እዮብ

 3 ምስኡ ኺማጐት* እንተ ደልዩ፡+

ካብ ሽሕ ሕቶታቱስ ሓንቲ እኳ ኺምልሰሉ ኣይክእልን እዩ።

 5 ንሱ ሓደ እኳ ኸይፈለጠ፡ ኣኽራን የግዕዝ፣*

ብቝጥዓኡ እውን ይግልብጦም።

 6 ንምድሪ ኻብ ቦታኣ የናውጻ፣

ኣዕኑዳ እውን የንቀጥቅጡ።+

 7 ንጸሓይ ከይትበርቕ ይእዝዛ፣

ብርሃን ከዋኽብቲ ድማ ይሓትም፣+

 8 ንሰማያት በይኑ ይዝርግሖ፣+

ኣብ ልዕሊ ልዑል ማዕበላት ባሕሪ ኸኣ ይረግጽ።+

 9 ንሱ ንጭፍራታት ከዋኽብቲ ዓሽን* ከሲልን* ኪማን*+

ንጭፍራታት ከዋኽብቲ ደቡባዊ ሰማይን* ገበሮም፣

10 ዓበይትን ዘይምርመርን ነገራት፡+

ኪቝጸር ዘይከኣል ዜደንቕ ነገራት ይገብር።+

11 ንሱ ብጥቓይ ይሓልፍ፡ ኣነ ድማ ክርእዮ ኣይክእልን፣

ብጥቓይ ከኣ ሓሊፉ ይኸይድ፡ ኣነ ግና ኣየስተውዕሎን።

13 ኣምላኽ ንቝጥዓኡ ኣይገትኦን እዩ፣+

ረዳእቲ ረሃብ*+ እኳ ይሰግዱሉ።

14 ኣነ ኽምልሰሉ ኸለኹ ግዳ፡

ምስኡ ንምምጓት ክንደይ ተጠንቂቐ ቓላት ዘይመርጽ!

ድምጸይ ይሰምዕ ኢለ ኣይኣምንን እየ፣

17 ንሱስ ብህቦብላ ይጭፍልቐኒ፡

ብዘይ ምኽንያት ከኣ ንቝስለይ የብዝሖ ኣሎ።+

18 ከተንፍስ ኣይሓድገንን፡

ብመሪር ነገራት ድማ የጽግበኒ ኣሎ።

19 ብሓይሊ እንተ ዀይኑ፡ ንሱ እዩ ብርቱዕ፣+

ብፍትሒ እንተ ዀይኑ ኸኣ፡ ንሱ፡ ‘መን ተሓታቲ ኺገብረኒ* ይኽእል፧’ ይብል።

20 ኣነ ቕኑዕ እንተ ዝኸውን፡ ኣፈይ ምዀነነትኒ፣

ንጽህናይ እኳ እንተ ዝሕሉ፡ በደለኛ* ምገበረኒ ነይሩ።

21 ንጽህናይ እኳ እንተ ዝሕሉ፡ ብዛዕባ ርእሰይ ኣይተኣማመንን እየ፣*

ነዛ ህይወተይ እንዕቃ* እየ።

22 ኵሉ ሓደ እዩ፣ ስለዚ እየ፡

‘ንሱ ንንጹህ ኰነ ንእኩይ የጥፍኦም’ ዝብል ዘለኹ።

23 ደምሳሲ ውሒዝ ብሃንደበት እንተ ቐቲሉ፡

ብቕብጸት ንጹሃት የላግጽ።

24 ምድሪ ኣብ ኢድ እኩይ ተዋሂባ ኣላ፣+

ንሱ ንኣዒንቲ* ፈራዶኣ ይሽፍኖ ኣሎ።

25 ሕጂ፡ መዓልትታተይ ካብ ጐያዪ ይፈጥና፡+

ጽቡቕ ከይረኣያ ኸኣ ይሃድማ ኣለዋ።

26 ከም ጃልባ ሻምብቆ፡

ናብ ግዳዩ ኸም ዚንቈት ንስሪ ይሓልፋ።

27 ‘መረረተይ ክርስዖ፡

ገጸይ ለዊጠ ኸኣ ክሕጐስ እየ’ እንተ ዝብል፡

28 ብሰንኪ ዅሉ ስቓየይ ምፈራህኩ፣+

ንስኻ ንጹህ ከም ዘይትገብረኒ ድማ እፈልጥ እየ።

30 ብማይ ውርጪ እንተ ዝሕጸብ፡

ኣእዳወይ እውን ብሳሙና* እንተ ዘጽሪ፡+

31 ኣብ ጕድጓድ ምኣለኽካኒ፡

ሽዑ፡ ክዳውንተይ እኳ ምፈንፈነኒ ነይሩ።

32 ከይምልሰሉ፡ ብሓደ ናብ ቤት ፍርዲ ኸይንኸይድሲ፡

ከማይ ሰብ ኣይኰነን።+

33 ኣብ መንጎና ኺውስን* ዚኽእል፡

ዳኛ ኪዀነና ዚኽእል* የልቦን።

34 ንዓይ ምውቃዕ እንተ ዚሓድግ፡*

ብሽበራኡ እውን እንተ ዘየፈራርሃኒ፡+

35 ሽዑ፡ ከይፈራህኩ ምተዛረብክዎ፣

ብፍርሂ ምዝራብሲ ናተይ ኣይኰነን።