Buk Song
Tok i go long dairekta. Devit i raitim dispela song.
68 God i ken kirap, na ol birua bilong em i ken go nabaut,
Na ol man i no laikim em tru ol i ken ranawe long em.+
2 Win i save rausim smok i go, na olsem tasol bai yu rausim ol i go;
Olsem gris bilong kandel i save melt long ai bilong paia,
Ol man nogut bai bagarap olgeta long ai bilong God.+
4 Singsing long God; singim ol song bilong preisim* nem bilong em.+
Singsing long Man i kam i go long ples nating.*
Nem bilong em Ja!*+ Long ai bilong em, yumi ken amamas!
5 God i stap long ples holi bilong em+
Na em i stap olsem papa bilong ol pikinini i no gat papa na man bilong lukautim ol wido.+
6 God i save givim haus long ol man i stap wanpis na bai ol i ken stap long en;+
Em i save pinisim kalabus bilong ol kalabusman na mekim ol i stap gut.+
Tasol ol het strong man* bai i stap long graun i drai tru.+
7 God, taim yu bin bringim* ol manmeri bilong yu i go,+
Na taim yu wokabaut long ples drai nating i go, (Selah)
8 Graun i guria;+
Na long ai bilong God, ren i lusim heven na i pundaun i kam daun;
Na Maunten Sainai i guria long ai bilong God, em God bilong Israel.+
9 God, yu mekim bikpela ren tru i kam daun;
Yu givim strong long ol manmeri bilong yu em strong bilong ol i pinis.
10 Ol i stap long ol haus sel long kem;+
God, yu gat gutpela pasin olsem na yu save givim ol samting long ol rabisman.
12 Ol king wantaim ol ami bilong ol i ranawe,+ yes ol i ranawe!
Na meri i stap long haus i kisim tu ol samting ol i kisim long pait.+
13 Maski yupela i slip klostu long ol paia long kem,*
Long dispela hap bai yupela i holim wanpela pisin balus i gat ol silva wing,
Na ol gras bilong en i gol.
14 Taim God i Gat Olgeta Strong i rausim ol king bilong dispela hap graun* i go nabaut,+
Sno i pundaun long Salmon.*
15 God i wokim ol maunten bilong Basan;+
Ol maunten bilong ples maunten bilong Basan, ol i antap tru.
16 Yupela ol maunten i antap tru, bilong wanem yupela i mangal
Long maunten em God i makim* bilong em i ken i stap long en?+
Yes, Jehova bai i stap long en inap oltaim oltaim.+
17 Ol karis bilong God long pait, ol i planti planti tausen.+
Jehova i lusim Maunten Sainai na i go insait long ples holi.+
Yu kisim ol kalabusman i go;
Yu kisim ol man olsem ol presen,+
Yes, God Ja, yu kisim tu ol het strong man+ i go, bai ol i stap wantaim ol.
19 Litimapim nem bilong Jehova. Long olgeta de em i save karim hevi bilong yumi,+
God tru em wanpela tasol i save kisim bek yumi.(Selah)
20 God tru i stap long sait bilong yumi, em God i save kisim bek yumi;+
Jehova, Nambawan Bikpela i save wokim rot na yumi no i dai.+
21 God bai brukim het bilong ol birua bilong em i go liklik liklik,
Na brukim het bilong ol man i mekim sin yet.+
22 Jehova i tok olsem: “Bai mi kisim ol long Basan na bringim ol i kam bek;+
Ol i stap daunbilo tru long as bilong solwara na bai mi bringim ol i kam bek,
23 Na blut bilong ol birua bilong yupela bai pulap long lek bilong yupela+
Na ol dok bilong yupela bai likim blut bilong ol.”
24 God, ol manmeri i lukim yu i winim pinis pait na i kam,
God bilong mi, em King bilong mi, i go insait long ples holi.+
25 Ol man bilong singsing i wokabaut long fran na ol man bilong mekim musik em ol i pilaim ol instramen i gat string, ol i wokabaut bihain long ol;+
Na ol yangpela meri i paitim ol tambarin i wokabaut namel long dispela tupela lain.+
26 Yupela bikpela lain manmeri i bung, yupela i mas preisim God.
Yupela ol manmeri i kam long Man i Kamapim lain Israel, yupela i mas preisim Jehova.+
27 Orait liklik traib bilong Benjamin+ i save daunim ol manmeri, lain bilong en i go;
Na ol hetman bilong ol Juda wantaim bikpela lain manmeri bilong en i amamas na singaut wantaim na i bihainim ol,
Na ol hetman bilong ol Sebulun, na ol hetman bilong ol Naptali i kam bihain.
28 God bilong yu i bin tok olsem yu bai i kisim strong.
God, soim strong bilong yu, olsem yu bin mekim long mipela.+
30 Yu mas krosim ol wel animal i save stap long pitpit,
Na lain bulmakau man+ na ol pikinini bilong ol,
Yu mas mekim olsem inap long ol manmeri i brukim skru* na bringim ol silva i kam long yu.
Tasol ol manmeri i save laikim tumas long pait, rausim ol i go nabaut.
31 Ol samting ol i wokim long kopa, ol bai bringim i kam* lusim Isip;+
Kus* bai hariap long givim ol presen long God.
32 Yupela ol lain manmeri bilong graun, singim song long God,+
Singim ol song bilong preisim* Jehova, (Selah)
33 Singsing long man i save wokabaut long skai, em dispela skai i stap bipo yet.+
Harim! Em i singaut na nek bilong em i pairap olsem tanda.
34 Tokaut long strong bilong God.+
Em i bosim Israel,
Na strong bilong em i stap long skai.*
35 Ol manmeri i mas pret na rispek long God, em i stap long haus holi bilong em.*+
Em i God bilong Israel,
Na em i save givim strong long ol manmeri.+
Preisim God.