Babad nu Kahiji
27 Ieu kelompok-kelompok urang Israél nu jadi prajurit Raja. Dina kelompok-kelompok ieu téh, aya para pamingpin kulawarga pihak bapa, para pamingpin nu ngapalaan 1.000 jeung 100 urang, sarta para pamingpin nu ngurus kelompok-kelompok éta. Sataun sakali, unggal kelompok meunang tugas sabulaneun. Hiji kelompokna téh 24.000 urang.
2 Kelompok kahiji nu tugas dina bulan kahiji téh nyaéta kelompokna Yasyobéam anak Zabdiél. Dina kelompokna, aya 24.000 urang. 3 Yasyobéam téh turunan Péréz. Manéhna ngapalaan sakabéh pamingpin pasukan nu tugas dina bulan kahiji. 4 Kelompok kadua nu tugas dina bulan kadua téh nyaéta kelompokna Dodai urang Ahohi. Dina kelompokna, aya 24.000 urang. Nu ngapalaanana téh Miklot. 5 Kelompok katilu nu tugas dina bulan katilu téh nyaéta kelompokna Bénaya anak Imam Kapala Yéhoyada. Dina kelompokna, aya 24.000 urang. 6 Nu ngapalaanana téh Amizabad anak Bénaya. Bénaya téh prajurit perkasa ti antara tilu puluh prajurit téa sarta jadi kapalana. 7 Kelompok kaopat nu tugas dina bulan kaopat téh nyaéta kelompokna Asahél adina Yoab. Gaganti Asahél téh Zébadia anakna. Dina kelompokna, aya 24.000 urang. 8 Pamingpin kelompok kalima nu tugas dina bulan kalima téh nyaéta Syamhut urang Izra. Dina kelompokna, aya 24.000 urang. 9 Kelompok kagenep nu tugas dina bulan kagenep téh nyaéta kelompokna Ira anak Ikés urang Tékoa. Dina kelompokna, aya 24.000 urang. 10 Kelompok katujuh nu tugas dina bulan katujuh téh nyaéta kelompokna Héléz urang Péloni, turunan Éfraim. Dina kelompokna, aya 24.000 urang. 11 Kelompok kadalapan nu tugas dina bulan kadalapan téh nyaéta kelompokna Sibékai urang Husya, turunan Zérah. Dina kelompokna, aya 24.000 urang. 12 Kelompok kasalapan nu tugas dina bulan kasalapan téh nyaéta kelompokna Abi-ézér urang Anatot, turunan Bényamin. Dina kelompokna, aya 24.000 urang. 13 Kelompok kasapuluh nu tugas dina bulan kasapuluh téh nyaéta kelompokna Maharai urang Nétofa, turunan Zérah. Dina kelompokna, aya 24.000 urang. 14 Kelompok ka-11 nu tugas dina bulan ka-11 téh nyaéta kelompokna Bénaya urang Piraton, turunan Éfraim. Dina kelompokna, aya 24.000 urang. 15 Kelompok ka-12 nu tugas dina bulan ka-12 téh nyaéta kelompokna Héldai urang Nétofa, turunan Otniél. Dina kelompokna, aya 24.000 urang.
16 Ieu para pamingpin kaom-kaom Israél: Ti kaom Rubén, pamingpinna téh Éliézér anak Zikhri. Ti kaom Siméon, Syéfatia anak Maaka. 17 Ti kaom Léwi, Hasyabia anak Kémuél. Ti turunan Harun, Zadok. 18 Ti kaom Yéhuda, Élihu, salah sahiji lanceukna Daud. Ti kaom Isakhar, Omri anak Mikhaél. 19 Ti kaom Zébulon, Ismaya anak Obaja. Ti kaom Naftali, Yérimot anak Azriél. 20 Ti kaom Éfraim, Hosyéa anak Azazia. Ti satengah kaom Manasyé, Yoél anak Pédaya. 21 Ti satengah kaom Manasyé di Giléad, Ido anak Zakharia. Ti kaom Bényamin, Yaasiél anak Abnér. 22 Ti kaom Dan, Azarél anak Yéroham. Maranéhna téh para pamingpin kaom-kaom Israél.
23 Daud teu ngitung jumlah jalma nu umurna 20 taun ka handap, sabab Yéhuwa geus jangji rék ngajadikeun urang Israél sakitu lobana kawas béntang-béntang di langit. 24 Yoab anak Zéruya ngitung jalma-jalma, tapi teu nepi ka anggeus. Ku lantaran éta sénsus, Allah jadi ambek ka Israél. Jumlah jalma nu geus diitung téh teu dicatet dina buku sajarah ngeunaan Raja Daud.
25 Nu ngawaskeun rohangan tempat nyimpen harta Raja téh nyaéta Azmawét anak Adiél, ari nu ngawaskeun gudang-gudang* di tegal-tegal, di kota-kota, di désa-désa, jeung di munara-munara mah Yonatan anak Uzzia. 26 Nu ngawaskeun para patani nu ngolah tanah téh nyaéta Ézri anak Khélub. 27 Nu ngawaskeun kebon-kebon anggur téh nyaéta Syiméi urang Rama, ari nu ngawaskeun pasadiaan cianggur tina hasil kebon anggur téh Zabdi urang Syifmi. 28 Nu ngawaskeun kebon zaitun jeung tangkal-tangkal ara leuweung di Syéféla téh nyaéta Baal-hanan urang Gédér, ari nu ngawaskeun pasadiaan minyak téh Yoas. 29 Nu ngawaskeun sapi-sapi nu ngahakan jukut di Syaron téh nyaéta Syitrai urang Syaron, ari nu ngawaskeun sapi-sapi di lebak mah Syafat anak Adlai. 30 Nu ngawaskeun onta-onta téh nyaéta Obil turunan Ismail, ari nu ngawaskeun kaldé-kaldé* mah Yéhdéya urang Méronot. 31 Nu ngawaskeun domba-domba jeung embé-embé téh nyaéta Yaziz urang Hagri. Maranéhna kabéh téh para pamingpin nu ngawaskeun harta bandana Raja Daud.
32 Yonatan alona Daud téh panaséhat, sékertaris, jeung jalma nu loba pangarti. Yéhiél anak Hakhmoni ngurus anak-anak Raja. 33 Ahitofél gé panaséhatna Raja. Husyai urang Arkhi téh sobatna* Raja. 34 Gaganti Ahitofél téh nyaéta Yéhoyada anak Bénaya sarta Abiatar. Yoab téh panglima pasukan Raja.