Sura ya 4

Yesu Aja na Kitia-Moyo

1. Sasa Yohana anaandikia nani, na ni nani leo wanaopaswa kuona ujumbe wake ukiwa wenye upendezi wenye kuvuta fikira?

YALE yanayofuata yapasa yawe yenye upendezi wenye kuvuta fikira kwa kila mmoja anayeshirikiana na makundi ya watu wa Mungu leo. Hapa pana mfululizo wa jumbe. Hizo zina tumizi maalumu kadiri “ule wakati uliowekwa” uzidivyo kukaribia. (Ufunuo 1:3, NW) Ni kwa manufaa yetu ya milele kwamba tutii matangazo hayo. Maandishi hayo yanasomwa hivi: “Yohana kwa yale makundi saba ambayo yako katika wilaya ya Esia: Na mwe na fadhili zisizostahiliwa na amani kutoka kwa ‘Yule Mmoja ambaye yuko na ambaye alikuwako na ambaye anakuja,’ na kutoka kwa zile roho saba zilizo mbele ya kiti cha ufalme chake, na kutoka kwa Yesu Kristo.”—Ufunuo 1:4, 5a, NW.

2. (a) Nambari “saba” inamaanisha nini? (b) Katika kipindi cha siku ya Bwana, zile jumbe kwa yale “makundi saba” zinahusu akina nani?

² Hapa Yohana anasema kwa “makundi saba,” na hayo yanapewa majina kwa ajili yetu baadaye katika unabii huu. Nambari hiyo, “saba,” inarudiwa mara nyingi katika Ufunuo. Inamaanisha ukamilifu, hasa kuhusiana na mambo ya Mungu na kundi lake lililopakwa mafuta. Kwa kuwa hesabu ya makundi ya watu wa Mungu ulimwenguni pote imeongezeka kufika makumi ya maelfu katika kipindi cha siku ya Bwana, sisi tunaweza kuwa na uhakika kwamba yanayosemwa kwanza kabisa kwa yale “makundi saba” ya wapakwa-mafuta yanahusu pia watu wote wa Mungu leo. (Ufunuo 1:10, NW) Ndiyo, Yohana ana ujumbe wa maana sana kwa makundi yote ya Mashahidi wa Yehova na kwa wote wanaoshirikiana nayo, kotekote usoni pa dunia hii.

3. (a) Katika salamu ya Yohana, “fadhili zisizostahiliwa na amani” hutoka wapi? (b) Ni usemi gani wa mtume Paulo unaofanana na salamu ya Yohana?

³ “Fadhili zisizostahiliwa na amani”—hizo ni zenye kutamanika kama nini hasa tunapothamini chanzo chazo! Yule “Mmoja” ambaye kutoka kwake zinatiririka ni Yehova Bwana Mwenye Enzi Kuu mwenyewe, “Mfalme wa umilele,” aishiye “kutoka wakati usio dhahiri mpaka wakati usio dhahiri.” (1 Timotheo 1:17; Zaburi 90:2, NW) Vilevile, zinazohusika hapa ni “zile roho saba,” usemi ambao unaonyesha utendaji kamili wa kani-tendaji ya Mungu, au roho takatifu, inapoleta uelewevu na baraka kwa wote wanaoupa unabii huu uangalifu. Aliye na sehemu pia ni “Yesu Kristo,” ambaye kwa habari zake Yohana aliandika baadaye hivi: “Yeye alijaa fadhili zisizostahiliwa na ukweli.” (Yohana 1:14, NW) Hivyo, salamu za Yohana zina elementi zile zile ambazo mtume Paulo alitaja katika kufunga barua yake ya pili kwa kundi la Korintho: “Fadhili zisizostahiliwa za Bwana Yesu Kristo na upendo wa Mungu na kushiriki roho takatifu ziwe pamoja nanyi nyote.” (2 Wakorintho 13:14, NW) Maneno hayo na yatumike pia kwa kila mmoja wetu anayependa ukweli leo!—Zaburi 119:97.

