telele ka Bibele ea tsoela pele. Ka Sontaha se latelang, banyalani ba thahasellang le lelapa la bona ba e-ba teng puong ea phatlalatsa Holong ea ’Muso, ’me hona ha isa thutong ea ka mehla ea Bibele. Kamor’a nakoana feela, lelapa le neng le batla ’nete le ne le tlositse lintho tsa boineelo borapeling ba bohata lapeng la bona ’me ba tsoela pele hantle haholo moeeng.