Budalan
31 Yéhuwa nyarions ka Musa, 2 ”Kuring geus milih Bézalél+ anak Uri incu Hur ti kaom Yéhuda.+ 3 Manéhna bakal dibéré kawasa suci Kuring, kabijaksanaan, pangarti, kanyaho, jeung rupa-rupa kaahlian. 4 Ku kituna, manéhna bisa nyieun rupa-rupa rancangan, nyieun barang-barang tina emas, pérak, jeung tambaga, 5 meulah jeung masang batu permata,+ sarta nyieun rupa-rupa barang tina kai.+ 6 Kuring gé geus milih Oholiab+ anak Ahisamakh ti kaom Dan pikeun mantuan manéhna. Kuring bakal méré kaahlian ka sakabéh jalma nu tarampil, supaya maranéhna bisa nyieun naon baé anu diparéntahkeun ku Kuring ka manéh,+ nyaéta: 7 kémah tepangan,+ peti perjangjian+ jeung tutupna,+ sakabéh parabot kémah, 8 méja+ jeung parabotna, wadah lampu tina emas murni jeung parabotna,+ mézbah dupa,+ 9 mézbah kurban beuleuman+ jeung parabotna, jolang jeung panyanggana,+ 10 baju nu ditinun kacida alusna, baju imam* keur Harun, baju keur anak-anak lalakina pikeun ngalalayanan sabagé imam,+ 11 minyak suci,* sarta dupa seungit keur tempat suci.+ Kabéhanana kudu dijieun ku maranéhna sakumaha nu geus diparéntahkeun ku Kuring ka manéh.”
12 Yéhuwa nyarios deui ka Musa, 13 ”Béjakeun ka urang Israél, ’Nu pangpentingna, maranéh kudu terus ngajalankeun Sabat.+ Éta téh tanda perjangjian antara Kuring jeung maranéh turun-tumurun. Ku kituna, maranéh nyaho yén Yéhuwa geus nyucikeun maranéh. 14 Maranéh kudu terus ngajalankeun Sabat. Éta kudu dianggap suci ku maranéh.+ Sing saha anu ngalanggar hukum ngeunaan Sabat kudu dipaéhan. Sing saha anu digawé dina poé éta kudu dipaéhan.+ 15 Salila genep poé maranéh meunang digawé, tapi poé katujuh téh sabat, maranéh kudu istirahat.+ Poé éta téh suci keur Yéhuwa. Saha waé nu digawé dina poé Sabat kudu dipaéhan. 16 Urang Israél kudu terus ngajalankeun Sabat. Maranéhna kudu ngajalankeun Sabat turun-tumurun. Éta téh perjangjian pikeun salalawasna. 17 Sabat téh salawasna jadi tanda perjangjian antara Kuring jeung urang Israél,+ sabab Yéhuwa nyiptakeun langit jeung bumi salila genep poé, tapi Kuring reureuh dina poé nu katujuh.’”+
18 Sanggeus nyarios jeung Musa di Gunung Sinai, seug Anjeunna méré dua papan batu+ ka Musa anu ditulis ku ramo Allah.+