Lesole le Fetohileng ’Moleli
Kamoo ho boletseng Richard A. Boeckel
HA KE ntse ke le sesoleng ntoeng ea bobeli ea lefatše, ka qala ho ithuta libuka tse ling tsa Bibele. Ha ke bala ’me ke leka ho fumana hore na lintho li boemong bofe, potso ea haola maikutlong a ka: Maikutlo a Molimo ka maemo a thata ao re talimaneng le oona bophelong ke afe kajeno?
Ka nahana hore ka 1776, ha ho tsoaloa Linaha tse Kopaneng tsa Amerika, ho bile teng banna ba sebete ba ileng ba tela bophelo ba bona lebitsong la naha ea habo bona, e, ba bileng masoabi hore ebe motho o phela hanngoe feela. Empa ruri, ka ipotsa, ke melemo efe ea ka ho sa feleng e tlisitsoeng ke boitelo ba bona bo khabane? Ruri ha boa ka ba hapa lira tse khōlō tsa motho, ho kula le lefu, kaha batho bohle ba neng ba phela ka nako eo ba shoele.
’Nete e bohloko ke hore ha ho ’muso le o mong oa motho o ka hapang lefu, leha e le hona ho kula, kapa botsofali. Empa joale ke ne ke ithuta ka ’muso oa Jehova Molimo o neng o ka hapa lira tsena ’me o tla fela o li hape. Boprofeteng bo buang ka morena oa Molimo, Jesu Kreste, Bibele re: “Re tsoaletsoe ngoana, re neiloe mora; borena bo beiloe lehetleng la hae, . . . hore a holise ’muso, le ho tlisa khotso e sa feleng.”—Esa. 9:6, 7.
Jesu o rutile balateli ba hae ho rapella ’muso ona oa Molimo. A re, “Joale lōna, rapelang joalo, le re: Ntat’a rōna ea maholimong, lebitso la hao a le ke le khethehe; ho tle ’muso oa hao; thato ea hao e etsoe lefatšeng, joale ka ha e etsoa leholimong.” Puso ena ea ’muso, eo Bibele e bontšang hore e tla felisa ‘lefu, masoabi, ho bokolla le bohloko,’ ruri e phahametse puso leha e le efe ea motho. ’Me kaha Jesu o ile a phehella hore, “Le mpe le batle ’muso oa Molimo le ho loka ha oona pele,” ea e-ba ho utloahalang ho ’na hore ho utloa melao ea Molimo ho lokela ho tla pele bophelong ba ba tšehetsang ’muso oa Oona.—Matt. 6:9, 10, 33; Tšen. 21:3, 4.
Ke kholisehile ke litaba tsena, ka kōpa hore ke lokolloe, empa ka haneloa.
HO KOPANELA BOBOLELING BA ’MUSO
Ka seo ke neng ke ithuta sona ka hlokomela boikarabelo ba Bokreste ho kopanela le ba bang ‘litaba tse molemo tsa ’muso.’ (Matt. 24:14, NW) Ha ke le Fort Francis E. Warren, Wyoming, ka qala ho ba teng libokeng tsa Lipaki tsa Jehova, Cheyenne e haufi le moo, ’me ka fumana ho fepeloa ka libuka. Libekeng tse ileng tsa latela ka aba libuka le libukana tse makholo-kholo kampong ea sepetlele le matlong. Baholo ba kampo ba phakisa ba utloela ka letšolo lena la boboleli, ’me ba leka ho fumana hore na ke mang ea ikarabellang. Empa banna ba nthusa hore ke se ke ka fumanoa.
Ke ne ke tsamaea le mealo ke buisana ka lenyele le batho ka bomong kapa lihlotšoana. Ho sa le joalo, masole a ne a ema e le lihloela ka pele le ka morao ho menyako ea matlo. Ha ba boholong ba hlaha ba mpatla, banna ba ntlhokomelise, ‘me ke tsoe ka monyako o mong. Joale ke ee matlong a karolong e ’ngoe ea kampo, ke qale ho paka moo. Eaba ba ntse ba hana ho ntokolla.
PHOMOLO EA BOHLOKOA
Ka Phato 1944 ka neoa phomolo ea ho ea Kopanong ea Puso ea Leholimo ea Baboleli ba Kopaneng e Denver, Colorado. Ke hlile ke lumela hore e bile ka tsamaiso ea Morena ke ileng ka neoa phomolo ena, haholo ka baka la se ileng sa etsahala kopanong.
