Labohlano, la 7 April
Molimo o ile a romela Mora oa hae ea tsoetsoeng a ’notši lefatšeng e le hore re ka fumana bophelo ka eena.—1 Joh. 4:9.
Na u ananela seo Jehova a u etselitseng sona? Haeba ho joalo, ho loketse hore u inehele ho eena ’me u kolobetsoe. Ha u inehela u tšepisa Molimo hore u tla etsa thato ea hae ka ho sa feleng. Na u lokela ho tšaba ho etsa tšepiso eo? Che! Jehova o batla hore u etse lintho tse tla u tsoela molemo, ’me o tla putsa batho ba etsang thato ea hae. (Baheb. 11:6) Ha u inehela ho Molimo ’me u kolobetsoa, lintho li tla u tsamaela hantle! Jehova o batla hore u atlehe. Empa Satane o mōna ebile ha a u tsotelle. Ha u mo latela a ke ke a u etsetsa letho le molemo. w16.03 2:16, 18, 19
’Malo oa Bibele oa Sehopotso: (Liketsahalo tsa motšehare oa la 9 Nisane) Luka 19:29-44