መዝሙር

ናይ ዳዊት መዝሙር።

141 ኦ የሆዋ፡ እጽውዓካ ኣለኹ።+

ቀልጢፍካ ንዓ እሞ ርድኣኒ።+

ክጽውዓካ ኸለኹ ኣቕልበለይ።+

2 ጸሎተይ ኣብ ቅድሜኻ ኸም እተዳለወ ዕጣን ይኹን፣+

እተላዕላ ኣእዳወይ ከኣ ከም ናይ ምሸት መስዋእቲ እኽሊ ይኹና።+

3 ኦ የሆዋ፡ ንኣፈይ ዘብዐኛ ግበረሉ፣

ንኣፍ ደገ ኸናፍረይ ሓላዊ ግበረሉ።+

4 ምስ እኩያት ሰባት ኰይነ እኩይ ተግባራት ከይገብርሲ፡

ንልበይ ናብ ክፍኣት ኪዝምብል ኣይትሕደጎ፣+

ኣነ እውን እቲ ጥዑም ምግቦም ኣይብላዕ።

5 ጻድቕ እንተ ዚወቕዓኒ፡ ብተኣማንነት ዚርአ ፍቕሪ ምዀነ፣+

እንተ ዚገንሓኒ፡ ኣብ ርእሰይ ከም ዘይቲ ምዀነ፣+

ርእሰይ እውን ከቶ ኣይምኣበዮን።+

ብግዜ መዓቶም እኳ ገና ኽጽሊ እየ።

6 ፈረድቶም እኳ ኻብ ጸድፊ እንተ ጸደፉ፡

ቃላተይ ባህ ዜብል ብምዃኑ፡ ሰባት ኬቕልቡሉ እዮም።

7 ከምቲ ሰብ ንምድሪ ዚሓርሳን ዚፍርክሻን፡

ከምኡ ድማ ኣዕጽምትና ኣብ ኣፍ መቓብር* ፋሕ ኢሉ ኣሎ።

8 ኦ ልዑላዊ ጐይታ ዝዀንካ የሆዋ፡ ኣዒንተይ ናባኻ እየን ዚጥምታ።+

ኣባኻ ተማዕቊበ ኣለኹ።

ንህይወተይ ኣይተጥፍኣያ።*

9 ካብ ምንጋጋ እቲ ዘጻወዱለይ መጻወድያ፡

ካብ መፈንጠራ ገበርቲ እከይ ኣዕቍበኒ።

10 ኣነ ብደሓን ክሓልፍ ከለኹ፡

እኩያት ብሓባር ናብ መርበቦም ኪወድቁ እዮም።+