Isaias
60 “Bumangon ka, O babae,+ magpasinag ka ng liwanag, dahil dumating na ang iyong liwanag.
Sumisikat sa iyo ang kaluwalhatian ni Jehova.+
2 Dahil tatakpan ng kadiliman ang lupa,
At ng makapal at maitim na ulap ang mga bansa;
Pero sisikat sa iyo si Jehova,
At makikita sa iyo ang kaluwalhatian niya.
4 Tumingin ka sa palibot mo!
Lahat sila ay nagtipon-tipon; papunta sila sa iyo.
Patuloy na dumarating ang mga anak mong lalaki mula sa malayo+
At ang mga anak mong babae na karga sa mga bisig.+
5 Sa panahong iyon ay makikita mo ito at magniningning ka,+
At bibilis ang tibok ng puso mo at mag-uumapaw sa saya,
Dahil dadalhin sa iyo ang yaman ng dagat;
Ang yaman ng mga bansa ay mapupunta sa iyo.+
Lahat ng mula sa Sheba —darating sila;
Magdadala sila ng ginto at olibano.
Magpapahayag sila ng papuri kay Jehova.+
7 Titipunin sa iyo ang lahat ng kawan ng Kedar.+
Mapapakinabangan mo ang mga lalaking tupa ng Nebaiot.+
9 Dahil sa akin ay aasa ang mga isla;+
Ang mga barko ng Tarsis ay nangunguna,*
Dinadala nila ang mga anak mong lalaki mula sa malayo,+
Kasama ng kanilang mga pilak at ginto,
Papunta sa pangalan ni Jehova na iyong Diyos at sa Banal ng Israel,
10 Itatayo ng mga dayuhan ang mga pader mo,
At ang mga hari nila ay maglilingkod sa iyo,+
Dahil sinaktan kita nang magalit ako sa iyo,
Pero dahil sa kabutihang-loob ko ay kaaawaan kita.+
11 Ang mga pintuang-daan mo ay pananatilihing bukás;+
Hindi isasara ang mga iyon sa araw man o sa gabi,
Para madala sa iyo ang yaman ng mga bansa,
At ang mga hari nila ang mangunguna.+
12 Dahil anumang bansa o kaharian na hindi maglilingkod sa iyo ay malilipol,
At ang mga bansa ay lubusang mawawasak.+
13 Darating sa iyo ang kaluwalhatian ng Lebanon,+
Ang puno ng enebro, ang puno ng fresno, at ang sipres nang magkakasama,+
Para pagandahin ang lugar ng aking santuwaryo;
Luluwalhatiin ko ang tuntungan ng mga paa ko.+
14 Ang mga anak ng mga nagpahirap sa iyo ay darating at yuyukod sa iyo;
Ang lahat ng lumalapastangan sa iyo ay susubsob sa paanan mo,
At tatawagin ka nilang lunsod ni Jehova,
Ang Sion ng Banal ng Israel.+
15 Kahit na itinakwil ka at kinapootan at hindi dinadaanan ninuman,+
Gagawin kitang pinagmumulan ng walang-hanggang karangalan,
Isang dahilan para magsaya ang lahat ng henerasyon.+
16 At iinumin mo ang gatas ng mga bansa+
At ang gatas na mula sa mga hari;+
At tiyak na malalaman mo na ako, si Jehova, ang iyong Tagapagligtas,
At ang Makapangyarihan ng Jacob ang iyong Manunubos.+
17 Sa halip na tanso ay magdadala ako ng ginto,
At sa halip na bakal ay magdadala ako ng pilak,
Sa halip na kahoy, tanso,
At sa halip na bato, bakal;
At aatasan ko ang kapayapaan bilang tagapangasiwa mo
At ang katuwiran bilang tagapagbigay-atas mo.+
18 Hindi na maririnig ang karahasan sa lupain mo
O ang pagkawasak at kagibaan sa loob ng mga hangganan mo.+
At tatawagin mong Kaligtasan ang mga pader mo+ at Papuri ang mga pintuang-daan mo.
19 Hindi na ang araw ang magiging liwanag mo kapag araw,
At hindi na ang buwan ang magbibigay sa iyo ng liwanag,
Dahil si Jehova ang iyong magiging walang-hanggang liwanag,+
At ang iyong Diyos ang magiging kagandahan mo.+
20 Hindi na lulubog ang araw mo,
At hindi na lalamlam ang buwan mo,
Dahil si Jehova ang magiging iyong walang-hanggang liwanag,+
At matatapos na ang mga araw ng pagdadalamhati mo.+
21 At ang buong bayan mo ay magiging matuwid;
Magiging pag-aari nila ang lupain magpakailanman.
22 Ang munti ay magiging isang libo
At ang maliit ay magiging makapangyarihang bansa.
Ako mismo, si Jehova, ang magpapabilis nito sa takdang panahon nito.”