ஏசாயா

45 யெகோவாவாகிய நான் கோரேசைத்+ தேர்ந்தெடுத்திருக்கிறேன்.

நான் அவனுடைய வலது கையைப் பிடித்திருக்கிறேன்.+

அவனுக்கு முன்பாகத் தேசங்களை அடிபணிய வைப்பேன்.+

அவனுக்கு முன்பாக ராஜாக்களை வீழ்த்துவேன்.

அவனுக்கு முன்பாக நகரவாசல்களும் அவற்றின் கதவுகளும்

பூட்டப்படாமல் திறந்திருக்கும்படி செய்வேன்.

அவனிடம் நான் சொல்வது இதுதான்:

 2 “நான் உனக்கு முன்னால் போய்,+

குன்றுகளைத் தரைமட்டமாக்குவேன்.

செம்புக் கதவுகளை நொறுக்கிப்போடுவேன்.

இரும்புத் தாழ்ப்பாள்களை உடைத்துப்போடுவேன்.+

 3 இருட்டில் மறைத்து வைக்கப்பட்ட பொக்கிஷங்களையும்,

ரகசிய இடங்களில் ஒளித்து வைக்கப்பட்ட பொக்கிஷங்களையும் உனக்குத் தருவேன்.+

அப்போது, இஸ்ரவேலின் கடவுளான யெகோவா நான்தான் என்றும்,

உன்னைப் பெயர் சொல்லிக் கூப்பிடுகிறவர் நான்தான்+ என்றும் நீ புரிந்துகொள்வாய்.

 4 என் ஊழியனான யாக்கோபுக்காகவும் நான் தேர்ந்தெடுத்த இஸ்ரவேலுக்காகவும்,

உன்னைப் பெயர் சொல்லிக் கூப்பிடுகிறேன்.

என்னை உனக்குத் தெரியாமல் இருந்தாலும் நான் உன்னைப் பலப்படுத்துவேன்.

 6 ஏனென்றால், கிழக்கிலிருந்து மேற்குவரை இருக்கிற ஜனங்கள் எல்லாரும்

என்னைத் தெரிந்துகொள்ள வேண்டும்.

என்னைத் தவிர வேறு கடவுள் இல்லை+ என்று அவர்கள் தெரிந்துகொள்ள வேண்டும்.

 7 வெளிச்சத்தைக் கொடுப்பதும் நான்தான்,+ இருட்டை உண்டாக்குவதும் நான்தான்.+

சமாதானத்தை ஏற்படுத்துவதும் நான்தான்,+ அழிவைக் கொண்டுவருவதும் நான்தான்.+

யெகோவாவாகிய நானே இவை எல்லாவற்றையும் செய்கிறேன்.

 8 வானம் பொழியட்டும்.+

மேகங்கள் நீதியை மழைபோல் தூவட்டும்.

பூமி அதில் நனைந்து மீட்பு என்ற விதையை முளைப்பிக்கட்டும்.

நீதி என்ற விதையையும் துளிர்க்க வைக்கட்டும்.+

 9 தன்னைப் படைத்தவரோடு வழக்காடுகிறவனுக்கு* கேடுதான் வரும்.

தரையில் கிடக்கிற மண் ஓடுகளில் ஒன்றைப் போல் அவன் இருக்கிறான்.

களிமண் குயவனைப் பார்த்து,

“நடக்கப்போகிற விஷயங்களைப் பற்றி என்னையே கேள்வி கேட்பாயா?

என் பிள்ளைகளையும்+ என் கையால் படைத்தவற்றையும் பற்றி எனக்கே புத்தி சொல்வாயா?

என் கையாலேயே வானத்தை விரித்தேன்.+

வானத்தின் படைகளுக்கு* நான்தான் கட்டளை கொடுக்கிறேன்.”+

13 “நான் நீதியுள்ளவர். அதனால் ஒருவரைத் தேர்ந்தெடுத்திருக்கிறேன்.+

அவருடைய வழிகளையெல்லாம் சீரமைப்பேன்.

