ትምህርቲ 32

መንግስቲ ኣምላኽ ሕጂ ትገዝእ ኣላ!

ብወረቐት ኣብ እተሓትመ

መንግስቲ ኣምላኽ ብ1914 ኣብ ሰማይ ክትገዝእ ጀሚራ ኣላ። ናይ ሰብኣዊ ግዝኣት ዳሕሮት መዓልትታት እውን ሽዑ እዩ ጀሚሩ። ከምኡ ምዃኑ ኸመይ ጌርና ንፈልጥ፧ ትንቢታት መጽሓፍ ቅዱስን ካብ 1914 ኣትሒዙ ዚርአ ዘሎ ዅነታትን ጠባያትን እስከ ንመርምር።

1. ትንቢት መጽሓፍ ቅዱስ እንታይ ይሕብር፧

ኣብታ ኣብ መጽሓፍ ቅዱስ እትርከብ መጽሓፍ ዳንኤል፡ መንግስቲ ኣምላኽ ኣብ መወዳእታ “ሸውዓተ ግዜያት” ምግዛእ ከም እትጅምር ተገሊጹ ኣሎ። (ዳንኤል 4:16, 17) ድሕሪ ዘመናት ከኣ፡ የሱስ ነቲ ግዜያት እቲ፡ “ምዱብ ግዜያት ኣህዛብ” ኢሉ ጸዊዕዎ እዩ፣ ሽዑ ገና ዘይተወድአ ምንባሩ እውን ምሂሩ እዩ። (ሉቃስ 21:24) ቀጺልና ኸም እንርእዮ፡ እቲ ሸውዓተ ግዜያት ብ1914 እዩ ተወዲኡ።

2. ካብ 1914 ኣትሒዙ እንታይ ኵነታትን ጠባያትን እዩ ብግሁድ ዚርአ ዘሎ፧

ሓደ ግዜ፡ የሱስ ካብ ደቀ መዛሙርቱ፡ “ምልክት እቲ ኣብዚ እትህልወሉ እዋንን መደምደምታ እቲ ስርዓትንከ እንታይ እዩ፧” ዚብል ሕቶ ቐረበሉ። (ማቴዎስ 24:3) ንሱ ድማ ንጉስ መንግስቲ ኣምላኽ ኰይኑ ኣብ ሰማይ ምግዛእ ድሕሪ ምጅማሩ ዚኸውን ብዙሕ ነገራት ነገሮም። ገለ ኻብኡ ውግእን ጥሜትን ምንቅጥቃጥ ምድርን እዩ ነይሩ። (ማቴዎስ 24:7 ኣንብብ።) ብዘይካዚ፡ “ኣብተን ዳሕሮት መዓልትታት” ጠባይ ሰባት ስለ ዚበላሾ፡ “ጽንኩር ግዜ” ኸም ዚኸውን መጽሓፍ ቅዱስ ተነብዩ ኣሎ። (2 ጢሞቴዎስ 3:1-5) እዚ ዅነታትን ጠባያትን፡ ምናዳ ኻብ 1914 ኣትሒዙ ብግሁድ ይርአ ኣሎ።

3. መንግስቲ ኣምላኽ ክትገዝእ ካብ እትጅምር ኣትሒዙ፡ ኵነታት ዓለም ኣመና ዚኸፍእ ዘሎ ስለምንታይ እዩ፧

የሱስ ንጉስ መንግስቲ ኣምላኽ ደድሕሪ ምዃኑ፡ ምስ ሰይጣንን ኣጋንንቱን ተዋግአ። ኣብቲ ውግእ ከኣ፡ ሰይጣን ተሳዕረ። መጽሓፍ ቅዱስ ኣስዕብ ኣቢሉ፡ “[ሰይጣን] ናብ ምድሪ ተደርበየ፡ መላእኽቱ እውን ምስኡ ተደርበዩ” ይብል። (ራእይ 12:9, 10, 12) ሰይጣን ከም ዚጠፍእ ስለ ዚፈልጥ፡ ኣመና ተቘጢዑ እዩ ዘሎ። ስለዚ፡ ኣብ ምድሪ ስቓይን መከራን ይወርድ ኣሎ። በዚ ምኽንያት እዚ ድማ እዩ ዅነታት ዓለም ኣመና ኸፊኡ ዘሎ! መንግስቲ ኣምላኽ ንዅሉ እዚ ጸገማት ከተዐርዮ እያ።

ኣዕሚቝካ ዅዓት

መንግስቲ ኣምላኽ ብ1914 ክትገዝእ ምጅማራ ኸመይ ጌርና ኸም እንፈልጥን እዚ ንዓና እንታይ ትርጉም ኪህልዎ ኸም ዚግባእን መርምር።

4. ኣብ መጽሓፍ ቅዱስ ተጠቒሱ ዘሎ መስርዕ ግዜ፡ ናብ 1914 የመልክተና

ቪድዮ ኣጻውት።

ቪድዮ፦ ብ1914 መንግስቲ ኣምላኽ ክትገዝእ ጀሚራ (5:02)

ኣምላኽ ንነቡካድነጻር ንጉስ ጥንታዊት ባቢሎን፡ ትንቢታዊ ሕልሚ ኣርኣዮ። እቲ ሕልምን ዳንኤል ዝሃቦ ትርጉምን ድማ፡ ንግዝኣት ነቡካድነጻርን ንመንግስቲ ኣምላኽን ዚምልከት ከም ዝዀነ ይሕብር እዩ።—ዳንኤል 4:17 ኣንብብ።a

