Isaya
63 Ni nani huyu anayekuja kutoka Edomu,+
Kutoka Bosra+ akiwa na mavazi yenye rangi zinazong’aa,*
Huyu aliye na mavazi ya kifahari,
Anayetembea kwa nguvu zake nyingi?
“Ni mimi, Yule anayesema kwa uadilifu,
Yule aliye na nguvu nyingi za kuokoa.”
2 Kwa nini mavazi yako ni mekundu,
Na kwa nini mavazi yako ni kama ya mtu anayekanyaga shinikizo la divai?+
3 “Nimelikanyaga pipa la divai nikiwa peke yangu.
Hakuna mtu yeyote kutoka katika mataifa aliyekuwa pamoja nami.
Niliendelea kuwakanyaga kwa hasira yangu,
Nami niliendelea kuwakanyaga kwa ghadhabu yangu.+
Mavazi yangu yalijaa madoa ya damu yao,
Nami nimezichafua nguo zangu zote.
5 Nilitazama, lakini hapakuwa na yeyote wa kunisaidia;
Nilishangaa kwamba hakuna yeyote aliyenitegemeza.
6 Niliwakanyaga watu kwa hasira yangu,
Niliwalewesha kwa ghadhabu yangu+
Niliimwaga damu yao ardhini.”
7 Nitayataja matendo ya Yehova ya upendo mshikamanifu,
Matendo ya Yehova yanayostahili sifa,
Kwa sababu ya mambo yote ambayo Yehova ametutendea,+
Mambo mengi mema ambayo ameitendea nyumba ya Israeli,
Kulingana na rehema zake na upendo wake mshikamanifu ulio mwingi.
8 Kwa maana alisema: “Kwa hakika hawa ni watu wangu, wana ambao hawatakosa kuwa washikamanifu.”*+
Basi akawa Mwokozi wao.+
9 Katika taabu zao zote, yeye alitaabika.+
Na mjumbe wake binafsi* akawaokoa.+
10 Lakini waliasi+ na kuihuzunisha roho yake takatifu.+
11 Nao wakazikumbuka siku za zamani,
Siku za Musa mtumishi wake:
“Yuko wapi Yule aliyewapandisha kutoka katika bahari+ pamoja na wachungaji wa kundi lake?+
Yuko wapi Yule aliyetia ndani yake roho Yake takatifu,+
12 Yule aliyeufanya mkono Wake mtukufu uende pamoja na mkono wa kulia wa Musa,+
Yule aliyeyatenganisha maji mbele yao+
Ili kujifanyia jina la milele,+
13 Yule aliyewafanya watembee katika maji yenye mawimbi makubwa,*
Hivi kwamba wakatembea bila kujikwaa,
Kama farasi katika nchi iliyo wazi?*
Zimeondolewa kwangu.
16 Kwa maana wewe ni Baba yetu;+
Ingawa huenda Abrahamu asitujue
Na huenda Israeli asitutambue,
Wewe, Ee Yehova, ni Baba yetu.
Mkombozi wetu wa zamani za kale ndilo jina lako.+
17 Kwa nini, Ee Yehova, unaruhusu* tutangetange kutoka kwenye njia zako?
Kwa nini unaruhusu* mioyo yetu iwe migumu ili tusikuogope?+
Rudi, kwa ajili ya watumishi wako,
Makabila ya urithi wako.+
18 Watu wako watakatifu waliimiliki kwa muda mfupi.
Maadui wetu walipakanyaga-kanyaga mahali pako patakatifu.+
19 Kwa muda mrefu sana tumekuwa kama watu ambao hukuwatawala kamwe,
Kama watu ambao hawakuitwa kamwe kwa jina lako.