Aya arak-arakan waktu Yésus asup ka Yérusalém numpak kaldé

Naha Yésus téh Bener-Bener Mésias saperti nu geus Diramalkeun?

Jawaban Alkitab

Enya. Waktu Yésus di bumi, sababaraha ramalan ngeunaan ”Mésias, éta Pamingpin”, pribadi nu bakal jadi ”Jurusalamet saalam dunya” laksana dina diri Yésus. (Daniel 9:25, Terjemahan Dunia Baru (NW); 1 Yohanes 4:14) Malah sanggeus anjeunna maot gé, ramalan-ramalan ngeunaan Mésias terus laksana dina dirina.—Jabur 110:1; Rasul 2:34-36.

Naon hartina ”Mésias”?

Istilah Ibrani Mashiach (Mésias) sarua jeung kecap Yunani Khristos (Kristus), duanana boga harti ”Nu Diistrénan”. Jadi, ”Yésus Kristus” téh hartina ”Yésus nu Diistrénan” atawa ”Yésus Sang Mésias”.

Dina jaman Alkitab, jalma nu dilantik pikeun narima kadudukan atawa wewenang nu istiméwa diistrénan ku cara sirahna dikucuran minyak. (Imamat 8:12; 1 Samuel 16:13) Allah ngalantik Yésus pikeun jadi Mésias, kadudukan nu wewenangna luhur. (Rasul 2:36) Tapi Yésus mah diistrénan ku roh suci, lain ku minyak.—Mateus 3:16.

Naha ramalan ngeunaan Mésias bisa laksana dina sababaraha jalma?

Henteu. Saperti sidik jari saurang jalma nu moal sarua jeung batur, laksanana ramalan Alkitab ngan bisa diwujudkeun ku saurang Mésias, atawa Kristus. Tapi Alkitab ngingetan yén ”bakal loba Kristus palsu jeung nabi-nabi palsu; maranehna bakal nyarieun kaahengan jeung kaajaiban pikeun nipu, lamun bisa mah ka umat pilihan Allah oge”.—Mateus 24:24.

Naha bisa Mésias muncul dina mangsa kahareup?

Henteu. Alkitab ngaramalkeun yén Mésias bakal lahir ti turunan Raja Daud ti Israil. (Jabur 89:4, 5) Tapi catetan ngeunaan silsilah turunan urang Yahudi ti Raja Daud geus leungit, katingalina musna basa Yérusalém ditalukkeun ku Rum dina taun 70 M.a Ti saprak harita, moal mungkin aya jalma nu bisa ngabuktikeun yén manéhna téh turunan ti Raja Daud. Sabalikna, catetan ngeunaan silsilah éta masih aya di jaman Yésus. Musuh gé teu bisa nyangkal yén Yésus téh turunan Daud.—Mateus 22:41-46.

Aya sabaraha loba ramalan ngeunaan Mésias dina Alkitab?

Hésé nangtukeun jumlah pastina téh. Salah sahiji alesanana nyaéta cara ngitung jumlah ramalan ngeunaan Mésias téh bisa béda-béda. Contona, Yesaya 53:2-7 nyebutkeun sababaraha ramalan ngeunaan Mésias. Aya nu nganggap ieu téh ngan hiji ramalan, nu séjénna nganggap ieu téh sababaraha ramalan nu béda-béda.

