Aisaia

35 Ples nating na ples em graun i drai, ol bai amamas,+

Na ples drai nating bai amamas na ol plaua bai karamapim ples olsem plaua safron.*+

 2 Tru tumas, em bai kamapim planti plaua;+

Em bai amamas na singaut.

Em bai kisim glori bilong Lebanon,+

Naispela bilas bilong Karmel+ na bilong Saron.+

 3 Strongim ol han i no gat strong,

Na strongim ol skru i wok long guria.+

Harim! God bilong yupela bai bekim rong bilong ol birua bilong yupela,

God bai kam bilong mekim save long ol.+

 5 Long dispela taim, ai bilong ol aipas bai lukluk,+

Na yau bilong ol yaupas bai harim toktok.+

 6 Long dispela taim, ol lek nogut bai kalap olsem dia,+

Na tang bilong ol mauspas bai singaut na amamas.+

Ol wara bai sut i kam aut long ples nating,

Na ol hanwara bai ron long ples drai nating.

 7 Graun i hat na drai nogut tru bai kamap raunwara,

Na graun i no gat wara, ol hanwara bai ron.+

Long ol ples we ol jekol* i malolo long en,+

Bai i gat ol grinpela gras, ol pitpit na longpela gras.

 8 Na bai i gat wanpela bikrot long dispela hap,+

Yes, wanpela rot ol i kolim Bikrot Bilong Pasin Holi.

Em bilong man husat i bihainim dispela rot;

I no gat wanpela longlong man bai wokabaut long en.

 9 I no gat laion bai stap long en,

Na i no gat ol wel animal bai wokabaut long dispela rot.

Ol bai no stap long en;+

Ol man em God i baim bek ol, ol tasol bai wokabaut long dispela rot.+

Yes, ol bai kisim bikpela amamas tru,

Na bel hevi na sori bai i no stap moa.+