Ea Etsa “Mohlolo”

Mosali ea lilemo li 29 a ngola: “Ha ke na bana empa ngoan’eso oa ngoanana o na le bashemane ba banyenyane ba babeli. Kaha eena a sa lumele hore Molimo o teng, ha nka ka hopola hore a ka nka Buka ea ka ea Lipale tsa Bibele, empa a e nka ka lekhonono haholo. Ke ne ke lekile ho behelana mabaka le eena ka boteng ba Molimo empa ho se letho le thusang. Libeke tse seng kae hoba ke mo nehe buka ea Lipale tsa Bibele, a bua le ’na ka mohala ’me a bolela hore o e balile kaofela.”

Phello ebile efe? Ngoan’abo o re: “Hona joale o nka libuka tsa rōna tsa Bibele. Buka e ntle ena e entse mohlolo ona hoo hona joale ke tiileng mooko hore ka letsatsi le leng o tla rata Ntate oa rōna oa leholimo le ’na.”

Buka ea ka ea Lipale tsa Bibele e ntse e thusa batho ba limillione ho ananela Lentsoe la Molimo hamolemo. E na le litlaleho tse 116 tsa Bibele tse neang ’mali maikutlo a seo Bibele e buang ka sona. Buka e ngotsoe ka mongolo o moholo ’me e na le litšoantšo tse fetang 125, boholo ba tsona li le ’mala o motle. U ka fumana buka ena ea bohlokoa e maqephe a 256 ka ho tlatsa le ho romela setlankane sena.

Ka kōpo nthomelleng, poso e lefelletsoe, buka e sekoahelo se thata Buka ea ka ea Lipale tsa Bibele, ke kentse R3.