Témbongkeun Asih Sadérék Ka Allah

Sangkan tetep sosobatan, Sadérék perelu rutin nyarios sareng sobat Sadérék. Sadérék sareng anjeunna kedah silih dangukeun. Sadérék ogé nyarioskeun hal-hal nu saé ngeunaan sobat Sadérék ka nu sanés. Kitu ogé lamun jadi sobat Allah. Perhatikeun naon anu disebutkeun dina Alkitab ngeunaan ieu hal:

Rutin nyarios ka Yéhuwa dina doa. ”Sing rajin neneda.”​—Rum 12:12.

Baca Pirman Allah, Alkitab. ”Eusi Kitab Suci, sagemblengna wahyu ti Allah, sarta mangpa’at pikeun ngawurukkeun kayaktian, pikeun ngaweweleh anu salah, pikeun ngomean kasalahan.”​—2 Timoteus 3:16.

Ajar batur ngeunaan Allah. ”Datangan jalma-jalma saalam dunya jaradikeun murid, . . . Ajar ngalakonan sagala perkara anu ku Kami geus diparentahkeun ka maraneh.”​—Mateus 28:19, 20.

Raketan sobat-sobat Allah. ”Pek nyampur jeung nu pinter, tangtu pinter.”​—Siloka 13:20.

Hadir di pasamoan di Balé Karajaan. ”Sing silih titenan, silih ajak nyieun kahadean jeung nembongkeun kanyaah . . . Sing silih gedekeun hate.”​—Ibrani 10:24, 25.

Rojong kagiatan Karajaan. ”Mere teh kudu cop jeung hate, ulah owel atawa asa dipaksa. Anu mere reujeung suka lilah tangtu diasih ku Allah.”​—2 Korinta 9:7.