Sababaraha ramalan ngeunaan Mésias nu laksana dina diri Yésus

Ramalan	Dicatet dina	Laksana
Turunan Ibrahim	Kajadian 22:17, 18	Mateus 1:1
Turunan Ishak putrana Ibrahim	Kajadian 17:19	Mateus 1:2-6a
Dilahirkeun ti kaom Yuda ti bangsa Israil	Kajadian 49:10	Mateus 1:1-6a
Turunan Raja Daud	Yesaya 9:7, NW	Mateus 1:1
Dilahirkeun ku saurang parawan	Yesaya 7:14	Mateus 1:18, 22, 23
Dilahirkeun di Bétléhém	Mika 5:1	Mateus 2:1, 5, 6
Disebut Immanuélb	Yesaya 7:14	Mateus 1:21-23
Awal kahirupanana téh saderhana	Yesaya 53:2	Lukas 2:7
Barudak leutik diparaéhan sanggeus anjeunna lahir	Yermia 31:15	Mateus 2:16-18
Dipanggil sina kaluar ti Mesir	Hosea 11:1	Mateus 2:13-15
Disebut urang Nasarétc	Yesaya 11:1	Mateus 2:23
Dipiheulaan ku saurang utusan	Malaki 3:1	Mateus 11:7-10
Dilantik sabagé Mésias dina taun 29 Md	Daniel 9:25, NW	Mateus 3:13-17
Diaku Putra ku Allah	Jabur 2:7	Rasul 13:32-34
Cinta ka Bait Allah	Jabur 69:10	Yohanes 2:13-17
Nguarkeun warta pikabungaheun	Yesaya 61:1	Lukas 4:16-21
Mawa caang ka urang Galiléa	Yesaya 9:1, 2	Mateus 4:13-16
Nyieun mujijat saperti Musa	Pamindo 18:15	Rasul 2:22
Nepikeun pamikiran Allah saperti Musa	Pamindo 18:18, 19	Yohanes 12:49
Nyageurkeun loba jalma	Yesaya 53:4	Mateus 8:16, 17
Teu narik perhatian ka diri sorangan	Yesaya 42:2	Mateus 12:17, 19
Welas asih ka nu sangsara	Yesaya 42:3	Mateus 12:9-20; Markus 6:34
Némbongkeun kaadilan Allah	Yesaya 42:1, 4	Mateus 12:17-20
Juru Naséhat nu Hébat	Yesaya 9:6, 7, NW	Yohanes 6:68
Ngumumkeun nami Yéhuwa	Jabur 22:22, NW	Yohanes 17:6, NW
Ngajar ngagunakeun ibarat	Jabur 78:2	Mateus 13:34, 35
Saurang Pamingpin	Daniel 9:25	Mateus 23:10
Loba nu teu percaya ka anjeunna	Yesaya 53:1	Yohanes 12:37, 38
Bakal jadi batu nu matak titajong	Yesaya 8:14, 15	Mateus 21:42-44
Ditolak ku manusa	Jabur 118:22, 23	Rasul 4:10, 11
Dipikageuleuh tanpa sabab	Jabur 69:5	Yohanes 15:24, 25
Numpak kaldé basa asup ka Yérusalém	Jakaria 9:9	Mateus 21:4-9
Dipuji ku barudak leutik	Jabur 8:3	Mateus 21:15, 16
Datang ku nami Allah Yéhuwa	Jabur 118:26	Yohanes 12:12, 13
Dihianatan ku hiji sobatna	Jabur 41:10	Yohanes 13:18
Dihianatan ngan demi 30 geblég perake	Jakaria 11:12, 13	Mateus 26:14-16; 27:3-10
Ditinggalkeun ku babaturanana	Jakaria 13:7	Mateus 26:31, 56
Dipitnah ku saksi-saksi palsu	Jabur 35:11	Mateus 26:59-61
Teu ngajawab waktu dituduh	Yesaya 53:7	Mateus 27:12-14
Diciduhan	Yesaya 50:6	Mateus 26:67; 27:27, 30
Sirahna diteunggeulan	Mika 5:1, NW	Markus 15:19
Dipecutan	Yesaya 50:6	Yohanes 19:1
Teu ngabales waktu diteunggeulan	Yesaya 50:6	Yohanes 18:22, 23
Para pamingpin sakongkol ngalawan anjeunna	Jabur 2:2	Lukas 23:10-12
Leungeun jeung sukuna dipakukeun kana tihang	Jabur 22:17	Mateus 27:35; Yohanes 20:25
Papakéanana dilotrékeun	Jabur 22:19	Yohanes 19:23, 24
Dianggap penjahat	Yesaya 53:12, NW	Mateus 27:38
Dileléwé, dihina	Jabur 22:8, 9	Mateus 27:39-43
Sangsara demi jalma-jalma dosa	Yesaya 53:5, 6	1 Petrus 2:23-25
Katingalina siga nu ditinggalkeun ku Allah	Jabur 22:2	Markus 15:34
Diasongan cuka jeung hamperu pikeun diinum	Jabur 69:22	Mateus 27:34
Halabhab saacan maot	Jabur 22:16	Yohanes 19:28, 29
Masrahkeun nyawana ka Allah	Jabur 31:6	Lukas 23:46
Ngorbankeun kahirupanana	Yesaya 53:12	Markus 15:37
Jadi tebusan pikeun nyingkirkeun dosa	Yesaya 53:12	Mateus 20:28
Tulangna teu aya nu dipotongkeun	Jabur 34:21	Yohanes 19:31-33, 36
Ditumbak	Jakaria 12:10	Yohanes 19:33-35, 37
Dimakamkeun bareng jeung nu beunghar	Yesaya 53:9	Mateus 27:57-60
Dihirupkeun deui	Jabur 16:10	Rasul 2:29-31
Jalma nu hianat ka Yésus digantikeun	Jabur 109:8	Rasul 1:15-20
Diuk di katuhueun Allah	Jabur 110:1	Rasul 2:34-36

a Buku Cyclopedia karya McClintock jeung Strong nyebutkeun yén katingalina catetan ngeunaan suku bangsa sarta kulawarga Yahudi téh musna basa Yérusalém diancurkeun, lainna saacanna.

b Ngaran Immanuél téh tina basa Ibrani nu hartina ”Urang Disarengan ku Allah”. Ngaran ieu ngagambarkeun tugas Yésus sabagé Mésias. Kadatangan anjeunna ka bumi jeung mujijat-mujijatna ngabuktikeun yén Allah nyarengan umat-Na.—Lukas 2:27-32; 7:12-16.

c Istilah ”urang Nasarét” katingalina asalna tina kecap Ibrani netser, nu hartina ”sirung”.

d Pikeun rincian ngeunaan kajadian taun 29 M sabagé taun datangna Mésias, tingali artikel ”Nubuat Daniel tentang Kedatangan Mesias”.

e Ramalan ieu aya di buku Jakaria, tapi Mateus nu nulisna ngomong yén ieu téh ”ucapan Nabi Yermia”. (Mateus 27:9) Katingalina buku Yermia sok ditempatkeun pangmimitina dina bagian ”Kitab Nabi-Nabi” nu aya di Kitab Suci. (Lukas 24:44) Bisa jadi Mateus nyebutkeun ”Yermia” pikeun ngamaksudkeun sakabéh kitab nabi-nabi, nu ngamuat buku Jakaria ogé.