Bilangan
7 Sanggeus Musa bérés ngadegkeun tabernakel, ku manéhna éta tabernakel diminyakan jeung disucikeun, kitu ogé jeung sakabéh parabotna, sarta mézbah jeung sakabéh parabotna. Sanggeus éta kabéh diminyakan jeung disucikeun, 2 para pamingpin Israél, nyaéta para pamingpin kaom, méré pangbakti. Maranéhna téh para pamingpin kaom nu jadi pangawas waktu urang Israél didaptar. 3 Maranéhna méré genep karéta nu aya tiungan jeung 12 sapi jalu ka Yéhuwa. Tiap dua pamingpin méré hiji karéta, sarta masing-masing méré hiji sapi jalu. Éta kabéh dibawa ka hareupeun tabernakel. 4 Yéhuwa ngomong ka Musa, 5 ”Sok, tarima pangbakti maranéhna. Kabéhanana bakal dipaké pikeun ngalalayanan di kémah tepangan. Bikeun éta kabéh ka urang Léwi nurutkeun kaperluan dina tugasna masing-masing.”
6 Jadi Musa narima karéta-karéta jeung sapi-sapi jalu éta, tuluy kabéhanana dibikeun ka urang Léwi. 7 Dua karéta jeung opat sapi jalu dibikeun ka turunan Gérsyon nurutkeun kaperluan dina tugasna. 8 Opat karéta jeung dalapan sapi jalu dibikeun ka turunan Mérari nurutkeun kaperluan dina tugasna. Kabéh tugas maranéhna téh diawaskeun ku Itamar anak Imam Harun. 9 Tapi turunan Kohat mah teu dibéré nanaon, sabab tugas maranéhna téh nanggung parabot tempat suci.
10 Geus kitu, para pamingpin méré pangbakti séjén waktu mézbah diresmikeun* jeung diminyakan. Waktu para pamingpin mawa pangbakti maranéhna ka hareupeun mézbah, 11 Yéhuwa ngomong ka Musa, ”Unggal poé, hiji pamingpin kudu mawa pangbaktina keur ngaresmikeun mézbah.”
12 Dina poé ka-1, Nahsyon anak Aminadab ti kaom Yéhuda méré pangbaktina. 13 Manéhna ngabaktikeun hiji piring pérak nu beuratna kira-kira 1,5 kilo* jeung hiji mangkok pérak nu beuratna kira-kira 800 gram,* nurutkeun patokan beurat di tempat suci. Piring jeung mangkokna pinuh ku tipung lemes nu dicampur ku minyak keur kurban kadaharan. 14 Manéhna gé ngabaktikeun hiji cangkir* emas nu beuratna 114 gram* nu pinuh ku dupa. 15 Keur kurban beuleuman, manéhna méré hiji sapi jalu ngora, hiji domba jalu, jeung hiji anak domba jalu nu umurna sataun atawa kurang. 16 Keur kurban pangampura dosa, manéhna méré hiji embé ngora. 17 Keur kurban karukunan, manéhna méré dua sapi jalu, lima domba jalu, lima embé jalu, jeung lima anak domba jalu nu umurna sataun. Éta téh pangbakti ti Nahsyon anak Aminadab.
18 Dina poé ka-2, Nétanél anak Zuar, pamingpin kaom Isakhar, méré pangbaktina. 19 Manéhna ngabaktikeun hiji piring pérak nu beuratna kira-kira 1,5 kilo jeung hiji mangkok pérak nu beuratna kira-kira 800 gram, nurutkeun patokan beurat di tempat suci. Piring jeung mangkokna pinuh ku tipung lemes nu dicampur ku minyak keur kurban kadaharan. 20 Manéhna gé ngabaktikeun hiji cangkir emas nu beuratna 114 gram nu pinuh ku dupa. 21 Keur kurban beuleuman, manéhna méré hiji sapi jalu ngora, hiji domba jalu, jeung hiji anak domba jalu nu umurna sataun atawa kurang. 22 Keur kurban pangampura dosa, manéhna méré hiji embé ngora. 23 Keur kurban karukunan, manéhna méré dua sapi jalu, lima domba jalu, lima embé jalu, jeung lima anak domba jalu nu umurna sataun. Éta téh pangbakti ti Nétanél anak Zuar.
