Nu Ditulis ku Matius
3 Harita, Yahya+ Jurubaptis indit ka Tanah Gurun Yudéa tuluy nguarkeun warta+ di ditu, 2 ”Geura tarobat, sabab Pamaréntahan sorga geus téréh datang.”+ 3 Sabenerna, manéhna nu dimaksud dina kekecapan Nabi Yésaya+ ieu, ”Aya nu ngagero di tanah gurun, ’Siapkeun jalan keur Yéhuwa!* Jieun jalan nu lempeng.’”+ 4 Yahya téh pakéanana tina bulu onta, beubeurna tina kulit,+ dahareunana simeut jeung madu leuweung.+ 5 Jalma-jalma ti Yérusalém, ti sakuliah Yudéa, jeung ti daérah-daérah deukeut Walungan Yordan ngabrul daratang ka manéhna.+ 6 Maranéhna terus terang ngaku kana dosa-dosana, tuluy ku Yahya dibaptis* di Walungan Yordan.+
7 Basa ningali loba urang Farisi jeung urang Saduki+ daratang, Yahya ngomong ka maranéhna, ”Éh, turunan oray!+ Ceuk saha maranéh bisa lolos tina amarah Allah?+ 8 Jadi, sok buktikeun maranéh geus tarobat. 9 Ulah mikir kieu di jero haté, ’Da urang mah turunan Ibrahim.’+ Yeuh déngékeun, Allah mah bisa nyieun ieu batu-batu jadi turunan Ibrahim. 10 Di deukeut akar tangkal, geus aya kampak. Unggal tangkal nu teu ngahasilkeun buah nu alus bakal dituar tuluy dialungkeun kana seuneu.+ 11 Urang ngabaptis maranéh ku cai lantaran maranéh geus tarobat.+ Tapi, nu datang sanggeus urang mah bakal ngabaptis maranéh ku kawasa suci+ jeung seuneu.+ Anjeunna leuwih hébat tibatan urang. Ngaleupaskeun sendalna gé urang mah teu pantes.+ 12 Di pangirikan,* anjeunna nyekel sekop keur misahkeun gandum jeung cangkangna. Terus anjeunna bakal ngabersihan éta tempat. Gandumna dikumpulkeun ka lumbung, ari huut badagna diduruk ku seuneu+ nu teu bisa dipareuman.”
13 Tuluy, Isa datang ti Galiléa ka Walungan Yordan rék dibaptis ku Yahya.+ 14 Tapi Yahya embungeun, ceuk manéhna, ”Kuduna mah abdi nu dibaptis ku anjeun téh, lain anjeun nu dibaptis ku abdi.” 15 Isa ngajawab, ”Keun baé, da ku cara kieu urang ngalampahkeun kahoyong Allah.” Ku kituna, Yahya daékeun. 16 Sanggeus dibaptis, Isa langsung kaluar tina cai. Bray langit muka,+ tuluy Yahya nempo kawasa suci nu siga manuk japati eunteup ka Isa.+ 17 Ari pék téh aya sora ti langit+ ngomong kieu, ”Tah, ieu Putra Kuring téh.+ Kuring nyaah jeung resep ka manéhna.”+