Karolong e ’ngoe ea kopano ka lula pel’a Lotta Thayer, Paki e tsoang Abilene, Kansas. Ha re ntse re qoqa, a tseba ka mathata ao ke nang le oona ha ke leka ho sebeletsa Molimo tikolohong ea sesole, ha ho talingoa seo ke ithutileng sona ho Esaia 2:4 le mangolo a amanang le leo.
A mpotsa, “Na u tseba hore na ke ahile pel’a mang? Ke ’mè oa Molaoli Eisenhower! Ke e mong oa Lipaki tsa Jehova. Na u rata ha a ka u ngolla?”
Ka re, “Hantle haholo!”
THUSO E TSOANG HO ’MÉ OA EISENHOWER
Ho ea qetellong ea Phato re ne re falletse Colorado. Ka hana mosebetsi oa ho lebela eaba ke biletsoa tenteng ea ntlo-kholo. Ha ke ea ke lebile teng ka bolelloa hore ke lule tlas’a sefate sa junipa ho fihlela ke bitsoa. Ha ke ntse ke eme, lesole la hoa, “U biletsoa poso!” ’me e mong a ntlisetsa lengolo. Ke ne ke qeta ho le bala ha ke bolelloa hore ke itlalehe.
Ha ke kena tenteng ea ntlo-kholo, moo bohle ba “konopo li benyang” ba neng ba bokane, ha nka ka lumelisa ka mokhoa oa teng. E mong oa liofisiri a re: ‘Ha u lumelise baokameli ba hao ka tšoanelo?’
“Che, Monghali.”
“Molato?”
Ka hlompho, ka fana ka mabaka a ka, a theiloe kutloisisong ea ka ea Bibele. Ka ho rialo ofisiri eo ea re: “Molaoli Eisenhower o tlameha ho kolokisa lōna Lipaki tsa Jehova kaofela ’me a le thunye!”
“Ebe u hopola hore a ka thunya ’mè oa hae, monghali?” ke ’na ea botsang.
“U bolela’ng ka ho rialo?” a botsa.
Ke kenya letsoho ka pokothong ’me ke ’ntša lengolo la Khaitseli Eisenhower, ka mo nea lona. “Ke sa tsoa fumana lengolo lena le tsoang ho ’mè oa molaoli ha ke ntse ke emetse hore le mpitse.”
Ha a bala lengolo, leo u bonang le hlahisitsoe hape leqepheng le leng, liofisiri tse ling le tsona tsa bokanela ho le sheba. Ka ho inahana ka ho teba, le ka boikutlo bo fetohileng haholo, a ’nea lona hape. A re: “Khutlela mosebetsing, ha ke batle ho kena-kenana le ’mè oa Molaoli.”
Ida Eisenhower, eo mora oa hae hamorao e bileng mookameli oa Linaha tse Kopaneng tsa Amerika, ka nako eo o ne a le lilemo li 82. Ka ho bala lengolo la hae, u bona hore karolong e khōlō ea bophelo ba hae e ne e le e mong oa Lipaki tsa Jehova. Ha ho letho le neng le ka ba molemo ho feta ho fihla ha lengolo la hae ka nako e ntle! Khothatso ea hae ke sona seo ke neng ke se hloka.
HO BOLOKA BOEMO BO TIILENG
Le hoja ke ’nile ka leka hore ke lokolloe, ha hoa ka ha etsahala. Leha ho le joalo, ka hana ho kopanela mosebetsing ofe kapa ofe oo ke neng ke ikutloa hore ka ho toba o fosana le metheo ea Bibele. Ka lekhetlo le leng hona ha etsa boemo bo tšehisang. Ba ka bang 60 ho rōna re ne re entse lesakana la nkope ka mealo ea rōna ka tlung eo re lulang ho eona ho mamela taeo e tsoang ho “majoro” ea neng a etile. A eme bohareng ba lesakana, a qamaka ’me a supa ’na. “Uena—bontša hore na u ka betsa seqhomane sa letsoho joang.”
“Kea sitoa monghali,” ke ’na eo.
“Hobane’ng?”
“Hobane motho e mong a ka ‘na a tsoa kotsi.”
Bashemane, ba tseba seo ke se lumelang se theiloeng Bibeleng, ba itheta ka mealo ho ea morao ke litšeho hoo pherekanong e ileng ea latela a ileng a sitoa ho mphumana hape. Eaba joale o ea nthong e ’ngoe hape.