24 Dina poé ka-3, pamingpin kaom Zébulon, nyaéta Éliab anak Hélon, 25 méré pangbaktina. Manéhna ngabaktikeun hiji piring pérak nu beuratna kira-kira 1,5 kilo jeung hiji mangkok pérak nu beuratna kira-kira 800 gram, nurutkeun patokan beurat di tempat suci. Piring jeung mangkokna pinuh ku tipung lemes nu dicampur ku minyak keur kurban kadaharan. 26 Manéhna gé ngabaktikeun hiji cangkir emas nu beuratna 114 gram nu pinuh ku dupa. 27 Keur kurban beuleuman, manéhna méré hiji sapi jalu ngora, hiji domba jalu, jeung hiji anak domba jalu nu umurna sataun atawa kurang. 28 Keur kurban pangampura dosa, manéhna méré hiji embé ngora. 29 Keur kurban karukunan, manéhna méré dua sapi jalu, lima domba jalu, lima embé jalu, jeung lima anak domba jalu nu umurna sataun. Éta téh pangbakti ti Éliab anak Hélon.
30 Dina poé ka-4, pamingpin kaom Rubén, nyaéta Élizur anak Syédéur, 31 méré pangbaktina. Manéhna ngabaktikeun hiji piring pérak nu beuratna kira-kira 1,5 kilo jeung hiji mangkok pérak nu beuratna kira-kira 800 gram, nurutkeun patokan beurat di tempat suci. Piring jeung mangkokna pinuh ku tipung lemes nu dicampur ku minyak keur kurban kadaharan. 32 Manéhna gé ngabaktikeun hiji cangkir emas nu beuratna 114 gram nu pinuh ku dupa. 33 Keur kurban beuleuman, manéhna méré hiji sapi jalu ngora, hiji domba jalu, jeung hiji anak domba jalu nu umurna sataun atawa kurang. 34 Keur kurban pangampura dosa, manéhna méré hiji embé ngora. 35 Keur kurban karukunan, manéhna méré dua sapi jalu, lima domba jalu, lima embé jalu, jeung lima anak domba jalu nu umurna sataun. Éta téh pangbakti ti Élizur anak Syédéur.
36 Dina poé ka-5, pamingpin kaom Siméon, nyaéta Syélumiél anak Zurisyadai, 37 méré pangbaktina. Manéhna ngabaktikeun hiji piring pérak nu beuratna kira-kira 1,5 kilo jeung hiji mangkok pérak nu beuratna kira-kira 800 gram, nurutkeun patokan beurat di tempat suci. Piring jeung mangkokna pinuh ku tipung lemes nu dicampur ku minyak keur kurban kadaharan. 38 Manéhna gé ngabaktikeun hiji cangkir emas nu beuratna 114 gram nu pinuh ku dupa. 39 Keur kurban beuleuman, manéhna méré hiji sapi jalu ngora, hiji domba jalu, jeung hiji anak domba jalu nu umurna sataun atawa kurang. 40 Keur kurban pangampura dosa, manéhna méré hiji embé ngora. 41 Keur kurban karukunan, manéhna méré dua sapi jalu, lima domba jalu, lima embé jalu, jeung lima anak domba jalu nu umurna sataun. Éta téh pangbakti ti Syélumiél anak Zurisyadai.
42 Dina poé ka-6, pamingpin kaom Gad, nyaéta Éliasaf anak Déuél, 43 méré pangbaktina. Manéhna ngabaktikeun hiji piring pérak nu beuratna kira-kira 1,5 kilo jeung hiji mangkok pérak nu beuratna kira-kira 800 gram, nurutkeun patokan beurat di tempat suci. Piring jeung mangkokna pinuh ku tipung lemes nu dicampur ku minyak keur kurban kadaharan. 44 Manéhna gé ngabaktikeun hiji cangkir emas nu beuratna 114 gram nu pinuh ku dupa. 45 Keur kurban beuleuman, manéhna méré hiji sapi jalu ngora, hiji domba jalu, jeung hiji anak domba jalu nu umurna sataun atawa kurang. 46 Keur kurban pangampura dosa, manéhna méré hiji embé ngora. 47 Keur kurban karukunan, manéhna méré dua sapi jalu, lima domba jalu, lima embé jalu, jeung lima anak domba jalu nu umurna sataun. Éta téh pangbakti ti Éliasaf anak Déuél.
