Meunangkeun Haté ku Laku Lampah Murni jeung Sikep Hormat

Lantaran laku lampah hadé ti pamajikan Kristen, loba salaki daék narima bebeneran. Tapi, bisa jadi butuh katabahan mangtaun-taun. (1Pet 2:21-23; 3:1, 2) Lamun ngalaman kateuadilan, Sadérék perlu terus nalukkeun nu jahat ku nu hadé. (Rum 12:21, SF) Bisa jadi salaki embung ngadéngékeun omongan Sadérék ngeunaan Yéhuwa. Tapi, pandanganana bisa barobah lamun ningali laku lampah hadé Sadérék.

Upayakeun pikeun paham kana cara pandang batur hirup Sadérék. (Pil 2:3, 4) Témbongkeun sikep saperasaan sarta welas asih, jeung jalankeun tanggung jawab saurang pamajikan. Sadérék kudu resep ngadéngékeun batur hirup. (Yak 1:19) Sing sabar, yakinkeun manéhna yén Sadérék cinta ka manéhna. Sanajan batur hirup teu hormat jeung teu némbongkeun kahadéan siga Sadérék, Sadérék bisa tetep bagja lantaran Yéhuwa ngahargaan kasatiaan Sadérék.​—1Pet 2:19, 20.

TONGTON VIDÉO YÉHUWA NGUATKEUN URANG SANGKAN BISA NYANGHAREUPAN TANGTANGAN, TERUS JAWAB PANANYA-PANANYA DI HANDAP:

• Kumaha kahirupan Grace Li basa kakara nikah?

• Ku naon manéhna kataji kana bebeneran Alkitab?

• Kumaha Sadérék Li tabah dina nyanghareupan kasusah sanggeus manéhna dibaptis?

• Naon nu didoakeun ku Sadérék Li ngeunaan salakina?

• Lantaran némbongkeun hormat jeung laku lampahna murni, berkah naon nu ditarima ku Sadérék Li?