HO BOLELA FRANCE
Hamorao, ha ke ntse ke batla ho tsoa sesoleng, ka rōmeloa France. Ka amohela phetoho ea liketsahalo e le thato ea Jehova, ’me ka ikemisetsa hore ke tla Mo sebeletsa ho le joang kapa joang. Kahoo, ka buleloa menyetla e tsotehang ea tšebeletso ea ’Muso ha ke le France. 1980 Yearbook of Jehovah’s Witnesses e bolela ka bokhutšoanyane ho hong ka sena tlas’a sehlohoana “Lesole la U.S. le Etsa Barutuoa.”
Ha ke fihla France, hoo e ka bang ka la 1 Mphalane 1944, ka romela moputso oa ka ho Watch Tower Society New York ’me ka kōpa libuka tsa Sefora. Tsa nka likhoeli pele li fihla.
Ke ile ka ithuta Univesithing ea Grenoble selemo ka 1933, ke ne ke tseba Sefora hanyenyane. Kahoo ke ne ke tseba ho pakela batho ba moo kae le kae moo re leng teng—Nancy, Dijon, Le Mans le Vittel. Hangata ke ne ke fihla liahelong bosiu bo boholo kamor’a ho nka lihora tse hlano ho isa ho tse leshome ke ntse ke ba etela malapeng a bona ka molaetsa oa ’Muso.
Ha ke le Paris ka kopana le Henri Geiger, eo ka nako eo a neng a lebetse mosebetsi oa Lipaki tsa Jehova France. Ho eena ka fumana libuka tse ling tsa Sefora. Empa kaha li ne li fokola ke ne ke ee ke alimane ka bukana ho mong a ntlo ka matsatsi a mararo kapa a mane, ebe ke khutla ho ea e lata e le hore nka e kalima e mong. Ho bolela ha ka, le ho hana ha ka ho jara lihlomo kapa ho lumelisa baokameli ka mokhoa oa teng, ha mema tlhokomelo e khōlō. Empa ba ’na ba hana ho ntokolla.
HO HANA HO SEKISETSA
Hoo e ka bang nakong eo ka eona Majeremane a ileng a futuha ka matla ka lekhetlo la ho qetela Ntoeng ea Bulge, ka biletsoa ntlo-kholo ea moo ea sesole. Ka baka la khaello ea banna ba loanang, ba ne ba batla hore ke jare lihlomo. Hape, ba laela hore ke lumelise liofisiri ka tšoanelo ke be ke khaotse ho bolela. Mookameli a re, “Ke u lebelletse ho etsa mosebetsi oa lesole le molemo.”
Ka hlalosetsa mookameli: “Hoja e mong le e mong o ne a amohela keletso ea ka ea boitšoaro e theiloeng Bibeleng ho ne ho ke ke ha e-ba le bothata ba botahoa har’a masole, kapa tlhokahalo ea ho hlokomela maloetse a bona a amanang le likamano tsa botona kapa botšehali.”
Karabelo ea mookameli ho seo ea e-ba hore: “Amerika e ke ke ea hanela menyaka ea likamano tsa botona kapa botšehali ho masole a eona, hobane Amerika e hahiloe motheong oo.”
Ka otlolla mookameli, ke mo bolella hore ke utloisisa hore Amerika e hahiloe motheong oa lenyalo le hlomphehang, ’me ha e buelle bohlola kapa bofebe. Le hore ke neiloe qeto ea boikhethelo: ‘U tlohela ho bolela kapa u tla thunngoa hoseng.’ Ke sebelisa mantsoe a baapostola ho Liketso 4:19, 20 le 5:29, ka ba bolella hore ke tla utloa Molimo ho e-na le bona, ’me kahoo nke ke ka khaotsa ho bua ka ’muso oa Molimo.
Ho e-na le hore ke thunngoe, ka tšoaroa ’me ka neoa mosebetsi oa ho cheka ntloana. E ne e le ’na eo, ke le ka mokoting o tebileng ka maoto a tšeletseng, ka Sajene Randy Tarbell a ntebetse a le ka holimo. Kamor’a ntoa Randy a ithuta le John Booth, eo ha joale e leng setho sa Sehlopha se busang sa Lipaki tsa Jehova, ’me kajeno, Randy ke moholo oa Mokreste.
BOPAKI BA TSAMAISO EA JEHOVA
Ho sa ntsane ho hlokahala banna ba loanang haholo, lesole le lenyenyane la rōmeloa Vittel ’me ka rōmeloa ho ea nka sebaka sa lona. Joale ke ne ke se ke se litlamong, ’me ho e-na le ho lula tentenyaneng, joale ka fumana kamore e nang le moalo oa sebele Hōtel des Grandes Sources e ntle ea Vittel!