“Shahidi Mwaminifu”

4. Yohana anaendelea kumwelezeaje Yesu Kristo, na ni kwa sababu gani semi hizo za maelezeo zinafaa?

⁴ Kufuata Yehova, Yesu ndiye mtu mtukufu zaidi sana katika ulimwengu wote mzima, kama Yohana anavyotambua, akimsimulia kuwa “‘Shahidi Mwaminifu,’ ‘mzaliwa wa kwanza kutoka kwa wafu,’ na ‘Mtawala wa wafalme wa dunia.’” (Ufunuo 1:5b, NW) Kama vile mwezi katika mbingu, yeye amesimamishwa imara kuwa Shahidi aliye mkubwa zaidi sana kwa Uungu wa Yehova. (Zaburi 89:37) Baada ya yeye kushika ukamilifu mpaka kifo cha dhabihu, akapata kuwa wa kwanza miongoni mwa aina ya binadamu kuinuliwa kwenye uhai wa kiroho usioweza kufa. (Wakolosai 1:18) Sasa akiwa katika kuwapo kwa Yehova, amekwezwa kwenye hali ya juu, juu sana ya wafalme wote wa kidunia, akiwa amevishwa “mamlaka yote . . . katika mbingu na juu ya dunia.” (Mathayo 28:18, NW; Zaburi 89:27; 1 Timotheo 6:15) Katika 1914 yeye aliwekwa awe Mfalme atawale miongoni mwa mataifa ya kidunia.—Zaburi 2:6-9.

5. (a) Yohana anaendelea kuonyeshaje uthamini kwa Bwana Yesu Kristo? (b) Ni nani wanaonufaika na zawadi ya Yesu ya uhai wake mkamilifu wa kibinadamu, na Wakristo wapakwa-mafuta wameshirikije baraka ya pekee?

⁵ Yohana anaendelea kuonyesha uthamini kwa Bwana Yesu Kristo katika maneno haya yenye uchangamshi: “Kwake yeye ambaye hupenda sisi na ambaye alifungua sisi kutoka madhambi yetu kwa njia ya damu yake mwenyewe—naye alifanya sisi kuwa ufalme, makuhani kwa Mungu na Baba yake—ndiyo, kwake yeye kuwe utukufu na uweza milele. Ameni.” (Ufunuo 1:5c, 6, NW) Yesu alitoa uhai wake mkamilifu wa kibinadamu ili wale wa ulimwengu wa aina ya binadamu wanaozoea imani katika yeye waweze kurudishwa kwenye uhai mkamilifu. Wewe, msomaji mpenzi, waweza kutiwa ndani ya hili! (Yohana 3:16) Lakini kifo cha dhabihu cha Yesu kilifungulia njia baraka ya pekee kwa ajili ya wale wanaokuwa Wakristo wapakwa-mafuta kama Yohana. Hawa wametangazwa kuwa waadilifu kwa msingi wa dhabihu ya ukombozi ya Yesu. Wakikataa katakata matazamio yote ya uhai wa kidunia, kama alivyofanya Yesu, hao wa lile kundi dogo wamezaliwa kwa roho ya Mungu, wakiwa na taraja la kufufuliwa wakatumikie wakiwa wafalme na makuhani pamoja na Yesu Kristo katika Ufalme wake. (Luka 12:32; Warumi 8:18; 1 Petro 2:5; Ufunuo 20:6) Lo! ni pendeleo tukufu kama nini! Si ajabu Yohana alipaaza sauti kwa uthabiti hivyo kwamba utukufu na uweza una Yesu!

“Anakuja Pamoja na Mawingu”

6. (a) Yohana anatangaza nini kuhusu Yesu ‘akija pamoja na mawingu’ na Yohana huenda akawa alikumbushwa unabii gani wa Yesu? (b) Yesu ‘anakujaje,’ na ni nani wataona kihoro kikubwa duniani?