48 Dina poé ka-7, pamingpin kaom Éfraim, nyaéta Élisyama anak Amihud, 49 méré pangbaktina. Manéhna ngabaktikeun hiji piring pérak nu beuratna kira-kira 1,5 kilo jeung hiji mangkok pérak nu beuratna kira-kira 800 gram, nurutkeun patokan beurat di tempat suci. Piring jeung mangkokna pinuh ku tipung lemes nu dicampur ku minyak keur kurban kadaharan. 50 Manéhna gé ngabaktikeun hiji cangkir emas nu beuratna 114 gram nu pinuh ku dupa. 51 Keur kurban beuleuman, manéhna méré hiji sapi jalu ngora, hiji domba jalu, jeung hiji anak domba jalu nu umurna sataun atawa kurang. 52 Keur kurban pangampura dosa, manéhna méré hiji embé ngora. 53 Keur kurban karukunan, manéhna méré dua sapi jalu, lima domba jalu, lima embé jalu, jeung lima anak domba jalu nu umurna sataun. Éta téh pangbakti ti Élisyama anak Amihud.
54 Dina poé ka-8, pamingpin kaom Manasyé, nyaéta Gamaliél anak Pédahzur, 55 méré pangbaktina. Manéhna ngabaktikeun hiji piring pérak nu beuratna kira-kira 1,5 kilo jeung hiji mangkok pérak nu beuratna kira-kira 800 gram, nurutkeun patokan beurat di tempat suci. Piring jeung mangkokna pinuh ku tipung lemes nu dicampur ku minyak keur kurban kadaharan. 56 Manéhna gé ngabaktikeun hiji cangkir emas nu beuratna 114 gram nu pinuh ku dupa. 57 Keur kurban beuleuman, manéhna méré hiji sapi jalu ngora, hiji domba jalu, jeung hiji anak domba jalu nu umurna sataun atawa kurang. 58 Keur kurban pangampura dosa, manéhna méré hiji embé ngora. 59 Keur kurban karukunan, manéhna méré dua sapi jalu, lima domba jalu, lima embé jalu, jeung lima anak domba jalu nu umurna sataun. Éta téh pangbakti ti Gamaliél anak Pédahzur.
60 Dina poé ka-9, pamingpin kaom Bényamin, nyaéta Abidan anak Gidéoni, 61 méré pangbaktina. Manéhna ngabaktikeun hiji piring pérak nu beuratna kira-kira 1,5 kilo jeung hiji mangkok pérak nu beuratna kira-kira 800 gram, nurutkeun patokan beurat di tempat suci. Piring jeung mangkokna pinuh ku tipung lemes nu dicampur ku minyak keur kurban kadaharan. 62 Manéhna gé ngabaktikeun hiji cangkir emas nu beuratna 114 gram nu pinuh ku dupa. 63 Keur kurban beuleuman, manéhna méré hiji sapi jalu ngora, hiji domba jalu, jeung hiji anak domba jalu nu umurna sataun atawa kurang. 64 Keur kurban pangampura dosa, manéhna méré hiji embé ngora. 65 Keur kurban karukunan, manéhna méré dua sapi jalu, lima domba jalu, lima embé jalu, jeung lima anak domba jalu nu umurna sataun. Éta téh pangbakti ti Abidan anak Gidéoni.
66 Dina poé ka-10, pamingpin kaom Dan, nyaéta Ahiézér anak Amisyadai, 67 méré pangbaktina. Manéhna ngabaktikeun hiji piring pérak nu beuratna kira-kira 1,5 kilo jeung hiji mangkok pérak nu beuratna kira-kira 800 gram, nurutkeun patokan beurat di tempat suci. Piring jeung mangkokna pinuh ku tipung lemes nu dicampur ku minyak keur kurban kadaharan. 68 Manéhna gé ngabaktikeun hiji cangkir emas nu beuratna 114 gram nu pinuh ku dupa. 69 Keur kurban beuleuman, manéhna méré hiji sapi jalu ngora, hiji domba jalu, jeung hiji anak domba jalu nu umurna sataun atawa kurang. 70 Keur kurban pangampura dosa, manéhna méré hiji embé ngora. 71 Keur kurban karukunan, manéhna méré dua sapi jalu, lima domba jalu, lima embé jalu, jeung lima anak domba jalu nu umurna sataun. Éta téh pangbakti ti Ahiézér anak Amisyadai.
