መዝሙር

48 ኣብ ከተማ ኣምላኽና፡ ኣብ ቅዱስ ከረኑ፡

የሆዋ ዓብይን ብዙሕ ውዳሰ ዚግብኦን እዩ።

 2 ኣብ ርሑቕ ሰሜን ዘላ ኸረን ጽዮን፡

ከተማ እቲ ዓብዪ ንጉስ፡+

ብልዕልናኣ ጽብቕቲ፡ ሓጐስ ኵላ ምድሪ እያ።+

 3 ኣብ እተዓርደ ግምብታታ፡

ኣምላኽ እምባ* ምዃኑ ኣፍሊጡ።+

 4 እንሆ፡ ነገስታትሲ ተኣኪቦም፣*

ሓቢሮም ከኣ ገስጊሶም።

 6 ኣብኡ ራዕዲ፡

ከም ናይ እትወልድ ሰበይቲ ዝበለ ቕልውላው ሒዝዎም።

 8 ነቲ ዝሰማዕናዮ፡

ኣብ ከተማ የሆዋ ጐይታ ሰራዊት፡ ኣብ ከተማ ኣምላኽና ባዕልና ርኢናዮ።

 9 ኦ ኣምላኽ፡ ብዛዕባ እቲ ኣብ ውሽጢ ቤተ መቕደስካ

ብተኣማንነት እተርእዮ ፍቕርኻ ኣጸቢቕና ሓሲብና።+

10 ኦ ኣምላኽ፡ ውዳሰኻ ኸም ስምካ

ኽሳብ ወሰናት ምድሪ ይበጽሕ።+

11 ስለ ፍርድታትካ፡ ከረን ጽዮን+ ትተሓጐስ፣

ዓድታት* ይሁዳ እውን ይተሓጐሳ።+

12 ንጽዮን ዙርዋ፣ ንዅላ ዅለልዋ፣

ግምብታታ ቝጸሩ።+

ንዚመጽእ ወለዶታት ብዛዕባኡ ኽትነግሩስ፡

ንእተዓርደ ግምብታታ መርምርዎ።