ዓንቀጻት መጽናዕቲ

ህዝቢ የሆዋ ኣብ ውሽጢ ምድራዊ ኽፋል ውድብ ኣምላኽ ኣብ ዘሎ ፍሉይ መንፈሳዊ ገነት እዮም ዚርከቡ። ነዚ ኻብ የሆዋ ዝረኸብናዮ መሰናድዎ፡ ምሉእ ብምሉእ ከም እነማስወሉ ብኸመይ ከነርኢ ንኽእል፧ እዚ ገነት እዚ ብዝያዳ ምእንቲ ኺጽብቕ፡ ብደረጃ ውልቀ ሰብ እንታይ ክንገብር ንኽእል፧ እዛ ዓንቀጽ እዚኣ፡ ነዚ ሕቶታት እዚ ኽትምልሶ እያ።

እዛ ዓንቀጽ እዚኣ፡ ብዛዕባ እቲ ብሕጂ ዚፍጸም ዜደንቕ ፍጻመታት ትገልጽ። ብዘይካዚ፡ ህዝቢ ኣምላኽ ነቲ ብርቱዕ ጸበባ ብምሉእ ምትእምማን ኪጽበይዎ ዚኽእልሉ ምኽንያት እውን ትገልጽ እያ።

ኣብዛ ሰይጣን ዚቈጻጸራ ዓለም፡ ሰባት ንኣምላኽ ዘይኰነስ ንኻልእ ነገራት እዮም እሙናት ዚዀኑ። ክርስትያናት ግና፡ ንየሆዋ እሙናት ኪዀኑ ቓል ኣትዮም እዮም። ኣብዛ ዓንቀጽ እዚኣ፡ ምስ ተቐናቐንቲ ስለምንታይ ወገን ክንሕዝ ከም ዘይብለና፡ ክርስትያናዊ ገለልትነትና ምእንቲ ኽንሕሉ ድማ ንኣእምሮናን ንሕልናናን ብኸመይ ከነሰልጥኖ ኸም እንኽእል ክንርኢ ኢና።

ኣብ መላእ ዓለም ዘለዉ ህዝቢ የሆዋ ብዓሰርተታት ኣሽሓት ኣብ ዚቝጸር ኣዳራሻት መንግስቲ ኣምላኽን ካልእ መአከቢታትን ንኣምልኾ ይእከቡ እዮም። እዛ ዓንቀጽ እዚኣ፡ እዚ መአከቢ ቦታታት ንኽብሪ የሆዋ ተባሂሉ ብኸመይ ኪርአን ኪምወልን ኪተሓዝን ከም ዘለዎ ንኽንርዳእ ኪሕግዘና ዚኽእል ቅዱስ ጽሑፋዊ ስርዓታት ተብርህ እያ።