መዝሙር

76 ኣምላኽ ኣብ ይሁዳ ፍሉጥ እዩ፣+

ስሙ ኣብ እስራኤል ዓብዪ እዩ።+

 2 መጽለሊኡ ኣብ ሳሌም፡+

መንበሪኡ እውን ኣብ ጽዮን እዩ።+

 3 ኣብኡ ኸኣ ሃልሃል ዚብል ፍላጻታት ቀስቲ፡

ዋልታን ሰይፍን ኣጽዋር ውግእን ሰይሩ።+ (ሴላ)

 4 ንስኻ ደሚቕካ በሪህካ፣*

እንስሳ ሃድን ካብ ዝመልኦ ኣኽራን ዚበልጽ ግርማ ኣሎካ።

ድቃሶም ደቂሶም፣

ኵሎም ጀጋኑ ረዳኢ ኣልቦ ዀይኖም።+

 6 ኦ ኣምላኽ ያእቆብ፡ ብመግናሕትኻ

ብዓል ሰረገላን ፈረስን ከቢድ ድቃስ ደቂሶም።+

 8 ካብ ሰማይ ፍርዲ ኣስሚዕካ፣+

ምድሪ ኸኣ ፈሪሃ፡ ስቕ እውን ኢላ።+

 9 እወ፡ ኣምላኽ ፍርዱ ኺፍጽም፡

ንዅሎም ዓቃላት* ምድሪ ኼድሕኖም ምስ ተንስአ፡ ከምኡ ዀይና።+ (ሴላ)

10 ነድሪ ሰብሲ ንውዳሰኻ ኪኸውን እዩ፣+

በቶም ተረፍ ነድሮም ድማ ገዛእ ርእስኻ ኽትስልም ኢኻ።

11 ንየሆዋ ኣምላኽኩም ተመባጽዑሉ፡ ፈጽምዎ ኸኣ፣+

ኣብ ዙርያኡ ዘለዉ ዅሎም፡ ህያባቶም ብፍርሃት የቕርቡ።+

12 ንሱ ንዅርዓት* መራሕቲ ኼትሕቶ እዩ፣

ንነገስታት ምድሪ የፍርሆም እዩ።