Kumaha Carana Supaya Ibadah Urang Ditarima ku Allah?

Jiga nu geus dibahas dina bab saacanna, teu kabéh agama ditarima ku Allah. Tapi, aya cara ibadah nu bisa nyenangkeun Allah. Jiga kumaha ”ibadah [atawa, agama]” nu nyenangkeun Allah téh? (Yakobus 1:27, catetan handap) Hayu urang tingali naon anu dijelaskeun ku Alkitab.

1. Naon anu kudu jadi dasar pikeun ibadah urang?

Nu kudu jadi dasar pikeun ibadah urang téh nyaéta Alkitab. Isa Al-Masih ngomong ka Allah, ”Firman Bapa téh bener.” (Yahya 17:17) Sababaraha agama teu ngajarkeun bebeneran nu aya dina Firman Allah, nyaéta Alkitab. Pangajaran Alkitab téh diganti ku pangajaran sarta adat kabiasaan manusa. Tapi, Allah teu resep ka jalma-jalma anu ”henteu ngajalankeun paréntah Allah”. (Baca Markus 7:9) Sabalikna, lamun ibadah urang dasarna tina Alkitab jeung urangna ngajalankeun naséhat-naséhat dina Alkitab, Yéhuwa pasti senang.

2. Ibadah urang ka Yéhuwa téh kudu kumaha?

Urang kudu ngabakti ka Yéhuwa hungkul, sabab Anjeunna anu nyiptakeun urang. (Wahyu 4:11) Éta hartina, urang kudu nyaah ka Yéhuwa jeung ibadah ka Anjeunna hungkul. Jadi, urang teu meunang ngagunakeun patung, lambang, atawa gambar pikeun ibadah.​—Baca Yesaya 42:8.

Ibadah urang kudu ’suci jeung dipikaresep’ ku Yéhuwa. (Roma 12:1) Éta hartina, urang kudu nuturkeun patokan hirup ti Yéhuwa, misalna ngeunaan perkawinan. Terus, urang gé bakal ngajauhan kabiasaan anu ngaruksak awak, jiga ngudud jeung nyalahgunakeun narkoba atawa alkohol.a

3. Ku naon urang kudu ibadah ka Yéhuwa bareng jeung dulur-dulur saiman?

Unggal minggu urang bisa muji Yéhuwa dina pakumpulan jamaah-Na. (Jabur 111:1, 2) Salah sahiji carana nyaéta ku nyanyi ngamulyakeun Allah. (Baca Jabur 104:33.) Ku naon Yéhuwa hayang urang ibadah bareng jeung dulur-dulur saiman? Sabab Anjeunna nyaah ka urang. Anjeunna apal, dulur-dulur saiman téh bisa ngabantu urang pikeun hirup bagja salilana. Urang gé bisa silih kuatkeun jeung dulur-dulur saiman.

HAYU NGULIK

4. Urang teu meunang ngagunakeun patung pikeun ibadah

VIDÉO: Na Allah Narima Ibadah Urang Lamun Maké Patung jeung Gambar? (3:26)

• Naon balukarna waktu sababaraha umat Allah dina jaman baheula ngagunakeun patung pikeun ibadah?

Aya jalma anu ngagunakeun patung dina ibadah, sabab maranéhna jadi ngarasa leuwih deukeut jeung Allah. Tapi, sabenerna éta téh ngajauhkeun urang ti Anjeunna. Baca Budalan 20:4-6 jeung Jabur 106:35, 36, terus bahas:

• Patung atawa lambang naon waé anu osok dipaké ku jalma-jalma pikeun ibadah?

• Ceuk anjeun, kumaha parasaan Yéhuwa ningali jalma-jalma ngagunakeun patung pikeun ibadah?

• Kumaha pandangan anjeun mun aya nu ngagunakeun patung pikeun ibadah?

5. Urang bisa bébas tina pangajaran nu salah mun nyembah ka Yéhuwa hungkul

VIDÉO: Dibébaskeun ku Bebeneran (5:16)

Baca Jabur 91:14, terus bahas:

• Lamun urang nyaah jeung ibadah ka Yéhuwa hungkul, Anjeunna jangji bakal ngalakukeun naon?

6. Ibadah ka Allah dina pasamoan

Dina pasamoan, urang bisa muji Yéhuwa sarta silih kuatkeun jeung dulur saiman ku cara nyanyi jeung méré koméntar. Baca Jabur 22:23, terus bahas:

• Na anjeun resep ngadéngékeun koméntar ti sadérék-sadérék dina pasamoan?

• Na anjeun hayang persiapan supaya bisa méré koméntar?

7. Yéhuwa senang lamun urang nyaritakeun pangajaran Alkitab ka batur

Urang boga loba kasempetan pikeun nyaritakeun pangajaran Alkitab ka batur. Baca Jabur 9:2 jeung 34:2, terus bahas:

• Anjeun hayang nyaritakeun pangajaran Alkitab naon ka batur?

INTI BAB

Urang bisa nyenangkeun Nu Nyipta ku cara ibadah ngan ka Anjeunna hungkul, muji Anjeunna dina pasamoan, jeung nyaritakeun pangajaran Alkitab ka batur.

Nu geus dibahas

• Naon anu kudu jadi dasar pikeun ibadah urang?

• Ku naon urang kudu ibadah ka Yéhuwa hungkul?

• Ku naon urang kudu ibadah bareng jeung jalma-jalma nu hayang nyenangkeun Allah?

TINGALI OGÉ

Dina artikel ”Abdi Geus Teu Nyembah Berhala Deui”, baca kumaha saurang wanita eureun nyembah berhala.

”Alkitab Ngarobah Kahirupan” (Warta Hadé 1 Juli 2011)

Kumaha supaya anjeun bisa méré koméntar dina pasamoan?

”Puji Yéhuwa dina Pasamoan” (Warta Hadé Januari 2019)

Tongton pangalaman ti saurang lalaki anu meunang mangpaat tina pasamoan, sanajan datang ka pasamoan téh teu gampang.

Yéhuwa nu Ngurus Abdi (3:07)

Loba jalma nganggap salib téh lambang agama Kristen. Na urang kudu ngagunakeun salib pikeun ibadah?

”Ku Naon Saksi-Saksi Yéhuwa Teu Ngagunakeun Salib dina Ibadah?” (Artikel dina jw.org)