Mga Awit

83 O Diyos, huwag kang manahimik;+

Huwag kang manatiling walang imik at walang ginagawa, O Diyos.

 2 Dahil ang mga kaaway mo ay nagkakaingay;+

Ang mga napopoot sa iyo ay nagmamataas.*

 3 May katusuhan silang nagpapakana laban sa bayan mo;

Nagsasabuwatan sila laban sa mga iniingatan* mo.

 4 Sinasabi nila: “Halikayo, lipulin natin ang bansa nila,+

Para hindi na maalaala pa ang pangalan ng Israel.”

 5 Bumubuo sila ng isang pakana;*

Nagsabuwatan sila* laban sa iyo+—

 6 Ang mga Edomita at ang mga Ismaelita,* ang Moab+ at ang mga Hagrita,+

 7 Ang Gebal at Ammon+ at Amalek,

Ang Filistia,+ kasama ng mga nakatira sa Tiro.+

 8 Sumama rin sa kanila ang Asirya;+

Sinusuportahan nila ang* mga anak ni Lot.+ (Selah)

 9 Gawin mo sa kanila ang ginawa mo sa Midian,+

Gaya ng ginawa mo kay Sisera at kay Jabin sa ilog* ng Kison.+

10 Nalipol sila sa En-dor;+

Naging dumi sila sa lupa.

11 Ang mga prominente sa kanila ay gawin mong gaya nina Oreb at Zeeb,+

At ang matataas na opisyal* nila ay gawin mong gaya nina Zeba at Zalmuna,+

12 Dahil sinabi nila: “Kunin natin ang lupain na tinitirhan ng Diyos.”

13 O Diyos ko, gawin mo silang gaya ng dawag na gumugulong,+

Gaya ng pinaggapasan na tinatangay ng hangin.

14 Gaya ng apoy na tumutupok sa kagubatan,

At gaya ng liyab na sumusunog sa mga bundok,+

15 Gayon mo nawa sila tugisin ng iyong unos+

At takutin ng iyong buhawi.+

16 Takpan* mo ng kahihiyan ang mga mukha nila,

Para hanapin nila ang pangalan mo, O Jehova.

17 Mapahiya nawa sila at matakot magpakailanman;

Mawalan nawa sila ng dangal at malipol;

18 Malaman nawa ng mga tao na ikaw, na ang pangalan ay Jehova,+

Ikaw lang ang Kataas-taasan sa buong lupa.+