72 Dina poé ka-11, pamingpin kaom Asyér, nyaéta Pagiél anak Okhran, 73 méré pangbaktina. Manéhna ngabaktikeun hiji piring pérak nu beuratna kira-kira 1,5 kilo jeung hiji mangkok pérak nu beuratna kira-kira 800 gram, nurutkeun patokan beurat di tempat suci. Piring jeung mangkokna pinuh ku tipung lemes nu dicampur ku minyak keur kurban kadaharan. 74 Manéhna gé ngabaktikeun hiji cangkir emas nu beuratna 114 gram nu pinuh ku dupa. 75 Keur kurban beuleuman, manéhna méré hiji sapi jalu ngora, hiji domba jalu, jeung hiji anak domba jalu nu umurna sataun atawa kurang. 76 Keur kurban pangampura dosa, manéhna méré hiji embé ngora. 77 Keur kurban karukunan, manéhna méré dua sapi jalu, lima domba jalu, lima embé jalu, jeung lima anak domba jalu nu umurna sataun. Éta téh pangbakti ti Pagiél anak Okhran.
78 Dina poé ka-12, pamingpin kaom Naftali, nyaéta Ahira anak Énan, 79 méré pangbaktina. Manéhna ngabaktikeun hiji piring pérak nu beuratna kira-kira 1,5 kilo jeung hiji mangkok pérak nu beuratna kira-kira 800 gram, nurutkeun patokan beurat di tempat suci. Piring jeung mangkokna pinuh ku tipung lemes nu dicampur ku minyak keur kurban kadaharan. 80 Manéhna gé ngabaktikeun hiji cangkir emas nu beuratna 114 gram nu pinuh ku dupa. 81 Keur kurban beuleuman, manéhna méré hiji sapi jalu ngora, hiji domba jalu, jeung hiji anak domba jalu nu umurna sataun atawa kurang. 82 Keur kurban pangampura dosa, manéhna méré hiji embé ngora. 83 Keur kurban karukunan, manéhna méré dua sapi jalu, lima domba jalu, lima embé jalu, jeung lima anak domba jalu nu umurna sataun. Éta téh pangbakti ti Ahira anak Énan.
84 Ieu pangbakti ti para pamingpin Israél waktu mézbah diresmikeun, nyaéta dina poé mézbah diminyakan: 12 piring pérak, 12 mangkok pérak, jeung 12 cangkir emas. 85 Unggal piring pérak beuratna kira-kira 1,5 kilo, unggal mangkok pérak beuratna kira-kira 800 gram. Kabéh piring jeung mangkok pérak téh beuratna kira-kira 27,4 kilo* nurutkeun patokan beurat di tempat suci. 86 Dua belas cangkir emas nu pinuh ku dupa, masing-masing beuratna 114 gram nurutkeun patokan beurat di tempat suci. Kabéh cangkir emas éta beuratna kira-kira 1,4 kilo.* 87 Jumlah ingon-ingon keur kurban beuleuman téh nyaéta 12 sapi jalu, 12 domba jalu, jeung 12 anak domba jalu nu umurna sataun. Éta kabéh dibaktikeun bareng jeung kurban kadaharan. Jumlah embé ngora keur kurban pangampura dosa téh aya 12. 88 Jumlah ingon-ingon keur kurban karukunan téh nyaéta 24 sapi jalu, 60 domba jalu, 60 embé jalu, jeung 60 anak domba jalu nu umurna sataun. Éta téh pangbakti nu dibikeun waktu mézbah diresmikeun, nyaéta sanggeus éta mézbah diminyakan.
89 Iraha baé Musa asup ka kémah tepangan pikeun ngomong jeung Allah, manéhna bakal ngadéngé sora ti luhureun peti perjangjian, nyaéta ti antara dua kérub. Kitu carana Allah ngomong jeung manéhna.