ዳንኤል 4:20-26 ኣንብብ፡ ድሕሪኡ በዚ ሰሌዳ ጌርካ ነዚ ሕቶታት መልስ፦

(ሀ) ነቡካድነጻር ኣብ ሕልሙ እንታይ እዩ ርእዩ፧—ፍቕዲ 20ን 21ን ርአ።
(ለ) ድሕሪኡ እታ ኦም እንታይ ኰይና፧—ፍቕዲ 23 ርአ።
(ሐ) ኣብ መወዳእታ እቲ “ሸውዓተ ግዜያት” እንታይ እዩ ዚኸውን፧—ፍቕዲ 26 ርአ።

እታ ብሕልሚ እተራእየት ኦም ምስ መንግስቲ ኣምላኽ ብኸመይ ትዛመድ፧

ትንቢት (ዳንኤል 4:20-36)

ግዝኣት

(ሀ) ነዋሕ ኦም

ግዝኣት ይቋረጽ

(ለ) “ነታ ኦም ቍረጽዋ፡” “ሸውዓተ ግዜያት” ይሕለፋ

ግዝኣት ይምለስ

(ሐ) “መንግስትኻ መሊሳ ናትካ ኽትከውን እያ”

ኣብ ቀዳማይ ፍጻመ እዚ ትንቢት . . .

(መ) እታ ኦም ንመን ተመልክት፧—ፍቕዲ 22 ርአ።
(ረ) ግዝኣቱ ብኸመይ ተቛሪጹ፧—ዳንኤል 4:29-33 ኣንብብ።
(ሰ) ኣብ መወዳእታ እቲ “ሸውዓተ ግዜያት፡” ነቡካድነጻር እንታይ ኰይኑ፧—ዳንኤል 4:34-36 ኣንብብ።

ቀዳማይ ፍጻመ

ግዝኣት

(መ) ነቡካድነጻር ንጉስ ባቢሎን

ግዝኣት ይቋረጽ

(ረ) ድሕሪ 606 ቅ.ክ.፡ ነቡካድነጻር ኣእምሮኡ ይስሕት፣ በዚ ኸምዚ፡ ቃል ብቓሉ ንሸውዓተ ዓመት ኪገዝእ ኣይክእልን

ግዝኣት ይምለስ

(ሰ) ነቡካድነጻር ናብ ኣእምሮኡ ይምለስ፡ ዳግም እውን ኪገዝእ ይጅምር

ንጉስ ነቡካድነጻር ኣእዳዉ ናብ ሰማይ ኣልዒሉ ኣንቃዕሪሩ ይጥምት።

ኣብ ካልኣይ ፍጻመ እዚ ትንቢት . . .

(ሸ) እታ ኦም ንመን ተመልክት፧—1 ዜና መዋእል 29:23 ኣንብብ።
(ቀ) ግዝኣቶም እተቛረጸ ብኸመይ እዩ፧ የሱስ ኣብ ምድሪ ኣብ ዝነበረሉ እዋን፡ ገና ተቛሪጹ ምንባሩ ብኸመይ ንፈልጥ፧—ሉቃስ 21:24 ኣንብብ።
(በ) እቲ ግዝኣት መዓስን ኣበይን እዩ ተመሊሱ፧

ካልኣይ ፍጻመ

ግዝኣት

(ሸ) ንግዝኣት ኣምላኽ ዚውክሉ ነገስታት እስራኤል

በብተራ ኣብ ዝፋን እተቐመጡ እስራኤላውያን ነገስታት። ጸዳል ብርሃን ኣብ ልዕሊኦም ይበርህ።

ግዝኣት ይቋረጽ

(ቀ) የሩሳሌም ምስ ጠፍአት፡ እቲ መስመር ነገስታት እስራኤል ን2,520 ዓመት ተቛሪጹ

ብ607 ቅ.ክ. ጥንታዊት የሩሳሌም ብሓዊ ትነድድ። ድሕሪኡ 2,520 ዓመት ይሓልፍ።

ግዝኣት ይምለስ

(በ) የሱስ ኣብ ሰማይ ንጉስ መንግስቲ ኣምላኽ ኰይኑ ኺገዝእ ጀሚሩ

ካብ 1914 ድ.ክ. ጀሚሩ የሱስ ኣብ ሰማያዊ ዝፋኑ ዀይኑ ኣብ ልዕሊ ምድሪ ይገዝእ። ካብኡ ጸዳል ብርሃን ይበርህ።

ንውሓት ሸውዓተ ግዜያት ክንደይ እዩ፧

ገሊኡ ኽፋላት መጽሓፍ ቅዱስ ንኻልእ ክፋላት ክንርዳእ ይሕግዘና እዩ። ንኣብነት፡ ኣብ መጽሓፍ ቅዱስ ዚርከብ መጽሓፍ ራእይ፡ ሰለስተ ግዜን ፈረቓን ምስ 1,260 መዓልቲ ማዕረ ምዃኑ ይሕብረና እዩ። (ራእይ 12:6, 14) ሸውዓተ ግዜያት ዕጽፉ፡ ማለት 2,520 መዓልቲ እዩ። ሓድሓደ ግዜ፡ ኣብ መጽሓፍ ቅዱስ፡ መዓልቲ ንዓመት ተመልክት እያ። (ህዝቅኤል 4:6) ስለዚ፡ እቲ ኣብ መጽሓፍ ዳንኤል ተጠቒሱ ዘሎ ሸውዓተ ግዜያት፡ 2,520 ዓመት የመልክት።