መዝሙር

 2 ኦ ኣምላኸይ፡ ብኣኻ እእመን* እየ፣+

ኣይተሕፍረኒ።+

 3 ብኣኻ ተስፋ ዚገብሩስ ብርግጽ ኣይሓፍሩን እዮም፣+

እቶም ብዘይ ምኽንያት ዚጠልሙ ግና ኪሓፍሩ እዮም።+

 4 ኦ የሆዋ፡ ጐደናታትካ ኣፍልጠኒ፣+

መገድታትካ ምሃረኒ።+

 5 ንስኻ ኣምላኽ ድሕነተይ ኢኻ እሞ፡

ብሓቅኻ ኣመላልሰንን ምሃረንን።+

 6 ኦ የሆዋ፡ ነተን ወትሩ እተርእየን*+

ምሕረትካን ብተኣማንነት እትገብራ ፍቕርኻን ዘክረን።+

ኦ የሆዋ፡ ስለ ሕያውነትካ* ኢልካ፡+

በቲ ብተኣማንነት እተርእዮ ፍቕርኻ ዘክረኒ።+

 9 ንዓቃላት* ብቕኑዕ* ኪመርሖም፡+

ንዓቃላት ከኣ መገዱ ኺምህሮም እዩ።+

10 ነቶም ኪዳኑን+ መዘኻኸሪታቱን+ ዚሕልዉስ፡

ኵለን መገድታት የሆዋ ብተኣማንነት እትርአ ፍቕርን ተኣማንነትን እየን።

11 ኦ የሆዋ፡ ስሕተተይ ዓብዪ እኳ እንተ ዀነ፡

ስለ ስምካ ኢልካ ይቕረ በለለይ።+

13 ንሱ* ጽቡቕ ይረክብ፣+

ዘርኡ እውን ንምድሪ ይርስተያ።+

14 የሆዋ ምስቶም ዚፈርህዎ ናይ ቀረባ ዕርክነት ኣለዎ፣+

ንሱ ድማ ኪዳኑ የፍልጦም።+

15 ንኣእጋረይ ካብ መርበብ ኬውጽአን እዩ እሞ፡+

ኣዒንተይ ወትሩ ናብ የሆዋ እየን።+

16 ኣነ በይነይን ረዳኢ ኣልቦን እየ እሞ፡

ገጽካ ናባይ ምለስ፡ ሞገስካ ኸኣ ኣርእየኒ።

17 ጭንቂ ልበይ በዚሑ ኣሎ፣+

ካብ ጸበባይ ኣውጽኣኒ።

18 ጸበባይን ሽግረይን ርአ፣+

ኵሉ ሓጢኣተይ ከኣ ሕደገለይ።+

19 ጸላእተይ ክንደይ ከም ዝበዝሑ፡

ጽልኦም ድማ ክሳዕ ክንደይ ዓማጺ ምዃኑ ርአ።

21 ተስፋይ ኣባኻ እዩ እሞ፡+

ንጽህናን ቅንዕናን ይሓልዋኒ።+