Mantaha, la 27 March
Uena Iseraele, u mohlanka oa ka, Uena Jakobo, eo ke mo khethileng, peō ea Abrahama motsoalle oa ka.—Esa. 41:8.
Kaofela ha rōna re hloka ho ikutloa re ratoa. Re hloka ho ba le metsoalle le batho ba re ratang. Empa ka holimo ho tsohle, re hloka ho ratoa ke Jehova. Batho ba bangata ha ba lumele hore ba ka ba le setsoalle se haufi le Molimo, kaha ha a bonahale ebile o matla ’ohle. Empa re tseba ’nete! Bibele e re bolella ka batho bao e neng e le metsoalle ea Molimo. Re lokela ho ithuta mohlaleng oa bona. Hobane’ng? Hobane ho ba le kamano e ntle le Molimo ho lokela ho tla pele bophelong ba rōna. Ka mohlala, ho tlile joang hore Abrahama e be motsoalle oa Molimo? (Jak. 2:23) O ne a e-na le tumelo e matla ho Molimo, ’me a bitsoa “ntat’a bohle ba nang le tumelo.”—Bar. 4:11. w16.02 1:1, 2