Budalan
35 Ti dinya, Musa ngumpulkeun sakumna jamaah Israél tuluy ngomong, ”Ieu paréntah ti Yéhuwa nu kudu dilaksanakeun:+ 2 Maranéh meunang digawé salila genep poé, tapi poé katujuh téh sabat keur Yéhuwa, maranéh kudu istirahat.+ Poé éta téh suci. Saha waé nu digawé dina poé Sabat kudu dipaéhan.+ 3 Dina poé Sabat, maranéh teu meunang ngahurungkeun seuneu di imah maranéh.”
4 Tuluy Musa ngomong ka sakumna jamaah Israél, ”Ieu nu diparéntahkeun ku Yéhuwa, 5 ’Kumpulkeun sumbangan keur Yéhuwa.+ Kabéh jalma nu haténa iklas+ kudu ngumpulkeun sumbangan keur Yéhuwa. Kumpulkeun emas, pérak, tambaga, 6 benang biru, wol ungu, benang beureum, linén lemes, bulu embé,+ 7 kulit domba jalu nu dicelep beureum, kulit anjing laut, kai akasia, 8 minyak keur lampu, minyak balsem keur campuran minyak suci* jeung keur dupa seungit,+ 9 sarta batu oniks jeung batu séjénna nu bakal dipasang dina éfod+ jeung tutup dada.+
10 ”’Jalma-jalma nu tarampil+ sina daratang sarta nyieun sakabéh nu diparéntahkeun ku Yéhuwa, 11 nyaéta tabernakel, kaasup kaén kémah* jeung tutupna, kakait-kakaitna, rangka-rangkana, palang-palangna, pilar-pilarna, sarta dadamparna nu aya liangan, 12 peti perjangjian+ jeung tongkat-tongkatna,+ tutupna,+ sarta hordéng+ pamisah, 13 méja+ jeung tongkat-tongkatna, sakabéh parabotna, sarta roti nu dibaktikeun,+ 14 wadah lampu+ jeung sakabéh parabotna, lampu jeung minyakna,+ 15 mézbah dupa+ jeung tongkat-tongkatna, minyak suci jeung dupa seungit,+ hordéng keur lawang asup tabernakel, 16 mézbah kurban beuleuman+ jeung panggangan tina tambaga, tongkat-tongkatna jeung sakabéh parabotna, jolang jeung panyanggana,+ 17 kaén keur di buruan,+ tihang-tihangna jeung dadamparna nu aya liangan, hordéng keur lawang asup buruan, 18 patok keur tabernakel jeung patok keur buruan sarta talina,+ 19 baju nu ditinun kacida alusna+ nu dipaké waktu ngalalayanan di tempat suci, baju imam* keur Harun,+ sarta baju keur anak-anak lalakina pikeun ngalalayanan sabagé imam.’”
20 Tuluy sakumna jamaah Israél bubar ti hareupeun Musa. 21 Geus kitu, sakabéh jalma nu haténa kajurung+ jeung hayang ngabantu daratang bari marawa sumbangan keur Yéhuwa. Sumbanganana dipaké keur ngawangun kémah tepangan, nyieun sakabéh parabotan nu dipaké pikeun ibadah, sarta nyieun baju imam.* 22 Kabéh lalaki jeung awéwé nu haténa iklas terus daratang bari marawa bros, anting, cingcin, perhiasan séjénna, sarta barang-barang tina emas. Maranéhna ngabaktikeun emas* ka Yéhuwa.+ 23 Jalma-jalma gé nyumbangkeun naon nu dipiboga ku maranéhna, nyaéta benang biru, wol ungu, benang beureum, linén lemes, bulu embé, kulit domba jalu nu dicelep beureum, jeung kulit anjing laut. 24 Kabéh nu boga pérak jeung tambaga gé nyarumbang ka Yéhuwa. Kitu deui jeung kabéh nu boga kai akasia, maranéhna nyumbangkeun kaina keur kaperluan éta pagawéan.
25 Kabéh awéwé nu boga kaahlian+ nyieunan benang pada daratang mawa hasil jieunan maranéhna, nyaéta benang biru, wol ungu, benang beureum, jeung linén lemes. 26 Sakabéh awéwé nu boga kaahlian, nu haténa kajurung, nyarieun benang tina bulu embé.
27 Para pamingpin marawa batu oniks jeung batu séjénna nu bakal dipasang dina éfod jeung tutup dada.+ 28 Maranéhna gé mawa minyak balsem sarta minyak zaitun keur lampu, keur campuran minyak suci,+ jeung keur dupa seungit.+ 29 Sakabéh urang Israél nu hayang ngabantu, boh lalaki boh awéwé, marawa sumbangan keur pagawéan nu diparéntahkeun ku Yéhuwa ka Musa. Maranéhna sukaréla méré sumbangan ka Yéhuwa.+
30 Tuluy Musa ngomong ka urang Israél, ”Yéhuwa geus milih Bézalél anak Uri incu Hur ti kaom Yéhuda.+ 31 Manéhna dibéré kawasa suci Anjeunna, kabijaksanaan, pangarti, kanyaho, jeung rupa-rupa kaahlian. 32 Ku kituna, manéhna bisa nyieun rupa-rupa rancangan, nyieun barang-barang tina emas, pérak, jeung tambaga, 33 meulah jeung masang batu permata, sarta nyieun rupa-rupa barang nu alus tina kai. 34 Manéhna jeung Oholiab+ anak Ahisamakh ti kaom Dan dibéré kasanggupan pikeun ngajar batur. 35 Maranéhna gé dibéré kaahlian+ pikeun nyieun rupa-rupa barang, pikeun nyulam, pikeun ninun ku benang biru, wol ungu, benang beureum, linén lemes, sarta bahan-bahan séjénna. Maranéhna nyieun rupa-rupa rancangan sarta migawé rupa-rupa pagawéan.