መዝሙር

44 ኦ ኣምላኽ፡ እቲ ቐደም

ብዘመኖም ዝገበርካዮ ግብሪ፡

ኣቦታትና ኣዘንትዮምልና፡+

ብኣእዛንና እውን ሰሚዕናዮ።

 2 ብኣእዳውካ ንኣህዛብ ሰጒጕካስ+

ንኣቦታትና ኣብኡ ኣስፊርካዮም።+

 3 ብኣታቶም ባህ ስለ ዝበለካ፡+

ብየማነይቲ ኢድካን ብቕልጽምካን+ ብብርሃን ገጽካን እዮም እምበር፡

ብሰይፎም ኣይኰኑን ነታ ምድሪ ተረስትዮምዋ፣+

ቅልጽሞም እውን ኣይኰነን ዓወት ዘምጽኣሎም።+

 4 ኦ ኣምላኽ፡ ንስኻ ንጉሰይ ኢኻ፣+

ንያእቆብ ምሉእ ዓወት* ኣዝዝ።*

 5 ብሓይልኻ ንተጻረርትና ኽንሰጕጎም ኢና፣+

ብስምካ ነቶም ዚለዓሉና ኽንረግጾም ኢና።+

 6 ብቐስተይሲ ኣይእመንን እየ፣

ሰይፈይ እውን ከተድሕነኒ ኣይትኽእልን እያ።+

 7 ካብ ተጻረርትና ዘድሓንካና፡+

ነቶም ዚጸልኡና እውን ዘዋረድካዮም ንስኻ ኢኻ።

 8 ምሉእ መዓልቲ ንኣምላኽ ክንውድስ ኢና፣

ንስምካ ድማ ንዘለኣለም ከነመስግን ኢና። (ሴላ)

 9 ሕጂ ግና ደርቢኻና፡ ኣዋሪድካና፡

ምስ ሰራዊትና ኸኣ ኣይትወጽእን ኣለኻ።

10 ካብ ተጻራሪና ኸም እነንሳሕብ ትገብረና ኣለኻ፣+

እቶም ዚጸልኡና ድማ ዝደለይዎ ይወስዱ ኣለዉ።

11 ከም ኣባጊዕ ክንብላዕ ኣሕሊፍካ ሂብካና፣

ኣብ መንጎ ኣህዛብ እውን ፋሕ ኣቢልካና።+

12 ንህዝብኻ ዳርጋ ብጥራዩ ሼጥካዮ፣+

ካብቲ መሸጣ* ኸኣ ሓንቲ እኳ ኣይከሰብካን።

13 ንጐረባብትና መጻረፊ፡

ኣብ ዙርያና ንዘለዉ ድማ መላገጽን መባጨውን ጌርካና።

14 ኣብ መንጎ ኣህዛብ መመሰሊ፡+

ኣብ መንጎ ህዝብታት ከኣ ርእሶም መነቕነቒ ጌርካና።

15 ምሉእ መዓልቲ ውርደት ይስምዓኒ ኣሎ፣

ብሕፍረት እውን ተዋሒጠ ኣለኹ።

16 እዚ ድማ ብሰሪ ድምጺ ባጫኦምን ጸርፎምን፡

ብሰሪ እቲ ሕነ ዚፈዲ ዘሎ ጸላኢና እዩ።

17 እዚ ዅሉ ወሪዱናስ፡ ኣይረሳዕናካን፡

ኪዳንካ እውን ኣይጠሓስናን።+

18 ልብና ኣይዘምበለን፣

ኣሰርና ኸኣ ካብ መገድኻ ኣየላገሰን።

19 ግናኸ፡ ኣብ ሰፈር ወኻሩ* ሓምሺሽካና፣

ብብርቱዕ ጽላሎት ኣጐልቢብካና።

20 ስም ኣምላኽና እንተ ረሲዕና፡

ወይ ኢድና ብጸሎት ናብ ጓና ኣምላኽ እንተ ዘርጊሕና፡

21 ነዝስ ኣምላኽዶ ኣይፈልጦን እዩ፧

22 ምእንታኻ ምሉእ መዓልቲ ንቕተል ኣለና፣

ከም ኣባጊዕ ማሕረዲ እውን ንቝጸር ኣለና።+

25 ናብ ሓመድ ወሪድና፣*

ሰብነትና ኣብ ምድሪ ተረጊጹ።+