Zaburi

137 Kando ya mito ya Babiloni+—​huko tuliketi.+

Pia tulilia tulipokumbuka Sayuni.+

 2 Juu ya mierebi+ iliyo katikati yake

Tulitundika vinubi vyetu.+

 3 Kwa maana huko, wale waliokuwa wametushika mateka, walituomba maneno ya wimbo,+

Nao wale wanaotufanyia mzaha—wimbo wa kushangilia:+

“Tuimbieni mmoja wa nyimbo za Sayuni.”+

 4 Tunawezaje kuimba wimbo wa Yehova+

Kwenye nchi ya kigeni?+

 5 Kama nikikusahau, Ee Yerusalemu,+

Mkono wangu wa kuume na uwe msahaulifu.

 6 Ulimi wangu na ushikamane na kaakaa langu,+

Kama nisingekukumbuka,+

Kama nisingeinua Yerusalemu

Kuwa juu ya sababu yangu kuu ya kushangilia.+

 7 Ukumbuke,+ Ee Yehova, juu ya wana wa Edomu+ siku ya Yerusalemu,+

Waliokuwa wakisema: “Lifanye ukiwa! Lifanye ukiwa mpaka kwenye msingi ulio ndani yake!”+

 8 Ee binti Babiloni, ambaye utaporwa,+

Atakuwa ni mwenye furaha yeye atakayekupa thawabu+

 9 Atakuwa ni mwenye furaha yeye anayewakamata na kuwavunja vipande-vipande+

Watoto wako juu ya mwamba.