⁶ Halafu, Yohana anatangaza kwa shangwe hivi: “Tazama! Yeye anakuja pamoja na mawingu, na kila jicho litaona yeye, na wale ambao walidunga yeye; na makabila yote ya dunia yatajipigapiga kwa kihoro kwa sababu yake yeye. Ndiyo, Ameni.” (Ufunuo 1:7, NW) Pasipo shaka Yohana alikumbushwa hapa unabii wa mapema zaidi wa Yesu kuhusu umalizio wa mfumo wa mambo. Wakati huo Yesu alitaarifu hivi: “Ndipo ishara ya Mwana wa binadamu itaonekana katika mbingu, na ndipo makabila yote ya dunia yatajipiga kwa maombolezo, na wataona Mwana wa binadamu akiwa anakuja juu ya mawingu ya mbingu kwa nguvu na utukufu mkubwa.” (Mathayo 24:3, 30, NW) Hivyo, Yesu ‘huja’ kwa kugeuza uangalifu wake kwenye kutekelezwa kwa hukumu za Yehova juu ya mataifa. Hilo litatokeza mabadiliko makubwa duniani, na kwa kuwa “makabila yote ya dunia” yamepuuza uhakika wa umaliki wa Yesu, kweli kweli wao wataiona “kasirani ya hasira-kisasi ya Mungu Mweza Yote.”—Ufunuo 19:11-21, NW; Zaburi 2:2, 3, 8, 9.

7. “Kila jicho” kutia na la wale wasiotii, ‘litamwonaje’ Yesu?

⁷ Wakati wa jioni ya mwisho ya Yesu pamoja na wanafunzi wake, yeye aliwaambia hivi: “Bado kitambo kidogo na ulimwengu haunioni tena.” (Yohana 14:19) Jinsi gani, basi, “kila jicho litaona yeye”? Haitupasi kutaraji kwamba adui za Yesu wangemwona kwa jicho halisi, kwa kuwa mtume Paulo alisema, baada ya Yesu kupaa mbinguni, kwamba Yesu sasa “amekaa katika nuru isiyoweza kukaribiwa,” na “hakuna mwanadamu aliyemwona, wala aweza kumwona.” (1 Timotheo 6:16) Kwa wazi, Yohana alimaanisha ‘kuona’ katika maana ya ‘kufahamu’ kama vile sisi tunavyoweza kuona, au kufahamu, sifa za Mungu zisizoonekana kwa njia ya uumbaji wake. (Warumi 1:20) Yesu “anakuja pamoja na mawingu” katika maana ya kwamba yeye atakuwa asiyeonekana kwa jicho tupu kama vile jua linavyokuwa likiwa nyuma ya mawingu. Hata wakati jua linapofichwa na mawingu wakati wa mchana, sisi tunajua lipo kwa sababu ya nuru ya mchana inayotuzunguka. Vivyo hivyo, ingawa Bwana Yesu haonekani, yeye atafunuliwa kama ‘moto wenye kuwaka mwali, aletapo kisasi juu ya wale ambao hawatii habari njema kuhusu yeye.’ Hawa pia watalazimishwa ‘kuona yeye.’—1 Wathesalonike 1:6-8, NW; 2:8.

8. (a) Ni nani waliokuwa “wale ambao walidunga yeye” katika 33 W. K., na ni nani hao leo? (b) Kwa kuwa Yesu hayupo hapa duniani tena, watu wanawezaje ‘kudunga yeye’?

⁸ Yesu ‘ataonwa’ pia na “wale ambao walidunga yeye.” Hao wanaweza kuwa akina nani? Wakati Yesu alipouawa katika 33 W.K., askari wa Roma walidunga yeye kihalisi. Hatia ya uuaji huo wa kukusudia ilishirikiwa pia na Wayahudi, kwa kuwa Petro aliambia baadhi ya hao hivi kwenye Pentekoste: “Mungu alifanya yeye kuwa Bwana na pia Kristo, huyu Yesu ambaye nyinyi mlitundika juu ya mti.” (Matendo 2:5-11, 36, NW; linga Zekaria 12:10; Yohana 19:37.) Waroma na Wayahudi hao sasa wamekuwa wafu kwa karibu miaka 2,000. Kwa hiyo wale ‘waliodunga yeye’ leo lazima wawakilishe mataifa na vikundi vya watu wanaoonyesha mwelekeo ule ule wenye chuki ulioonyeshwa wakati Yesu alipotundikwa juu ya mti. Yesu hayupo tena hapa duniani. Lakini wakati wapinzani wanaponyanyasa Mashahidi wa Yehova, ambao hutoa ushuhuda juu ya Yesu, ama kwa kutenda ama kwa kutotenda wanapokubali watendwe hivyo, ni kama tu wapinzani hao walikuwa ‘wakidunga’ Yesu mwenyewe.—Mathayo 25:33, 41-46.