Letsatsi kamor’a hore ke fihle, ka fumana lebokose le leholo le nang le libuka tse ka bang 60—libuka tseo ke neng ke li romelletse ho Watchtower Society likhoeli tse hlano pelenyana. Li ne li ’nile tsa ntatela empa feela li sa fihle ho ’na. Ka le pata tlas’a moalo. Ke sebaka sa pele seo ke neng ke bile ho sona seo ho sona ke neng nka tseba ho pata libuka tsa Bibele. Ka sebele, e tlameha ebe e ne e le ka tsamaiso ea Jehova. Empa ntle ho libuka tsa Sefora, Mokhatlo oa boela oa nthomella libuka tsa Setaliana, Serussia, le Sejeremane. “Hobane’ng?” ka ipotsa. “Ebe ha ba tsebe hore ke France?”
Hoseng ka le latelang ka theohela moo ho jeloang, ka bona eng? Ka tlala thabo hohle! Ho ne ho le teng masole a Mataliana a ka bang 50! Joale e ne e le Tlhakola 1945, ba ne ba ikopantse le mabotho a Setsoalle ho loantša Manazi. Empa ha ho felle moo. Hape ho le teng masole a Marussia a ka bang 50 a lulang hoteleng. Ha ke ntse ke ja le bona ka holong matsatsing a latelang a mangata, ka tseba ho buisana le bona ka puo eo re neng re ka utloana ka eona, ke tsamaisa libuka tsohle tsa Setaliana le Serussia.
Libuka tsa Sejeremane tsona? Hamorao, ha ke le Nancy, ka kopana le batšoaruoa ba 60 ba Majeremane. Kaha ke bua Sejeremane ka tseba ho ba pakela. Ba thabela ntho eo ba ka e balang hakaakang! ’Me ka hlakeloa haholo hore Jehova o tsamaisa mosebetsi oa boboleli ba ’Muso! Hona hohle, ke kholisehile hore ho ne ho ke ke ha etsahala feela tjee ka tsietsi.
Libekeng tseo ke neng ke le Vittel ka tsona, ka etela lelapa le leng le le leng motseng ka molaetsa oa ’Muso. Leeto le leng nke ke ka le lebala. Ke ha ke etetse André le Suzanne Perrin. Ra bokana tafoleng le bana ba bona, re ithuta ho fihlela bosiu bo boholo. Hoseng ka le latelang, Suzanne a nkhoeletsa ha ke feta: “Monghali Richard, na u tseba hore na ke ile ka etsa joang maobane ha u qeta ho tsamaea? Ke chesitse lifapano tsa ka kaofela, litšoantšo tsa ka tsa baroetsana, lirosari—kaofela mollong.”
Haufinyane Suzanne o sa tsoa ’ngolla a mpolella hore ba na le batho ba ka bang 50 ba kopanelang le phutheho ea Vittel. Le hoja monna oa hae a shoele, eena le mora oa hae, le beng ka eena ba bang ke Lipaki tse mafolo-folo. Ke ho nka e le tokelo e khōlō hore ke bile le tokelo ea ho jala peō ea ’nete ea ’Muso France le hore ke bone e ’ngoe ea eona e beile litholoana, ha ke ntse ke emetse hore ke lokolloe sesoleng.
HO KHUTLELA AMERIKA
Ntoa Europe ea fela libeke hamoraonyana, mathoasong a Motšeanong. Kapele kamor’a moo re ne re le tseleng e khutlelang Amerika.
Ra romeloa Kampong ea Lee, Virginia, moo re ileng ra bolokoa pele re lokolloa. Ka kopana le sehlopha sa moo sa Lipaki tsa Jehova, ’me ka qeta boholo ba nako ke bolela, malapeng le ho batho ba moo le kampong e khōlō ea sesole. Tsatsi le leng le le leng ke ne ke nka mokotla o moholo ke o tlatsa ka libuka tsa ho ithuta Bibele tse ka bang 25 ’me ke li tsamaise kaofela. Ho ne ho hlokahala hore baena ba nke maeto a khethehileng ho kena Richmond ho fumana libuka tseo ba li sebelisang.
Joale ha fihla mafelo-beke a ho qetela pele re lokolloa. Ke ne ke saletsoe ke matsatsi a mararo a ho bolela lebothong. Ho se buka e ntšaletseng. Ke tla etsa joang? Ka ea ntlong eo banna ba neng ba emetse ho lokolloa. Ke eme monyako, ka re ka lentsoe le phahameng: “Banna ba heso, ’mameleng! Ke na le molaetsa oa lōna le ntho e ’ngoe eo le ka eang le eona lapeng le ho e thabela selemong se tlang.”
