Ya Kwanza kwa Wakorinto

14 Mufuatie upendo, na bado muendelee kutafuta kwa bidii zawadi za kiroho, lakini ni muzuri zaidi kwamba mutoe unabii.+ 2 Kwa maana ule mwenye anasema kwa luga, haseme na wanadamu, lakini anasema na Mungu, kwa maana hakuna mutu mwenye kusikiliza,+ lakini yeye anasema kwa roho siri zenye kuwa takatifu.+ 3 Hata hivyo, ule mwenye anatoa unabii anajenga na kutia moyo na kufariji watu kwa maneno yake. 4 Ule mwenye anasema kwa luga anajijenga yeye mwenyewe, lakini ule mwenye anatoa unabii anajenga kutaniko. 5 Sasa ningependa ninyi wote museme kwa luga,+ lakini ninapenda zaidi mutoe unabii.+ Kwa kweli, ule mwenye anatoa unabii ni mukubwa kuliko ule mwenye anasema kwa luga, isipokuwa atafsiri, ili kutaniko lijengwe. 6 Lakini wakati huu, ndugu, kama ningekuja kwenu nikisema kwa luga, ningewapatia ninyi faida gani kama singesema na ninyi kwa ufunuo+ ao kwa ujuzi+ ao kwa unabii ao kwa fundisho?

7 Ni vilevile juu ya vitu vyenye havina uzima vyenye vinatoa sauti, ikuwe ni filimbi ao kinubi. Kama hakuna tofauti kati ya sauti, kile chenye kinapigwa kwenye filimbi ao kwenye kinubi kitajulikana namna gani? 8 Kwa maana kama tarumbeta inapiga mwito wenye haueleweke, ni nani atajitayarisha kwa ajili ya vita? 9 Kwa njia ileile, kama ninyi hamuseme katika luga hiyo maneno yenye kueleweka kwa urahisi, namna gani watu watajua kile chenye kinasemwa? Kwa kweli, mutakuwa munasema katika hewa. 10 Inawezekana kuko aina nyingi za maneno katika ulimwengu, lakini hakuna aina yenye haina maana. 11 Kwa maana kama sielewe maana ya maneno, nitakuwa mugeni kwa ule mwenye anasema, na ule mwenye anasema atakuwa mugeni kwangu. 12 Na ninyi pia, kwa kuwa munatamani sana zawadi za roho, mujikaze mujae sana katika zawadi zenye zitajenga kutaniko.+

13 Kwa hiyo, ule mwenye anasema kwa luga, asali ili atafsiri.+ 14 Kwa maana kama ninasali kwa luga, ni zawadi yangu ya roho ndiyo inasali, lakini akili yangu haizae matunda. 15 Basi, ni nini kinapaswa kufanywa? Nitasali kwa zawadi ya roho, lakini pia nitasali kwa akili yangu. Nitaimba sifa kwa zawadi ya roho, lakini pia nitaimba sifa kwa akili yangu. 16 Tofauti na hilo, kama unatoa sifa kwa zawadi ya roho, namna gani mutu wa kawaida mwenye kuwa katikati yenu atasema “Amina” kwa shukrani yenye unatoa, kwa kuwa hajue kile chenye unasema? 17 Kweli, unatoa shukrani kwa njia ya muzuri, lakini ule mutu mwingine hajengwe. 18 Ninamushukuru Mungu kwamba ninasema kwa luga nyingi kuliko ninyi wote. 19 Hata hivyo, katika kutaniko ningependa zaidi kusema maneno tano (5) kwa akili yangu,* ili pia nifundishe wengine,* kuliko maneno elfu kumi (10000) kwa luga.+

20 Ndugu, musikuwe watoto wadogo katika uelewaji wenu,+ lakini mukuwe watoto wadogo kuhusiana na ubaya;+ na mukuwe watu wazima katika uelewaji wenu.+ 21 Katika Sheria imeandikwa: “‘Nitasema na watu hawa kwa luga za watu wa kigeni na kwa midomo ya wageni, na hata wakati huo watakataa kunisikiliza,’ ni vile Yehova* anasema.”+ 22 Kwa hiyo, luga haziko alama kwa ajili ya wenye kuamini lakini ni kwa ajili ya wenye hawaamini,+ hata hivyo unabii hauko kwa ajili ya wenye hawaamini lakini ni kwa ajili ya wenye kuamini. 23 Basi kama kutaniko lote linakusanyika mahali pamoja na wote wanasema kwa luga, lakini watu wa kawaida ao wenye hawaamini wanaingia, je, hawatasema kwamba ninyi mumepoteza akili? 24 Lakini kama ninyi wote munatoa unabii na mutu mwenye haiko muamini ao mutu wa kawaida anaingia, atakaripiwa na kuchunguzwa sana na wote. 25 Halafu siri za moyo wake zinakuwa wazi, na hivyo atapiga magoti na kuinama mupaka chini na kumuabudu Mungu, na kutangaza: “Kwa kweli Mungu iko* katikati yenu.”+

26 Basi, ndugu, ni nini kinapaswa kufanywa? Wakati munakusanyika pamoja, mumoja iko* na zaburi, mwingine iko* na fundisho, mwingine iko* na ufunuo, mwingine iko* na luga, na mwingine iko* na tafsiri.+ Mambo yote yatendeke kwa ajili ya kujenga. 27 Na kama mutu fulani anasema kwa luga, basi wakuwe wawili ao watatu (3), hapana zaidi, na kila mumoja aseme kwa wakati wake, na mutu fulani anapaswa kutafsiri.+ 28 Lakini kama hakuna mutafsiri, anapaswa kubakia kimya katika kutaniko na kusema ndani yake mwenyewe na kusema na Mungu. 29 Manabii wawili ao watatu (3)+ waseme, na wale wengine watambue maana. 30 Lakini kama mwingine anapokea ufunuo akiwa amekaa pale, musemaji wa kwanza abakie kimya. 31 Kwa maana ninyi wote munaweza kutoa unabii, kila mumoja kwa wakati wake, ili wote wajifunze na wote watiwe moyo.+ 32 Na zawadi za roho ya manabii zinapaswa kuongozwa na manabii. 33 Kwa maana Mungu haiko Mungu wa muvurugo lakini ni wa amani.+

Kama vile katika makutaniko yote ya watakatifu, 34 wanamuke wabakie kimya katika makutaniko, kwa maana hawaruhusiwe kusema.+ Lakini, wajitiishe+ kama vile Sheria pia inasema. 35 Kama wanataka kujifunza jambo fulani, waulize bwana zao kwenye nyumba zao, kwa maana ni jambo la haya kwa mwanamuke kusema katika kutaniko.

36 Je, neno la Mungu lilitoka kwenu, ao liliwafikia ninyi peke yenu?

37 Kama mutu yeyote anawaza yeye ni nabii ao amepewa zawadi ya roho, anapaswa kutambua kwamba mambo yenye ninawaandikia ninyi ni amri ya Bwana. 38 Lakini kama mutu yeyote anaizarau, yeye pia atazarauliwa.* 39 Basi ndugu zangu, muendelee kujikaza ili kutoa unabii,+ lakini musikataze kusema kwa luga.+ 40 Lakini mambo yote yatendeke kwa adabu na kwa utaratibu.*+