Buk Song
Singsing bilong Devit.
26 Jehova, skelim mi, long wanem, mi save wokabaut stret.+
Mi trastim tru Jehova na bai mi no ken pundaun.+
2 Jehova, skelim mi na traim pasin bilong mi;
Mekim bel+ na tingting i stap insait tru long mi* i kamap klin.
3 Oltaim mi save tingim tingim long bel gutpela pasin laikim* bilong yu,
Na mi save bihainim stret rot bilong yu.+
4 Mi no save bung* wantaim ol man bilong giaman,+
Na mi no save raun wantaim ol man i save haitim pasin tru bilong ol.*
6 Mi bai wasim han bilong mi bilong soim olsem mi no gat asua,
Na mi bai wokabaut raunim alta bilong yu, O Jehova,
7 Bilong tok tenkyu na ol manmeri bai harim+
Na bilong tokaut long ol gutpela wok yu bin mekim.
9 Yu no ken rausim mi i go wantaim ol man bilong mekim sin+
Na yu no ken pinisim laip bilong mi wantaim ol man bilong pait na bagarapim man,*
10 Em han bilong ol i save insait long mekim pasin bikhet na i no sem,*
Na rait han bilong ol i save kisim braib.*
11 Tasol mi yet, mi bai wokabaut long pasin i stret.
Yu mas mekim gutpela pasin long mi na kisim bek mi.
12 Lek bilong mi i sanap long graun i stret.+
Jehova, bai mi litimapim nem bilong yu namel long bikpela lain manmeri i bung.+