Élmu Gaib Jeung Élmu Sihir Téh Salah

Sétan miharep Sadérék ngalampahkeun élmu gaib. Loba jalma méré susuguh ka para karuhun atawa roh-roh pikeun kasalametan maranéhna. Maranéhna ngalakonanana lantaran sieuneun ku kawasa dunya roh. Maranéhna maké cingcin, geulang, atawa kongkorong keur jimat. Maranéhna nginum cai nu geus dijampéan atawa ngalakonan pantrangan. Aya nu nyimpen ”teuteundeunan” di jero imahna atawa di jero taneuh keur méré panyalindungan. Aya ogé nu tatanya ka dukun, maké susuk, atawa pélét, sangkan bisa hasil dina bisnis, ujian sakola, atawa néangan jodo.

Jadi sobat Yéhuwa téh panyalindungan nu pangamanna ti gangguan Sétan. Allah Yéhuwa sarta para malaikat-Na jauh leuwih kuat tibatan Sétan sarta roh-roh jahat. (Yakobus 2:19; Wahyu 12:9) Yéhuwa kersa nulungan sobat-sobat-Na nu satia, nu suhud haté ka Mantenna.​—2 Babad 16:9.

Pirman Allah nyebutkeun, ”Pacuan [ulah] nyieun sihir.” Yéhuwa ngutuk élmu gaib sarta élmu sihir lantaran jalma-jalma nu ngalampahkeunana bisa langsung dikawasaan ku Sétan si Iblis.​—Imamat 19:26.