அவர்தான் என்னுடைய நகரத்தைக் கட்டுவார்.+

சிறைபிடிக்கப்பட்ட என் ஜனங்களை பணமோ லஞ்சமோ வாங்காமல்+ விடுதலை செய்வார்”+ என்று பரலோகப் படைகளின் யெகோவா சொல்கிறார்.

“எத்தியோப்பிய ஜனங்களுக்கும் உயரமான சபேயர்களுக்கும் சொந்தமான சரக்குகளும்,* எகிப்தியர்களின் சொத்தும்*

உன் கைக்கு வந்து சேரும், அது உனக்குச் சொந்தமாகும்.

பின்பு உன்னிடம், ‘கடவுள் நிச்சயமாகவே உங்களோடு இருக்கிறார்.+

அவரைத் தவிர வேறு கடவுள் இல்லை, அவர் மட்டும்தான் கடவுள்’ என்று பயபக்தியோடு சொல்வார்கள்.”

15 இஸ்ரவேலின் கடவுளே, மீட்பரே!+

உண்மையிலேயே நீங்கள் உங்களை மறைத்துக்கொள்கிறீர்கள்.

16 சிலைகளைச் செய்பவர்கள் எல்லாரும் கேவலப்பட்டுப் போவார்கள்.

அவர்கள் எல்லாரும் வெட்கப்பட்டு, அவமானப்பட்டுப் போவார்கள்.+

18 யெகோவாதான் உண்மையான கடவுள்; அவரே வானத்தைப் படைத்தார்.+ அவரே பூமியை உருவாக்கி, அதை உறுதியாக நிலைநிறுத்தினார்.+

அவர் அதைக் காரணம் இல்லாமல்* படைக்கவில்லை; ஜனங்கள் குடியிருப்பதற்காகவே படைத்தார்.+

அவர் சொல்வது இதுதான்:

19 நான் மறைவான இடத்திலிருந்தோ இருட்டான இடத்திலிருந்தோ பேசவில்லை.+

யாக்கோபின் வாரிசிடம், ‘எந்தப் பலனும் எதிர்பார்க்காமல் என்னை வணங்கு’ என்று நான் சொல்லவில்லை.

செதுக்கப்பட்ட சிலைகளைச் சுமந்து செல்கிறவர்களுக்கும்,

காப்பாற்ற முடியாத தெய்வங்களிடம் வேண்டுகிறவர்களுக்கும் அறிவே இல்லை.+

ரொம்பக் காலத்துக்கு முன்பே இதைச் சொன்னது யார்?

பூர்வ காலத்திலிருந்தே இதை அறிவித்தது யார்?

என்னைத் தவிர வேறு கடவுள் இல்லை.

நீதியான கடவுளும் மீட்பரும் நான்தான்;+ என்னைப் போல வேறு யாரும் இல்லை.+

22 பூமியெங்கும் இருப்பவர்களே, என்னிடம் திரும்பி வாருங்கள், அப்போது காப்பற்றப்படுவீர்கள்.+

ஏனென்றால் நான்தான் கடவுள், என்னைத் தவிர வேறு கடவுள் இல்லை.+

23 நான் என்மேல் சத்தியம் செய்திருக்கிறேன்.

என் வாயிலிருந்து வரும் இந்த வார்த்தை நீதியானது,

இது நிறைவேறாமல் போகாது:+

எனக்கு முன்னால் எல்லாரும் மண்டிபோடுவார்கள்.

எனக்கு விசுவாசமாய்* இருக்கப்போவதாக எல்லாரும் சத்தியம் செய்வார்கள்.+

24 அதோடு இப்படிச் சொல்வார்கள்: ‘யெகோவாதான் உண்மையிலேயே நீதியான கடவுள், பலம்படைத்தவர்.

25 யெகோவாமேல் நம்பிக்கை வைத்தது வீண்போகவில்லை என்று இஸ்ரவேல் வம்சத்தைச் சேர்ந்த எல்லாரும் புரிந்துகொள்வார்கள்.+

அவரைப் பற்றிப் பெருமையாகப் பேசுவார்கள்.’”