Mikha
3 Ceuk kuring téh, ”Geura déngékeun, hé para pamingpin turunan Yakub
Sarta para pangawasa urang Israél.+
Kuduna mah maranéh téh nyaho nu adil, pan?
2 Ari maranéh mah ngadon mikangéwa kahadéan+ sarta mikaresep kagoréngan.+
Kulit bangsa kuring disisitan ku maranéh, dagingna dicewolan tina tulang-tulangna.+
3 Daging bangsa kuring diharakanan ku maranéh,+
Kulitna disisitan,
Tulang-tulangna digeprékan nepi ka remuk,+
Kawas tulang jeung daging nu dipasak dina panci.
4 Bakal datang mangsana maranéh sasambat ménta tulung ka Yéhuwa,
Tapi moal dijawab ku Anjeunna.
5 Para nabi nyasabkeun bangsa kuring.+
Lamun dina huntuna masih aya kénéh capékeun,*+ maranéhna ngumumkeun, ’Maranéh bakal aman!’+
Tapi lamun biwirna teu dibéré nanaon, maranéhna ngumumkeun perang.
Ku sabab kitu, Yéhuwa ngomong kieu ka maranéhna,
6 ’Maranéh bakal aya di nu poék kawas peuting-peuting,+ moal meunang titingalian.+
Maranéh bakal kaliputan ku poék, moal bisa ngaramal* deui.
Panonpoé bakal surup keur éta nabi-nabi,
Beurang bakal jadi poék keur maranéhna.+
7 Tukang nepikeun titingalian bakal éra,+
Tukang ngaramal bakal kuciwa.
Kabéhanana nepi ka kudu nutup biwirna* bakating ku éra,
Sabab euweuh jawaban ti Allah.’”
8 Ari kuring mah, kuring boga kakuatan nu gedé ti kawasa suci Yéhuwa.
Ku kituna, kuring bisa adil jeung wani
Pikeun méré nyaho Yakub ngeunaan kajahatanana
Sarta méré nyaho Israél ngeunaan dosana.
9 Geura déngékeun, hé para pamingpin turunan Yakub,
Hé para pangawasa urang Israél.+
Maranéh téh mikangéwa kaadilan sarta nganggap sagala nu bener téh salah.+
10 Maranéh ngawangun Zion ku getih sarta ngawangun Yérusalém ku kateuadilan.+
11 Para pamingpinna ngaadilan téh da hayang meunangkeun panyogok,+
Para imamna ngajar téh da hayang dibayar,+
Sanajan kitu, maranéhna mah ngakuna téh ngandelkeun Yéhuwa, pokna,
”Pan urang téh disarengan ku Yéhuwa.+
Urang moal katarajang ku musibat naon-naon.”+