BAB 13
Agama Palsu Ngajauhkeun Jalma-Jalma ti Allah
Pan Allah téh ngajar urang pikeun nyaah ka sasama, tapi ku naon atuh loba agama anu ngakuna mah ngawakilan Allah kalah ka ngalakukeun hal-hal nu goréng? Jawabanana nyaéta lantaran agama-agama éta palsu. Agama palsu nyieun jalma-jalma percaya kana hal-hal bohong ngeunaan Allah. Kumaha agama palsu ngajauhkeun jalma-jalma ti Allah? Kumaha parasaan Allah ningali hal éta? Jeung, naon anu bakal dilakukeun ku Anjeunna?
1. Kumaha agama palsu ngajauhkeun jalma-jalma ti Allah ku pangajaranana?
Agama palsu ”ngaganti hal nu bener ngeunaan Allah ku kabohongan”. (Roma 1:25) Misalna, kalolobaan agama teu ngajarkeun saha nami Allah. Padahal ceuk Alkitab, urang kudu nyebutkeun nami Allah. (Roma 10:13, 14) Terus mun aya hal goréng, sababaraha pamingpin agama ngomong éta téh geus takdir ti Allah. Tapi éta téh bohong. Allah mah teu pernah ngalakukeun nu jahat. (Baca Yakobus 1:13.) Tah, kabohongan-kabohongan jiga kitu téh ngajauhkeun jalma-jalma ti Allah.
2. Kumaha agama palsu ngajauhkeun jalma-jalma ti Allah ku tindakanana?
Yéhuwa nyaah ka jalma-jalma, tapi para pamingpin agama palsu mah henteu. Ceuk Alkitab, ”Dosana geus numpuk nepi ka langit.” (Wahyu 18:5) Salila ratusan taun, loba agama geus pipilueun dina urusan pulitik, nyatujuan perang, jeung nyababkeun loba pisan jalma maot. Terus, sababaraha pamingpin agama hayang hirup méwah, jadi maranéhna méntaan duit ka jamaahna. Tindakan-tindakan jiga kitu téh nunjukkeun yén sabenerna maranéhna teu kenal ka Allah jeung teu boga hak pikeun ngawakilan Allah.—Baca 1 Yahya 4:8.
3. Kumaha parasaan Allah ka agama palsu?
Mun anjeun waé keuheul ningali hal-hal anu dilakukeun ku para pamingpin agama palsu, kira-kira kumaha parasaan Yéhuwa? Yéhuwa mémang nyaah ka manusa, tapi Anjeunna geuleuh ka para pamingpin agama anu jahat ka jamaahna jeung ngajarkeun hal nu salah ngeunaan Allah. Yéhuwa jangji, agama palsu bakal disingkirkeun jeung ”moal bakal kapanggih deui”. (Wahyu 18:21) Moal lila deui, Anjeunna bakal nyingkirkeun kabéh agama palsu.—Wahyu 18:8.
HAYU NGULIK
Kumaha parasaan Allah ka agama palsu? Tingali naon waé anu geus dilakukeun ku para pamingpin agama palsu, sarta ku naon hal éta sakuduna teu nyababkeun anjeun eureun diajar ngeunaan Yéhuwa.
4. Teu kabéh agama ditarima ku Allah
Loba anu nganggap agama téh ibarat jalan. Najan béda-béda, tujuanana mah hiji, nyaéta ka Allah. Tapi na éta téh bener? Baca Matius 7:13, 14, terus bahas:
Naon anu disebutkeun ku Alkitab ngeunaan jalan anu nungtun kana kahirupan?
Setél VIDÉO, terus bahas:
Na Alkitab ngajarkeun yén Allah narima loba agama?
5. Agama palsu teu nunjukkeun kanyaahna Allah
Agama palsu ngagogoréng Allah ku rupa-rupa cara, salah sahijina nyaéta pipilueun dina perang. Naon contona? Setél VIDÉO, terus bahas:
Naon nu dilakukeun ku garéja-garéja dina Perang Dunya II?
Kumaha ceuk anjeun ngeunaan hal éta?
Baca Yahya 13:34, 35 jeung 17:16, terus bahas:
Ceuk anjeun, kumaha parasaan Yéhuwa ningali agama-agama pipilueun dina perang?
Agama palsu nyababkeun loba hal goréng jeung teu nunjukkeun kanyaahna Allah. Na anjeun bisa nyebutkeun contona?
Agama palsu henteu nunjukkeun kanyaah Allah
6. Allah hayang ngabébaskeun jalma-jalma ti agama palsu
Baca Wahyu 18:4,a terus bahas:
Kumaha parasaan anjeun sanggeus nyaho yén Allah téh hayang ngabébaskeun jalma-jalma anu disasabkeun ku agama palsu?
7. Pék terus diajar ngeunaan Allah anu sajati
Urang geus ningali hal-hal goréng anu dilakukeun ku para pamingpin agama palsu. Na anjeun jadi kapok diajar ngeunaan Allah? Bayangkeun aya saurang budak anu teu nurut ka Bapana. Manéhna kabur ti imah jeung hirup teu bener. Bapana teu satuju kana kalakuan budakna. Ku naon teu adil mun urang nyalahkeun si Bapa lantaran budakna teu bener?
Urang ningali hal-hal goréng nu dilakukeun ku para pamingpin agama palsu. Na adil mun urang jadi nyalahkeun Yéhuwa jeung embung diajar deui ngeunaan Anjeunna?
AYA NU NGOMONG: ”Kabéh agama sarua waé, da pasti ngajarkeun hal nu hadé.”
Ceuk anjeun kumaha?
Loba agama ngakuna ngajarkeun hal-hal nu hadé, tapi ku naon teu kabéhanana ditarima ku Allah?
INTI BAB
Agama palsu téh geus ngajauhkeun jalma-jalma ti Allah ku pangajaran sarta tindakanana. Allah bakal nyingkirkeun kabéh agama palsu.
Nu geus dibahas
Kumaha pandangan anjeun kana pangajaran jeung tindakan agama palsu?
Kumaha parasaan Yéhuwa ka agama palsu?
Naon anu bakal dilakukeun ku Allah ka agama palsu?
TINGALI OGÉ
Tingali dua hal pangutamana anu nyababkeun kalolobaan agama dipikangéwa ku Allah.
”Na Kabéh Agama téh Ditarima ku Allah?” (Artikel dina jw.org)
Ku naon Yéhuwa hayang urang ibadah ka Anjeunna bareng jeung jalma-jalma séjén?
”Na Urang Kudu Ngumpul pikeun Ibadah?” (Artikel dina jw.org)
Saurang pastor kuciwa ka agamana sorangan, tapi manéhna teu kapok pikeun diajar ngeunaan Allah anu sajati.
”Ku Naon Saurang Pastor Kaluar ti Garéjana?” (Éling! Pébruari 2015)
Salila ratusan taun, agama-agama ngajarkeun yén Allah téh kejem jeung teu paduli ka manusa. Tingali 3 kabohongan anu disebarkeun ku agama.
”Kabohongan-Kabohongan nu Ngahalangan Urang pikeun Nyaah ka Allah” (Warta Hadé 1 Nopémber 2013)
a Ku naon kitab Wahyu ngagambarkeun agama palsu jiga saurang awéwé anu ngaranna Babilon Gedé? Tingali Catetan Ahir 1.