“Alfa na Omega”

9. (a) Ni nani sasa anayesema, na ni mara ngapi katika Ufunuo anafanya hivyo? (b) Wakati Yehova anapojiita mwenyewe “Alfa na Omega” na “Mweza Yote,” hilo linamaanisha nini?

⁹ Sasa, ajabu ya maajabu! Yule Bwana Mwenye Enzi Kuu Yehova mwenyewe anasema. Hiyo inafaa kama nini ikiwa dibaji ya njozi ambazo ziko karibu kufunguka, kwa kuwa yeye ndiye Mkufunzi Mtukufu wetu na Chanzo cha mwisho kabisa cha Ufunuo! (Isaya 30:20, NW) Mungu wetu anatangaza hivi: “Mimi ndimi Alfa na Omega, . . . yule Mmoja ambaye yuko na ambaye alikuwako na ambaye anakuja, yule Mweza Yote.” (Ufunuo 1:8, NW) Hii ndiyo ya kwanza ya mara tatu katika Ufunuo ambazo Yehova mwenyewe anasema kutoka mbinguni. (Ona pia Ufunuo 21:5-8; 22:12-15.) Wakristo wa karne ya kwanza wangalitambua vyepesi alfa na omega kuwa herufi ya kwanza na ya mwisho ya alfabeti ya Kigiriki. Kwa kujiita mwenyewe kwa herufi hizo mbili Yehova anakazia kwamba mbele yake, hakukuwa na Mungu mweza yote, na hakutakuwa na yeyote baada yake. Yeye ataleta kwenye mwisho wenye kufanikiwa, kwa umilele wote, lile suala la Uungu. Yeye atashuhudiwa kwa umilele kuwa yule Mungu mmoja na mweza yote pekee, Mwenye Enzi Mkuu juu ya uumbaji wake wote.—Linga Isaya 46:10; 55:10, 11.

10. (a) Yohana anafuatia kujielezaje, naye alikuwa amefungiwa wapi? (b) Hati-kunjo iliyoandikwa na Yohana lazima iwe iliwasilishwa kwenye makundi kwa ushirikiano wa nani? (c) Mara nyingi chakula cha kiroho kinaandaliwaje leo?

¹⁰ Akiwa na uhakika kwamba Yehova ataelekeza matokeo ya mambo, Yohana anawaambia watumwa wenzake hivi: “Mimi Yohana, ndugu yenu na mshiriki pamoja nanyi katika dhiki na ufalme na uvumilivu katika uandamani pamoja na Yesu, nilikuja kuwa katika kisiwa ambacho kinaitwa Patmosi kwa ajili ya kusema juu ya Mungu na kutoa ushuhuda kwa Yesu.” (Ufunuo 1:9, NW) Mfungwa katika gereza katika Patmosi kwa minajili ya habari njema, akivumilia dhiki pamoja na ndugu zake, akitumaini kwa dhati kuwa na ushirika katika Ufalme unaokuja, Yohana aliyekuwa mwenye umri wa uzee sasa anaona ya kwanza ya njozi za Ufunuo. Pasipo shaka yeye alitiwa moyo sana na njozi hizi, kama vile jamii ya Yohana inavyoamshwa leo kwa kuona utimizo wazo. Sisi hatujui Yohana aliyapelekeaje makundi ile hati-kunjo ya Ufunuo, kwa kuwa yeye alikuwa katika kifungo wakati ule. (Ufunuo 1:11; 22:18, 19) Lazima malaika za Yehova wawe walishirikiana katika kuhakikisha kwamba hili limefanywa, kama vile mara nyingi wamewapa himaya Mashahidi wenye imani wa Yehova wanaotumikia chini ya marufuku na vizuizi leo, hivi kwamba hawa wameweza kupelekea ndugu zao wenye njaa ya ukweli chakula cha kiroho kwa wakati unaofaa.—Zaburi 34:6, 7.

11. Ni pendeleo gani, kama lile lililothaminiwa na Yohana, linalohaziniwa na jamii ya Yohana leo?

¹¹ Ni lazima Yohana awe alithamini kwa kina kama nini pendeleo lake la kutumiwa na Yehova akiwa mfereji wake wa mawasiliano kwa makundi! Vivyo hivyo, jamii ya Yohana leo inahazini pendeleo layo la kuandalia watu wa nyumba ya Mungu ‘chakula cha kiroho kwa wakati unaofaa.’ (Mathayo 24:45) Wewe na uwe mmoja wa wale wanaotiwa nguvu kwa uandalizi huu wa kiroho ili ufikie mradi mtukufu wa uhai wa milele!—Mithali 3:13-18; Yohana 17:3.

