Utendaji wa Mashahidi wa Yehova Katika Nyakati za Kisasa

Afrika Kusini

Kwa miaka mingi, watu wa nchi hii walikuwa wametenganishwa si na lugha tu bali pia na sheria. Sheria kali za ubaguzi ziliamua mtu angeishi wapi, angesafiri kwenda wapi, angefanya kazi wapi, na angesomea shule gani. Katika masimulizi haya, utasoma jinsi Mashahidi wa Yehova walivyokua kiroho na kudumisha umoja wenye nguvu wajapokuwa katika mazingira yenye ubaguzi na matatizo katika jamii.

Latvia

Mashahidi fulani waliepukaje kukamatwa wakati wa enzi za Ukomunisti? Kwa nini mtu fulani alisema hivi: “Nashukuru kwamba Mungu aliacha nipelekwe katika kambi ya kazi ngumu.” Bingwa wa kitaifa wa kuinua uzani alipokubali kweli ya Biblia, matokeo yalikuwaje? Utaona katika masimulizi haya kwamba ingawa waliteswa kwa miaka mingi, watu wa Mungu huko Latvia sikuzote wamekuwa na uhuru—uhuru wa kiroho.

Réunion

Kazi ilianza katika kisiwa hiki cha tropiki wakati familia moja ya Mashahidi ilipowasili huko mwaka wa 1961. Ona jinsi walivyoshughulikia watu waliopendezwa na habari njema. Soma jinsi mchuzi ulivyomchochea mpinzani awasikilize watu wa Mungu. Pia, ona kilichofanya wahubiri wanne wa Ufalme wenye ujasiri wasafiri kwa miguu mpaka ndani sana ya bonde la volkano iliyoacha kulipuka.