Isaya

Sanamu zao zimewekwa juu ya wanyama, juu ya wanyama wanaobeba mizigo,+

Kama mizigo inayowalemea wanyama waliochoka.

 2 Wanainama na kujiinamisha pamoja;

Hawawezi kuiokoa mizigo,*

Nao wenyewe wanaenda utekwani.

 3 “Nisikilize mimi, Ee nyumba ya Yakobo, nanyi nyote mnaobaki wa nyumba ya Israeli,+

Ninyi niliowategemeza tangu mlipozaliwa na kuwabeba tangu tumboni.+

 4 Hata utakapozeeka nitakuwa yuleyule;+

Hata kichwa chako kikiwa na mvi nitaendelea kukubeba.

 5 Mtanifananisha na nani au kunifanya niwe sawa na nani au kunilinganisha na nani,+

Ili tufanane naye?+

 6 Kuna wale wanaomwaga dhahabu kwa wingi kutoka kwenye mikoba yao;

Wanapima fedha katika mizani.

 7 Wanaiinua na kujitwika mabegani;+

Wanaibeba na kuiweka mahali pake, nayo husimama papo hapo.

Wanaipazia sauti, lakini haiwajibu;

Haiwezi kumwokoa yeyote kutoka katika taabu yake.+

 9 Kumbukeni mambo ya kwanza* ya zamani za kale,

Kwamba mimi ni Mungu, na hakuna mwingine.

10 Tangu mwanzo ninatabiri matokeo,

Na tangu zamani za kale mambo ambayo bado hayajafanywa.+

Ninasema, ‘Uamuzi* wangu utasimama,+

Nami nitafanya jambo lolote ninalopenda.’+

11 Ninamwita kutoka mashariki* ndege anayewinda,+

Kutoka nchi ya mbali mtu atakayetekeleza uamuzi* wangu.+

12 Nisikilizeni, ninyi mlio na moyo mkaidi,*

Ninyi mlio mbali sana na uadilifu.

13 Nimeuleta karibu uadilifu wangu;

Hauko mbali sana,

Na wokovu wangu hautakawia.+