[Picha katika ukurasa wa 21]

Kupata Chakula cha Kiroho Katika Nyakati Ngumu

Katika kipindi cha hizi siku za mwisho, wakati Mashahidi wa Yehova wamepatwa sana na mnyanyaso na ugumu, limekuwa jambo la muhimu kwao kupokea chakula cha kiroho ili waendelee kuwa thabiti katika imani. Katika visa vingi, maakuli ya kutosha yameandaliwa, mara nyingi ni kwa sababu ya maonyesho fulani ya ajabu ya uwezo wa Yehova.

Mathalani, katika Ujeremani chini ya Hitla, Mashahidi walirudufisha na wakagawa nakala za Mnara wa Mlinzi, uliokuwa umepigwa marufuku rasmi na mamlaka katili za Nazi. Katika Hamburg wale Magestapo walivamia nyumba ambamo kazi hiyo ya kurudufisha ilifanyiwa. Nyumba ilikuwa ndogo, na hakukuwa na mahali pa kuficha chochote kwa usalama. Taipuraita ilikuwa imeachwa katika kabati, na ile mashine nene-nene ya kurudufisha ilikuwa imewekwa katika pipa la kuwekea viazi katika ghorofa ya chini. Zaidi ya hilo, nyuma ya lile pipa kulikuwa na sanduku lililojaa magazeti! Ilionekana kuvumbuliwa hakukuepukika. Lakini kulitukia nini? Afisa aliyefungua kabati alifanya hivyo katika njia ya kwamba yeye hakuona ile taipuraita. Kwa habari ya ghorofa ya chini, mwenye nyumba anaripoti hivi: “Wale maofisa watatu walisimama katikati ya chumba, fikiria hilo, pale pale liliposimama pipa na lile sanduku lililojaa Mnara wa Mlinzi likiwa nyuma yalo. Lakini hakuna yeyote wao alielekea kuliona; ilikuwa kama wamepofushwa.” Kwa sababu ya uongozi huu wa kimungu wa ajabu, watu wa ile nyumba waliweza kuendelea kutoa chakula cha kiroho katika nyakati ngumu na zenye hatari.

Katika muda wa tangu mwaka wa 1960, kulikuwako vita ya wenyewe kwa wenyewe kati ya Naijeria na jimbo lenye kujitenga la Biafra. Kwa kuwa Biafra ilizungukwa kabisa na eneo la Naijeria, kiunzi pekee kati yayo na ulimwengu wa nje kilikuwa barabara ya kurukia ndege. Hili lilimaanisha kwamba Mashahidi katika Biafra walikuwa katika hatari ya kukatiliwa mbali na ugavi wao wa chakula cha kiroho. Ndipo, mapema katika 1968, mamlaka za Biafra zikampa mfanya kazi mmoja wa utumishi wa serikali cheo chenye maana katika Ulaya na mwingine akagawiwa kwenye barabara ya kurukia ndege katika Biafra. Ikatukia kwamba kumbe hawa wawili walikuwa Mashahidi wa Yehova, na sasa wakawa katika miisho yote miwili ya kiunzi pekee kati ya Biafra na ulimwengu wa nje. Wote wawili walitambua kwamba lazima mpango huo uwe ulitoka kwa Yehova. Kwa sababu hiyo, wao walijitolea wafanye ile kazi ngumu na yenye hatari ya kuingiza chakula cha kiroho ndani ya Biafra. Nao waliweza kufanya hivyo wakati wote wa vita. Mmoja wao alieleza hivi: “Mpango huo ulipita chochote ambacho binadamu wangaliweza kupanga.”

[Chati katika ukurasa wa 19]

Nambari za Mfano Katika Ufunuo

Nambari Maana ya Mfano

Nambari nyingine zinazotajwa katika Ufunuo zapasa kueleweka kihalisi. Mara nyingi, muktadha husaidia kuyakinisha hili. (Ona Ufunuo 7:4, 9; 11:2, 3; 12:6, 14; 17:3, 9-11; 20:3-5.)