Buk Song
116 Mi laikim Jehova
Long wanem, em i save harim* singaut bilong mi, yes, em i save harim singaut bilong mi na helpim mi.+
2 Em i save putim yau long* tok bilong mi,+
Olsem na long olgeta taim mi stap laip,* bai mi singaut long em.
3 Dai i olsem rop i laik pasim mi strong;
Matmat i holimpasim mi.+
Bel sori na hevi i daunim mi tru.+
4 Tasol mi singaut long nem bilong Jehova olsem:+
“O Jehova, kisim bek mi!”
6 Jehova i save lukautim ol man i no gat planti save.+
Mi bagarap tru, tasol em i kisim bek mi.
7 Nau mi no wari long wanpela samting,
Long wanem, Jehova i mekim gutpela pasin long mi.
8 Yu bin kisim bek mi na mi no dai,
Na yu mekim drai aiwara bilong mi, na yu lukautim mi na mi no pundaun.+
9 Long taim mi stap laip, mi bai wokabaut long ai bilong Jehova.
10 Mi gat bilip, olsem na mi toktok;+
Mi karim bikpela pen na hevi.
11 Na mi pret na tok olsem:
“Olgeta man ol i save giaman.”+
12 Em i bin mekim gut tru long mi,
Olsem na bai mi bekim bek wanem samting long Jehova?
13 Mi bai dring long* kap bilong tenkyu long em i kisim bek mi,
Na mi bai singaut long nem bilong Jehova.
16 Jehova,
Mi wokman bilong yu,
Yes, mi wokman bilong yu, pikinini man bilong wokmeri bilong yu.
Yu bin lusim ol rop i pasim mi na mi kamap fri.+
17 Mi bai ofaim sakrifais bilong tenkyu long yu;+
Mi bai singaut long nem bilong Jehova.