እዮብ

13 “እወ፡ ዓይነይ እዚ ዅሉ ርእያ፡

እዝነይ እውን ሰሚዓቶን ተረዲኣቶን እያ።

 2 ነቲ እትፈልጥዎ፡ ኣነ እውን እፈልጦ እየ፣

ካባኻትኩም ኣይሓምቕን እየ።

 3 ኣነስ ነቲ ዅሉ ዚኽእል ክዛረቦ ይሕሸኒ፣

ምስ ኣምላኽ ክማጐት ከኣ እደሊ ኣለኹ።+

 4 ንስኻትኩም ግና ብሓሶት ትጥቅኑኒ ኣለኹም፣

ኵላትኩም ዘይትጠቕሙ ሓካይም ኢኹም።+

 5 ስቕ እንተ ትብሉስ፡

ጥበብ ምዀነልኩም ነይሩ።+

 6 ንመጐተይ በጃኹም ስምዑ፣

ናብ ልማኖ ኸናፍረይ ኣቕልቡ።

 7 ኣብ ክንዲ ኣምላኽሲ ብዓመጻዶ ኽትዛረቡ፡

ምእንታኡኸ ብተንኰልዶ ኽትዛረቡ ኢኹም፧

10 ብሕቡእ ከተዳልዉ እንተ ፈቲንኩም፡

ንሱ ብርግጽ ኪገንሓኩም እዩ።+

12 ጥበባዊ* ብሂልኩምሲ ምስላታት ሓምዅሽቲ እዩ፣

መከላኸሊኹም* ካብ መሬት ከም እተገብረ መከላኸሊ ተሰባሪ እዩ።

14 ስለምንታይ እየ ንርእሰይ ኣብ ሓደጋ ዘእትዋ፡*

ንህይወተይ* እውን ኣብ ኣእዳወይ ዘንብራ፧

15 እንተ ዝቐትለኒ እኳ ምተጸበኹ፣+

ብዛዕባ ነገረይ* ኣብ ቅድሚ ገጹ ምተማጐትኩ።

16 ሽዑ፡ ንሱ ድሕነተይ ምዀነ፣+

ኣምላኽ ዘይብሉ ሰብሲ* ኣብ ቅድሚኡ ኣይኣቱን እዩ።+

17 ቃለይ ተጠንቂቕኩም ስምዑ፣

ናብቲ ዝብሎ ድማ ኣቕልቡ።

18 እንሆ ሕጂ፡ ንነገረይ ኣዳልየዮ ኣለኹ፣

ቅኑዕ ከም ዝዀንኩ እፈልጥ እየ።

20 ካብ ቅድሜኻ ኸይሕባእሲ፡

ኦ ኣምላኽ፡ ክልተ ነገር ጥራይ ሃበኒ፦*

21 ነታ ኸባድ ኢድካ ኻባይ ኣርሕቃ፣

ፍርህኻ ኸኣ ኣየሸብረኒ።+

22 ወይ ጸውዓኒ፡ ክምልስ፣

ወይ ክዛረብ፡ መልሰለይ።

24 ስለምንታይ ገጽካ እትሓብኣለይ፡+

ከም ጸላኢኻ እውን እትቘጽረኒ፧+

26 ኣንጻረይሲ መሪር ክስታት ትምዝግብ ኣለኻ፣

ብሓጢኣት ንእስነተይ ድማ ተሓታቲ ትገብረኒ ኣለኻ።

27 ንኣእጋረይ ኣብ ጕንዲ ኣእቲኻየን ኣለኻ፣

ንዅሉ መገድታተይ ትቋመቶ ኣለኻ፣

ኣስኣሰረይ ትከታተለኒ ኣለኻ።

28 ሰብሲ* ኸም ዝበስበሰ ነገር፡

ከም ብብልዒ እተበልዐ ዓለባ ይበሊ።