‘Re Thabile Haholo!’

Mofumahali o bolela hore ba ile ba fumana thabo kamor’a hore ba bale buka Ho Etsa Bophelo ba Lelapa la Hao bo Thabileng. O-oa hlalosa:

“Metsoalle ea ka ea ’nea buka ena bakeng sa ka le monna oa ka ’me e tlisitse phetoho e khōlō haholo bophelong ba rōna. Re batho ba penshene ’me ke se ke feletsoe ke matla. Ka bomalimabe ho ne ho na le lintho tseo re neng re fapana ho tsona ’me ka hona ra felloa ke thabo. Ha e sa le re bala buka ea lōna re ile ra elelloa hore bobeli ba rōna re na le liphoso tse ngata ’me re leka ka matla ho li lokisa. Re thabile haholo empa re bohloko hore ha rea ka ra tseba litaba tsa buka ena lilemong tse fetileng! E ne e tla ba ntho e ntle hakaakang haeba balekane bohle ba lenyalo ba ne ba ka fumana buka ena mohla lenyalo la bona. Bohloko bo bongata bo ne bo tla phenngoa!”

Haeba u lakatsa ho fumana thuso ea ho etsa hore lenyalo la hao e be le thabileng, u ka iphumanela melemo bukeng ena. Amohela buka ea hao ka hore u tlatse setlankana se mona le ho se romela.

Ke kōpa hore le nthomelleng bukana ea maqephe a 192 e sekoahelo se thata, Ho Etsa Bophelo ba Lelapa la Hao bo Thabileng, poso e se e lefeletsoe. Ke kentse R1,40.