2. Na Urang Sangsara téh Gara-gara Salah Sorangan?
Urang Kudu Nyaho Jawabanna
Sabab lamun bener éta téh salah urang sorangan, kuduna mah urang bisa ngurangan kasangsaraan.
Pikeun Dipikirkeun
Sajauh mana manusa nyababkeun kasangsaraan?
Kakerasan.
Ceuk Organisasi Kesehatan Dunia (WHO), kira-kira 1 ti 4 jalma déwasa pernah disiksa basa keur leutikna. Terus, 1 ti 3 awéwé pernah disiksa atawa dilécéhkeun sacara séksual, malah aya ogé nu ngalaman duanana.
Ditinggal Maot.
Dumasar Statistik Kesehatan Dunia 2018 ti WHO, ”Dina taun 2016, aya kira-kira 477.000 jalma nu dipaéhan di sakuliah dunya.” Ieu téh can kaasup kira-kira 180.000 jalma nu paéh dina perang jeung karusuhan-karusuhan dina taun éta.
Masalah Kaséhatan.
Dina salah sahiji artikel di majalah National Geographic, Fran Smith nulis, ”Leuwih ti samiliar jalma ngudud. Bako téh bisa nyababkeun lima panyakit nu panglobana maéhan manusa, nyaéta panyakit jantung, stroke, inféksi saluran pernapasan, panyakit paru-paru nu parah, jeung kangker paru-paru.”
Kateuadilan dina Masarakat.
Ceuk psikolog Jay Watts, jalma-jalma beuki strés lantaran miskin, diusir ti tempat asalna, dibéda-bédakeun status sosialna, suku bangsana, jeung jinis kelaminna, sarta loba ogé nu silih saingan.
TÉANGAN LEUWIH LOBA
Tongton vidéo Ku Naon Gusti Nyiptakeun Bumi? dina jw.org/su.
Ceuk Kitab Suci
Loba kasangsaraan téh disababkeun ku manusa.
Loba nu hirupna susah lantaran pamaréntah nyusahkeun rahayatna.
”Aya sawatara jelema anu nyarangking kawasa, ari nu sejenna sangsara ku lantaran kakawasaan maranehna.”—PANDITA 8:9.
Kasangsaraan bisa dikurangan.
Lamun nuturkeun naséhat Kitab Suci, urang bakal leuwih séhat sarta akur jeung batur.
”Hate sugema matak hurip kana diri, sirik dengki mah ibarat panyakit matak paeh.”—SILOKA 14:30.
”Ulah nyerian hate, ulah ngunek-ngunek, ulah ngumbar amarah. Ulah sentak sengor, ulah aya rasa kangewa atawa anu sabangsa jeung eta.”—EPESUS 4:31.