Pampitšana e Pholosa Bophelo

“Ke ne ke entse qeto ea hore hoseng hona ke tla ipolaea,” ho rialo mofumahali e mong ho motsoalle oa hae fono-fonong. O re o ne a rerile ho khanna koloi ea hae ’me ebe o e khelosa borokhong.

Tlaleho ena e ile ea boleloa ke motsoalle oa hae ho Lipaki tse ling tse peli tsa Jehova ha li kena tlung ea hae hoseng hoo. O tsoela pele ho botsa hore ke’ng se fetotseng maikutlo a hae.

Mofumahali a arabela, “Ke ne ke qetile ke itokiselitse ho tsoa ka monyako oa ntlo ea ka, empa ha ke o atamela, ka fumana pampitšana e buang ka ho ba teng ha motho ea tsotellang, motho ea u ratang, e lebisa ho Molimo.” Pampitšana eo ea mo thibela ho tsoela pele ka morero oa hae. Empa e ne e tsoa hokae?

Mofumahali o hlalosa hore, “Pampitšana e ne e siuoe ke e mong oa Lipaki tsa Jehova.” E pholositse bophelo!