ʻAisea

64 Taumaiā naʻá ke fakamavaeua ʻa e ngaahi langí peá ke hāʻele hifo,

Ko ia ʻe ngalulu ai ʻa e ngaahi moʻungá koeʻuhí ko koe,

 2 ʻO hangē ko e tutu ʻe he afí ʻa e fefié,

Mo e ʻai ʻe he afí ke lili ʻa e vaí,

ʻE toki ʻilo ai ʻe ho ngaahi filí ʻa ho huafá,

Pea ʻe tetetete ʻa e ngaahi puleʻangá ʻi ho ʻaó!

 3 ʻI hoʻo fai ʻa e ngaahi meʻa fakaofo ʻa ia naʻe ʻikai te mau teitei ʻamanaki ki aí,+

Naʻá ke hāʻele hifo, pea naʻe ngalulu ʻa e ngaahi moʻungá ʻi ho ʻaó.+

 4 He talu mei muʻa kuo ʻikai ha taha te ne fanongoa pe ongona,

Pea kuo ʻikai ha mata ʻe sio ki ha ʻOtua kehe, tuku kehe koe,

ʻA ia ʻokú ke fai ha ngāue maʻá e faʻahinga ʻoku nau nofo ʻamanaki* kiate koé.+

 5 Kuó ke fakafetaulaki ki he faʻahinga ʻoku nau fiefia ʻi hono fai ʻa e meʻa ʻoku totonú,+

ʻA kinautolu ʻoku nau manatu kiate koe pea muimui ʻi hoʻo ngaahi foungá.

Vakai! Naʻá ke hoko ʻo houhau, lolotonga ia ʻa e hokohoko atu ʻemau faiangahalá,+

Naʻa mau fai pehē ʻo fuoloa.

 6 Pea kuo mau hoko kotoa ʻo hangē ha taha ʻoku taʻemaʻá,

Pea ko e kotoa ʻo ʻemau ngaahi ngāue māʻoniʻoní ʻoku hangē ia ha tupenu ʻoku tau ai ha puke fakamāhiná.+

Te mau mae kotoa ʻo hangē ha lauʻiʻakaú,

Pea ko ʻemau ngaahi faihalá te nau ʻave kimautolu ʻo hangē ko hono ʻave ʻe he matangí.

 7 ʻOku ʻikai ha taha ʻe ui ki ho huafá,

ʻOku ʻikai ha taha ʻokú ne ueʻi ʻa ia tonu ke ne piki maʻu kiate koe,

He kuó ke fufū ho fofongá meiate kimautolu,+

Pea kuó ke ʻai ke mau mole atu* koeʻuhí ko* ʻemau faihalá.

Ko kimautolú ko e ʻumea, pea ko koe ʻa homau Tufunga-ʻUmeá;*+

Ko kimautolú kotoa ko e ngāue ʻa ho nimá.

 9 ʻOua naʻá ke hoko ʻo houhau lahi, ʻe Sihova,+

Pea ʻoua naʻá ke manatu ki heʻemau faihalá ʻo taʻengata.

Kuo hoko ʻa Saione ko ha toafa,

Pea ko Selusalema ko ha feituʻu lala.+

11 Ko homau fale* toputapu mo lāngilangí,*

ʻA ia naʻe fakahīkihikiʻi ai koe ʻe heʻemau fanga kuí,

Kuo tutuʻaki ia ʻa e afi,+

Pea ko e kotoa ʻo e ngaahi meʻa naʻa mau ʻofa aí ko e koto ʻauha pē.