Ka ho rialo ba bōkana ’me ka fana ka bopaki, ke hatisa hore ’muso oa Molimo ke oona tšepo feela ea batho. Ka fana ka limakasine tsa Molula-Qhooa le Consolation (Tsoha! hona joale) ’me ka nka lipeeletso tsa bona. Ka linako tse ling ke ne ke fumana lipeeletso tse leshome le metso e ’meli ntlong e le ’ngoe. Peeletso ea ho qetela ka e fumana ka 2 ka meso beseng e khutlelang New York. Ka fihla lapeng ka $203.00 bakeng sa lipeeletso tse 203. Tšebeletso ea ka sesoleng e felella ka ho lokolloa ho hlomphehang.
Lilemong tse ka bang 35 ho tloha mohlang oo kholiseho ea ka ka litšepiso tsa ’Muso oa Molimo ha e-ea thekesela le hanyenyane. Hoba ke tsoe sesoleng, ke tsebile ho phehella sepheo sa ka ho sebeletsa ke le ’moleli oa Molimo. Ke thabetse litokelo tse ngata ho theosa le lilemo ka phuthehong ea Bokreste, hona joale ke sebeletsa ke le moholo. Hape, ka lilemo tse 13 hona joale ke bile mosebetsing oa boboleli oa nako e tletseng, ke bolela litaba tse molemo ka ’muso oa Molimo, oona ’muso feela o ka tlisang khotso ea ka ho sa feleng lefatšeng.
[Ntlha e qolotsoeng e leqepheng la 9]
‘Ke ahisane le ’mè oa Eisenhower,’ ha rialo mosali eo. ‘Ke e mong oa Lipaki tsa Jehova’
[Ntlha e qolotsoeng e leqepheng la 10]
“Khutlela mosebetsing,” ha rialo ofisiri, “ha ke batle ho kena-kenana le ’mè oa Molaoli”
[Ntlha e qolotsoeng e leqepheng la 12]
Ho e-na le ho thunngoa, ka tšoaroa ’me ka sebelisoa ho cheka ntloana
[Ntlha e qolotsoeng e leqepheng la 13]
Ka linako tse ling ke ne ke fumana lipeeletso tse 12 ntlong e le ’ngoe
[Lebokose le leqepheng la 11]
Abilene, Kansas.
August-20-’44.
Mr. Richard Boeckel.
35 Garland Drive
Eggertsville.21, New York.
Dear Sir:-
A friend returning from the United Announcers Convention of Jehovah’s witnesses, informs me of meeting you there. I rejoice with you in your privilege of attending such convention.
It has been my good fortune many times in the years gone by to attend these meetings of those faithfully proclaiming the name of Jehovah and his glorious Kingdom which shortly now will pour out its rich blessings over all the earth.
My friend informs me of your desire to have a word from General Eisenhower’s mother whom you have been told is one of the witnesses of Jehovah. I am indeed such and what a glorious privilege it has been in association with those of the present time and with those on back through the annals of Biblical history even to Abel.
Generally I have refused such requests because of my desire to avoid all publicity. However, because you are a person of good will towards Jehovah God and his glorious Theocracy I am very happy to write you.
I have been blessed with seven sons of which five are living, all being very good to their mother and I am constrained to believe are very fine in the eyes of those who have learned to know them.
It was always my desire and my effort to raise my boys in the knowledge of and to reverence their Creator. My prayer is that they all may anchor their hope in the New World, the central feature of which is the Kingdom for which all good people have been praying the past two thousand years.
I feel that Dwight my third son will always strive to do his duty with integrity as he sees such duty. I mention him in particular because of your expressed interest in him.
And so as the mother of General Eisenhower and as a witness of and for the Great Jehovah of Hosts (I have been such the past 49 years) I am pleased to write you and to urge you to faithfulness as a companion of and servant with those who “keep the commandments of God and have the testimony of Jesus”.
There can be no doubt that what is now called the post-war period is the “one hour” mentioned at Revelations chapters 17 and 18. Ten here being a symbol not of just ten nations but rather of the whole number or all of the nations, then if we have a real League of Nations acting efficiently as a super guide to the nations of earth at the close of this war that should be ample proof.
Surely this portends that very soon the glorious Theocracy, the long promised Kingdom of Jehovah the Great God and of his Son the everlasting King will rule the entire earth and pour out manifold blessings upon all peoples who are of good will towards Him. All others will be removed.
Again may I urge your ever faithfulness to these the “Higher Powers” and to the New World now so very near.
Respectfully yours in hope of and as a fighter for the New World,
Ida E. Eisenhower