Labohlano, la 31 March
Pele tumelo e fihla, re ne re ntse re lebeloa tlas’a molao. . . . Ka lebaka leo Molao o fetohile motataisi oa rōna ea isang ho Kreste.—Bagal. 3:23, 24.
Molao o ne o sireletsa Baiseraele boitšoarong bo bobe le bolumeling ba bohata ba lichaba tse ba potolohileng. Ha Baiseraele ba ne ba mamela, Molimo o ne a ba hlohonolofatsa. Ha ba ne ba sa mo mamele, lintho li ne li ba tsamaela hampe. (Deut. 28:1, 2, 15) Ho boetse ho na le mabaka a mang a neng a etsa hore Baiseraele ba hloke litaelo tse ncha. Molao o ne o ba lokisetsa ketsahalo ea bohlokoa morerong oa Jehova, e leng ho tla ha Mesia, Jesu Kreste. Molao o ne o hopotsa Baiseraele hore ha baa phethahala. O ne o boetse o ba thusa ho lemoha hore ba hloka thekollo, e leng sehlabelo se phethahetseng se neng se tla tlosa libe tsa bona ka ho feletseng. (Bagal. 3:19; Baheb. 10:1-10) Ho feta moo, Molao o ne o sireletsa lesika la Mesia ebile o thusa Baiseraele hore ba tle ba mo lemohe ha a fihla. Ha e le hantle, Molao e ne e le “motataisi” oa nakoana, ea ba lebisang ho Kreste. w16.03 4:6, 7