Le Linonyana li ‘Tseba Nako ea Tsona’

LITABA tse mpe li ne li le teng Iseraeleng mehleng ea Jeremia. Tsela ea bona e ne e hanana le ea linonyana tse balehelang mariha. Rea bala: “Ha e le mokotatsie, e tseba nako ea eona leholimong, le leeba, le lefokotsane, le mohololi, li ’ne li lemohe nako ea ho boela ha tsona; empa sechaba sa ka, ha se tsebe tokelo ea Jehova.”—Jer. 8:7.

Le hoja linonyana tse balehelang mariha joaloka mokotatsie, lefokotsane, mohololi le leeba Ii lemoha nako ea ho tsamaea le ho khutla, Baiseraele ba ne ba sa bontše ho hlokomela kahlolo ea Jehova. Tabeng ea linonyana tse balehelang mariha, ho tsamaea le ho khutla ha tsona ke tsa bohlokoa bophelong. Ka ho tšoanang, katleho le nala ea Iseraele e ne e itšetlehile ka kahlolelo ea Jehova. Empa Baiseraele ba hlōleha ho sena ’me, ka baka leo, ha baa ka ba bontša le eona kutloisiso e ntle e tšoaeang linonyana tse sa nahaneng tse lemohang nako ea tsona ea ho balehela mariha.