Buk Song
2 Bilong wanem ol lain man i no stap isi?
Na ol manmeri i toktok planti long samting i no gat as bilong en?+
Bilong birua long Jehova na man em i bin anointim.*+
3 Ol i tok olsem: “Yumi brukim ol sen ol i pasim yumi long en
Na rausim ol rop ol i pasim yumi long en!”
4 Na Man i sindaun long sia king long heven bai lap long ol;
Jehova bai tok bilas long ol.
5 Long dispela taim em bai belhat na toktok long ol
Na bikpela belhat bilong em i mekim ol i pret,
6 Na em i tok olsem: “Mi yet i putim pinis king bilong mi+
Long Saion,+ em maunten holi bilong mi.”
7 Bai mi tokaut long tok* bilong Jehova;
Em i tokim mi olsem: “Yu pikinini man bilong mi;+
Nau mi kamap papa bilong yu.+
9 Na yu bai brukim ol i go liklik long stik* ain bilong yu,+
Na yu bai brukim ol i go liklik liklik olsem sospen graun i bruk.”+
10 Olsem na yupela ol king yupela i mas wokim gut tingting;
Na kisim tok bilong stretim yupela, em yupela ol jas bilong graun.*
11 Yupela i mas pret long Jehova na lotu long em,
Na yupela i mas guria long em na amamas wantaim.
12 Yupela i mas givim ona* long pikinini man.+ Nogut God* i kros long yupela
Na yupela bai pinis olgeta,+
Long wanem belhat bilong Em bai kamap wantu tasol.
Ol man i save go long Em, bai em i ken i stap ples hait bilong ol, ol i ken amamas.