Isaya

20 Mwaka ambao Mfalme Sargoni wa Ashuru alimtuma Tartani* aende Ashdodi,+ alipigana na Ashdodi na kuliteka.+ 2 Wakati huo Yehova alisema hivi kupitia Isaya+ mwana wa Amozi: “Nenda ukavue nguo ya magunia kutoka kiunoni mwako, na uvue viatu vilivyo miguuni mwako.” Naye akafanya hivyo, akatembea akiwa uchi* na bila viatu.

3 Kisha Yehova akasema: “Kama mtumishi wangu Isaya alivyotembea akiwa uchi na bila viatu kwa miaka mitatu ili kuwa ishara+ na dalili dhidi ya Misri+ na dhidi ya Ethiopia,+ 4 hivyo ndivyo mfalme wa Ashuru atakavyowaongoza mateka wa Misri+ na wahamishwa wa Ethiopia, wavulana na wanaume wazee, wakiwa uchi na bila viatu na matako yakiwa wazi, uchi wa* Misri. 5 Nao wataogopa na kuona aibu kwa ajili ya Ethiopia tumaini lao na kwa ajili ya Misri fahari yao.* 6 Wakaaji wa eneo hili la pwani watasema siku hiyo, ‘Tazama kilicholipata tumaini letu, tulilolikimbilia ili kupata msaada na kuokolewa kutoka kwa mfalme wa Ashuru! Tutaokokaje sasa?’”