Забур

83 Худоё, хомӯш набош,+

Илоҳо, сукут накун ва ором набош.

 2 Душманонат шӯру ғавғо мекунанд,+

Бадбинонат сар бардоштаанд.

 3 Онҳо пинҳонӣ бар зидди халқат макру ҳила мебофанд,

Бар зидди бандаҳои азизат якҷоя қасди бад меандешанд.

 4 Онҳо мегӯянд: «Биёед ин халқро нест кунем,+

То номи Исроил дигар зикр нашавад».

 5 Онҳо забон як карда, ҳила мебофанд,

Аҳду паймон карданд, то бар зидди ту бароянд+ —

 6 Хаймаҳои Адӯм ва исмоилиён, Мӯоб+ ва ҳоҷариён,+

 7 Ҷабалу Аммӯн+ ва Амолеқ,

Фалиштӣ+ ҳамроҳи сокинони Сӯр.+

 9 Бо онҳо чуноне кун, ки бо Мидён кардӣ,+

Ҳамон тавре ки бо Сисро ва Ёбин назди ҷӯйи* Қишӯн амал намудӣ.+

10 Онҳо дар Эйн-Дӯр+ нест шуданд,

Поруи замин гардидаанд.

11 Калоншавандагонашонро мисли Ӯрибу Заиб гардон,+

Миронашонро мисли Забаҳу Салмуно,+

12 Зеро онҳо мегуфтанд: «Заминҳоеро, ки Худо дар онҳо сокин аст, соҳиб мешавем».

13 Эй Худои ман, онҳоро мисли мушхоре гардон, ки онро шамол мебарад,

Мисли хасе, ки бодаш мебарад.+

14 Мисли оташе, ки ҷангалро месӯзонад,

Мисли шуълаи оташ, ки кӯҳҳоро месӯзонад,+

15 Онҳоро бо боди шадидат сур кун+

Ва бо тундбодат ба воҳима андоз.+

16 Рӯяшонро бо шармандагӣ бипӯшон,

То онҳо ҷӯёи номат гарданд, эй Яҳува.

17 Бигзор онҳо абадан шарманда шуда, як умр дар тарсу ваҳм бошанд,

Бигзор сарпаст ва нобуд шаванд.

18 Бигзор мардум бидонанд:

Танҳо ту, ки номат Яҳува аст,+

Бар тамоми замин Худои Таоло ҳастӣ.+