Je, Biblia Inaweza Kunisaidia Nikishuka Moyo?

Ndiyo, kwa sababu msaada bora zaidi hutoka kwa “Mungu, Ambaye huwafariji na kuwatia moyo na kuwaburudisha na kuwachangamsha walioshuka moyo.”​—2 Wakorintho 7:6, The Amplified Bible.

• Nguvu. Mungu ‘hukuburudisha na kukuchangamsha’ si kwa kuondoa matatizo yako, bali kwa kujibu sala zako unapoomba nguvu za kukabiliana na tatizo lako. (Wafilipi 4:13) Unaweza kuwa na uhakika kwamba yuko tayari kukusikiliza, kwa kuwa Biblia inasema: “Yehova yuko karibu na wale waliovunjika moyo; naye huwaokoa wale waliopondwa roho.” (Zaburi 34:18) Kwa kweli, Mungu anaweza kusikiliza sala zako za kuomba msaada hata ikiwa unashindwa kumweleza vizuri hisia zako.​—Waroma 8:26, 27.

• Mifano mizuri. Mwandikaji mmoja wa Biblia alisali hivi kwa Mungu: “Toka upeo wa unyonge wangu, nakulilia, ee Mwenyezi-Mungu.” Mtunga-zaburi huyu alikabiliana na mshuko wa moyo kwa kukumbuka kwamba Mungu hataki tulemewe na hisia za hatia. Badala yake, alimwambia Mungu hivi: “Kama ee Mwenyezi-Mungu ungekumbuka maovu yetu nani ee Bwana, angeweza kusalimika? Lakini kwako twapata msamaha, ili sisi tukuheshimu.”​—Zaburi 130:1, 3, 4, Biblia Habari Njema.

• Tumaini. Mbali na kutufariji sasa, Mungu ameahidi kuondoa matatizo yote yanayotufanya tushuke moyo. Wakati atakapotimiza ahadi hiyo, “mambo ya zamani [kutia ndani kushuka moyo] hayatakumbukwa akilini, wala hayataingia moyoni.”​—Isaya 65:17.

Taarifa: Ingawa Mashahidi wa Yehova wanakubali msaada ambao Mungu huandaa, wao pia hutafuta matibabu ya magonjwa kama vile kushuka moyo sana. (Marko 2:17) Hata hivyo, hatupendekezi matibabu yoyote hususa; kila mtu anapaswa kufanya uamuzi wake kuhusiana na matibabu.